Heseki’el 9:1 - NQAARIIT NE ROOG

¹ Roog a falaloorta o ñuxur o jegu doole no nof es ee: «Matiidyo, nuun we mbarna o nqaw teeru fee, oxuu refna a pokoox ƥonax saŋkir um!»

Heseki’el 9:1 Referans Kwoze

Esayi 6:8

Maaga, nanaam o ñuxur ole no Yaal oxe layoogna yee: «An um lulkaa? Ndi an na retankaa a in?» um jaaɓ ee: «Mexey, lulaam.»

Mbeeñil 14:7

Kaa layoogu fo o ñuxur o maak ee: «Saɗaryo a Roog, too ƥoxotin o ndam, yaam waxtu fee na hate fee ten a fadiida. Fat nu mbaɗoox oxe sakna asamaan fee fo lanq ke fo o maag ole fo xa quluɓ axe.»

1 Caloori ke 21:15

O Yaal oxe a ɓisiida malaaka fee kam Yeerusaleem ndax ta fadin a qaw ale, ndaa ye ta ga’na malaaka fee na saŋkaa a fadnaa o far um, o Yaal oxe a ricooxa ɗom leene soo a lay a malaaka fee saŋkoogna xeet fee yee: «A deya! Ndiiki, fudni o ɓay of.» Kaaga oxaa soƥ’a malaaka fee no Yaal oxe paam cukand naa Arawna o Yeeyebus oxe.

2 Maad we 10:24

Cinj kaaga, Yehu fa Yoonadab a ndoka, ndax da ƥoxot sadax toxel fo sadax lakas. Yehu koy, kaa xaƴ’u tafil fee xiixire qarɓeen ɓetuu tadik, a lay a den ee: «Xam ɓoxot wiin wene fop na xa ƥay nuun, too o leng na nuun a xaƴangaa o kiin ta daɗ, xan a xon na seek um.»

A sutax ale 12:23

Boo o Yaal oxe a xaañna saax le Misira, ndax ta xawin, a ga’angaa fo’oy le took a tayil ale fo took a toodook a ƭak ake, xan a jolandoox o don-maax olaaga too xaƴkee malaaka fee na saŋkaa ta rokiid kam pind nuun, ndax ta xaw a nuun.

Heseki’el 43:3

Mbeeñil neene ga’uuma kaa nandtoogu ne ga’’uuma paam o xuluɓ olaa Kebaar ye ta garna ndax ta gef teeru fee. Maaga, yenaam, gung a lanq.

Yeremi 4:6

Sipyo a laay a anddiloor farna fa Siyoŋ, ƈufyo, ba nu ngeenoox, yaam o Yaal oxe xe heblitiidaa taamaala no ɓemb-roog o janoon fo o njakad o maak.