Heseki’el 9:2 - NQAARIIT NE ROOG

² Maaga, ga’aam goor ɓetuu fa leng waa inoortiidoogna no don-maax took olaa jasnoorna fo ɓemb-roog o janoon, oxuu refna a pokoox ƥonax saŋkir um. A ndeer den a jeg’a o koor oxaa rokooxna njoor, a saq a pindir no qap um. A ngara soo a ngeenoox paam o sadaxand xanjar ole.

Heseki’el 9:2 Referans Kwoze

Heseki’el 10:2

O Yaal oxe a laya o koor oxe rokoox’ina njoor ne yee: «Roki ndeer a saang ake ƭugooxna pindel yeeyetax ke, mayƭandit xa ƥay of a kaagaañ a sumu jip, akaa o xotitkaa no pindel yeeyetax ke soo pasar a den took teeru fee.» Maaga, ga’aam ta rokaa teen.

A paɗax ale 16:4

Fat a rokoox sabadoor naa fi’teena gaare fo o njata nqaa fi’teena gaare, a singoorin cer um, a humnoox o qap o fi’te gaare soo a tañaloox kaa fi’teena gaare. Fat a ɓogoox soo a sogkaa o rokoox a den, yaam tikoorik keene kaa ted.

Mbeeñil 15:6

Malaaka ɓetuu ƭik ke saq’ina taamaala ɓetuu ƭik ke a sutoora no Mbind Roog ne. Malaaka fuu refna na den kaa rokoox’u sooy ndan fur naa na meleƈaa, a ngumnoox o qap wurus no laf um.

2 Maad we 15:35

Kaa koy, a ñaang a sadaxand ake moocand’aand, too xeet fee a maad’a o ƥoxottaa teen sadax fa cuuraay. Yotaam o mat max’u o don-maax took ole no Mbind ne no Yaal oxe.

Yeremi 26:10

Yaa kelfa ke Yudaa a yegna ke xew’ina, a inoora no mbind ne no maad oxe, a ndet no Mbind ne no Yaal oxe soo a moof mbaambir Ndokand nqas ne no Mbind ne no Yaal oxe.

Yeremi 25:9

xam lulit o xoyankel qeet ke no ɓemb-roog o janoon fop fa Nebukadnesaar fee o maad oxe Babilon, refna o tag es. Mi o Yaal oxe layun. Xam ɓisiid a den took saax lene fo we ngenna teen fo took qeet ke mbiduuna fop, ndax um saŋik a den, tas a den soo fi a den buuƴel, gef a den tuƈ boo faw.

Yeremi 1:15

Yaam mexe layan ee xam xoy qeet ke no maat ke no ɓemb-roog o janoon fop. Maaga, xan a ngar, a sip a kamb no maad ake den mbaambir tokand ke Yeerusaleem. Xan a mbid saŋe ke ten o kurul-keƥ, fo ke no teeru ke Yudaa fop.

2 Caloori ke 27:3

Yotaam o mat max’u o don-maax took ole no Mbind ne no Yaal oxe soo a max mayu no saŋe ne na ƥak ale Ofeel.

2 Caloori ke 4:1

O sadaxand xanjar a fi’’e, o cigdel um a ref xa noonoong qarɓeen ƭik, o yaajel um a ref xa noonoong qarɓeen ƭik, soo geel um a ref xa noonoong xarɓaxay.

A sutax ale 40:29

Cinj kaaga, a diƈa o sadaxand ole no sadax toxel ke mbaambir ndokand ne no Ngenand ne refna ref Ƭiif ne o Yaal oxe a bugko xetteel, a ɓoxot teen sadax fa ndoxel fo sadax tuufe-duufe, ne o Yaal oxe a heblit’uuna o ten.

Heseki’el 9:3

Maaga, o ndam onqe na Roog fee Isra’el a yoɗoorta took mbindel yeeyetax ne, a jagin no peg ne no Mbind Roog ne, soo a xoy o koor oxe rokooxna njoor ne, a saq a pindir no qap um.

Heseki’el 9:11

Maaga, o koor oxe rokoox’ina njoor, a saq a pindir no qap um, a gara a jangtoox o Yaal oxe yee: «Fi’aam ke hebil’axamoona.»

Dañel 10:5

Yoɗaam a kid es, ga o koor oxaa rokooxna ndoki njoor soo a saq no ndet um o kumnoor wurus fa nqoolu qac.

Dañel 12:6

O leng na den a laamta o koor oxaa rokooxna ndoki njoor, a yooroox foofi le no xuluɓ ole yee: ‹Mban com’andtu kene a muukooxkaa?›

Yeremi 4:6

Sipyo a laay a anddiloor farna fa Siyoŋ, ƈufyo, ba nu ngeenoox, yaam o Yaal oxe xe heblitiidaa taamaala no ɓemb-roog o janoon fo o njakad o maak.

Heseki’el 8:3

A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.

Amos 9:1

Cinj kaaga, ga’aam o Yaal oxe a geenoox took o sadaxand ole, soo a layaam ee: «Xawi a tayil ale, a toodook ake a yen, o ɓaƈit a qoox den, den fop. Oxuu xoneerna no njom neene, xam pattin laƥ. O leng ƴufkee, a daɗ.