Heseki’el 9:4 - NQAARIIT NE ROOG

⁴ O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Heseki’el 9:4 Referans Kwoze

Mbeeñil 9:4

Kaa lay’el ee ba nu ndaaɓ daaƭ le mbaat ke duufeena mbaat taxar ke took lanq ke. Toroxandyo rek wiin we njeg’eerna o ñaas ole Roog na tagid den.

2 Korint 1:22

Ten ñaasu a in o anddiloor um, a fudniid Yiif Tedu le kam a qeeñ in nen a ƭegeer njigand.

Mbeeñil 14:1

Cinj kaaga, ɗeetaam, too ga’aam o Mbaal onqe a geenoox took o Joong ole Siyoŋ, soo wiin cuni teemeed we fo wiin cuni qarɓeen nahik we fo wiin cuni nahik we a ndef fo ten, gon le no Mbaal onqe fo gon Faap um a mbindel na tagid den.

Mbeeñil 20:4

Yaa keene a faafna, ga’aam a kamb, soo we moofna teen a ci’el sañ-sañ faa da ngate’itna. Ga’ahinaam itam xa laaw axe no we mbarnoor’eena, yaam ne da seede’anoogna a Yeesu, a nqaynaa fa lay fee Roog. Den fa qoox den koy mos’ee o mbaɗoox a Ɓaanoor fo nitaal um, too ndaaw’ee itam o ñaas ole Ɓaanoor na tagid den fo no ɓay den. Weene a nqontooxa, a maadoox fa Kiristaa boo xa kiid juni.

2 Timote 2:19

Kaa koy, ke Roog a geeninna waagee o yen, yaam kaa siptin fa lay um feeke: «O Yaal oxe a anda wiin um» fo «Oxuu na ne’aa gon le no Yaal oxe, fat a fes paaxeer a cinj.»

A kim a tedu ke 119:136

A kid es kaa nqaaraa fo xa kooniit, yaam ne a cangin of a reefaandeena.

Efees 4:30

Ba nu ngooyand Yiif Tedu le Roog. Mee ndax Yiif le refu o ñaas ole Roog lalteena took nuun! O ten na woornaa yee xan a jeg bes faa Roog a watkaa a nuun tigi no paaxeer boo faw.

Yeremi 13:17

Nu nan-gilooxangee kene, xam lool na pet, yaam a magnandax ale nuun. Xam yuurin xa kooniit, a kid es a nqaaraa fo xa kooniit, yaam xan o siir ole no Yaal oxe a ɓisel took o hup doole.

A sutax ale 12:13

Fo’oy le xan a ref o anddiloor no tok ke nu ndefkaa. Um ga’angaa fo’oy le, xam jolandoox a nuun, too jegkee taamaala fa leng faa na saŋikkaa a nuun, yaa um xawkaa saax le Misira.

A kim a tedu ke 119:53

Kaam fuux boo buɓaa yaam soxodu we mbesna a cangin of a cinj.

A sutax ale 12:7

Na ndok aluu leng no cegel keene a ñaamitkeel, fat nu nqot no fo’oy le, ƭuumin na toodook ake ndeerna o don-maax ole fo na tayil ale.

Esayi 57:15

Keeke oxe hupna fop, ngenand um a ref boo faw, too gon um a ref o Tedu xe, a layu: «Kaam gen took-ee-took fo no tedel, ndaa kaam gen itam fo we ngooyna too a njeg yiif neewandooxu, ndax um ñoowdand we neewandooxna soo ɗaaynoor we ngooyna.

Malaki 3:16

Kaa koy, we saɗarna o Yaal oxe kaa saƭakinraa a ndeer den, too o Yaal oxe a runga nof um, a nan-gilooxaa a den, soo safe wetandoor no we saɗaruuna too a niwaa gon um, a bindtel mbaambir um.

Heseki’el 21:6

O Yaal oxe a daawnaxam fa lay um na xa ƭelem axene:

Heseki’el 6:11

Keeke layum, mi o Yaal oxe na refkaa boo faw: Foxrandi xa ƥay of, dukoox a caf of soo lay ee ‹ey›, took cednooxu soxodu ke no mbind Isra’el fop na nqonkaa na xire, no biim fo na piste.

2 Korint 12:21

Kaam saɗaraa sax ee um fadiidangaa, xan Roog es a toroxandahinaam yaam nuun. Pexey es fop a refkaa rek um loolaa took no we miñna o mbakaadaa, too a mbañ o ndicoox qoolaƭaru ke fo ceeq ne fo caasaay ne da ñoowtaa.

2 Maad we 22:13

«Ndetyo laamtankaam o Yaal oxe, mi fa xeet fee Yudaa fop, no kaa farna no ke layeena no safe lene sogna o ga’eel, yaam fuux le no Yaal oxe a magna lool. Ne daan in a nananeerna fa lay fee no safe lene too ndeefee fop ke i mbindaneena teen taxu fuux le no Yaal oxe a ɓiltooxan a in.»

Galati 6:17

Koo jaf le na garaa, ba o leng a taxat um jaaxiɗ, yaam a aak ake ndefna no cer es fop, Kiristaa taxun.

Mberaand 4:15

O Yaal oxe a layaan ee: «Oxuu warna a Kayin, xam rabdinoox took um boo a caf ɓetaa ƭaq.» Cinj kaaga, o Yaal oxe a fi’a o anddiloor took Kayin, ndax oxuu xetna fo ten warkiran.

Heseki’el 9:5

Cinj kaaga, nanaam ta layaa lakas we yee: «Ndeefaamoo kam teeru fee soo nqaw! Ba a kid nuun a yirim too ba nu mbuus!

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.

Amos 6:6

yeraa a qaf biiñ a podu ne sabab, ndaxaɓooxaa goonga fee moƴna o fel, too o liir nuun o leng jaaɓee a koom alaa mbind Yoseef a gefna boo tuƈ.

Sofoni 1:12

Na jamaane faaga, xam joktoox a Yeerusaleem fo o jam, too xam xaw goor we yaadooxna nen biiñ fa mbendu faa diƈooxna no nqiim um, soo a layaa taa kam den ee: ‹O Yaal oxe naagee fi’aa paax mbaat paaxeer.›

Sofoni 3:18

O Yaal oxe kaa tee: «Xam fokatiid we ndefna na naqad, too a ngoƭ toofeen ke, a sutoor na wo, wo Yeerusaleem, too gaci a dam a den.

A sutax ale 12:23

Boo o Yaal oxe a xaañna saax le Misira, ndax ta xawin, a ga’angaa fo’oy le took a tayil ale fo took a toodook a ƭak ake, xan a jolandoox o don-maax olaaga too xaƴkee malaaka fee na saŋkaa ta rokiid kam pind nuun, ndax ta xaw a nuun.