Heseki’el 8:6 - NQAARIIT NE ROOG

⁶ Roog fee Isra’el a layaxam ee: «Wo fee o ƥiy no kiin, ndax ga’aa ke da mbi’aa, cednooxu maak ke mbind Isra’el a mbi’aa ndax um goƭ Mbind tedu ne mi? Kaa koy, xan o ga’ahin cednooxu maak lakas.»

Heseki’el 8:6 Referans Kwoze

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.

Heseki’el 10:19

Weene a letna a nafir den soo a ƭisoor no lanq ke na kid es ye da ndetaa, a yoon fo a saang ake. O ndam onqe na Roog fee Isra’el a geenooxa no ndokand ne no Mbind ne no Yaal oxe farna fo batand, too took pindel yeeyetax ke a reeƭu, a garit a den took.

Heseki’el 8:9

A layaxam ee: «Roki too ga qoolaƭaru paaxeer ke da mbi’aa mene!»

Heseki’el 11:22

Maaga, pindel yeeyetax ke yoon’ina fo a saang ake a letna a nafir den, too o ndam onqe na Roog fee Isra’el a reeƭa took den, a garit a den took.

Heseki’el 8:14

Cinj kaaga, a ɓisaxam farna fo ndokand naa no don-maax ole no Mbind ne no Yaal oxe, ole refna no ɓemb-roog o janoon, too a jeg’a maaga rew waa moofna, a ñaawooxaa a Tamuus.

Yeremi 32:34

A ƥeka nitaal roog cakalaaru ke den kam Mbind ne kesaneema, ndax da nqoolaƭarandin.

Yeremi 26:6

Nu nan-gilooxatangiraam koy, xam fi Mbind neeke ne fi’uuma a Silo soo fi teeru fene a ref saloor no qeet ke na adna fee fop.› »

Yeremi 23:11

O Yaal oxe kaa tee: «Duleer we fo saasadax we sax kaa laawoox. Kam Mbind es sax soƥaam teen kañaan den.

Yeremi 7:30

O Yaal oxe kaa tee: «Wiin we Yudaa a mbi’a kaa faaxeerna na kid es. Kaa ƥek nitaal roog cakalaaru ke den kam Mbind ne kesaneema, ndax da nqoolaƭarandin.

Yeremi 7:17

Ndax kaa ga’iro ke da mbi’aa kam teeru ke Yudaa fo no ped ke Yeerusaleem?

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Xa peƭit axe 5:14

O ndik rek yaqanu rokiim no taamaala keene fop, xeefel a ndeer mbokatax ne na xeet fee.»

A kim a tedu ke 78:60

A xaƴa Ngenand ne ten kam Silo, refna Ƭiif ne ta sip’ina a ndeer no wiin we.

Yeremi 11:18

O Yaal oxe, andnooraxamo a pesoorooƭ ake no fañ es, too andaam a den ndiiki.

Heseki’el 8:7

Maaga, a ɓisaxam no ndokand naa no maax ole. Ɗeetaam too ga’aam o yul no tabax ne.

Heseki’el 14:6

Ten taxu layi mbind Isra’el ee: Keeke o Yaal oxe na refkaa boo faw a layu: Nomtooxiidyo, mbes a cinj pangool ke nuun! Nquunyo cakalaaru ke nuun fop!

Heseki’el 18:12

a ñoowtaa onj no ndool onqe fo o gataakoon ole, a guuɗaa, dakinkee ke ta tayle’eena, a ɗeetaa farna fo nitaal roog cakalaaru ke, a fi’aa cednooxu,

Heseki’el 47:6

A layaxam ee: «Wo fee o ƥiy no kiin, ndax woxey ga’aa?» O koor oxe a ɓisaxam boo maa liitooxna, soo a nomtiidaam na ƥeeraamb ale na ƈufnand ale.

Hoose 5:6

Xan a ndet fo a ked den fo xa siir den, ndax da ƥoxot teen sadax, a mbaaƭik o Yaal oxe, ndaa nga’kiran, yaam kaa riƈatoox a den.

2 Caloori ke 29:5

A laya a den ee: «Nuun Leelewi we, nan-gilooxaamoo! Tedlandooxyo, tedland Mbind ne no Yaal oxe Roog fee no daan nuun soo fop ke xoolaƭarna nu sutin o mbiñ o tedu nqe.

Heseki’el 8:13

A layahinaxam ee: «Xan o ga’ahin cednooxu maak lakas kaa da mbi’aa.»

Heseki’el 10:18

O ndam onqe no Yaal oxe a inoora no peg ne no Mbind Roog ne soo a doonook took pindel yeeyetax ke.

Heseki’el 11:23

O ndam onqe no Yaal oxe a yoɗoora a ndeer teeru fee, soo a geenoox took o joong ole garitna no batand.

Heseki’el 43:8

Kaa ndoonoogu peg ne den paam peg ne mi, a toodook ake na xa ton-maax axe den paam ake na xa ton-maax axe mi, too saŋe leng kut rok’u a ndeer es fa den. Neene, a nqoolaƭarandta gon tedu le mi cednooxu ke da mbi’na. Ten taxu sooynitaam a den fuux le mi.