Heseki’el 8:5 - NQAARIIT NE ROOG

⁵ A layaxam ee: «Wo fee o ƥiy no kiin, yoɗi a kid of farna fo ɓemb-roog o janoon!» Yoɗaam a kid es farna fo ɓemb-roog o janoon, too no saax o janoon ole no don-maax ole na ɓisaa no sadaxand ole a jeg’a nitaal roog fa naalu.

Heseki’el 8:5 Referans Kwoze

Heseki’el 8:3

A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.

Yeremi 3:2

Deɓi a kid of farna fo xa coong axe naangna halit too ɗeet, ndax a jega teen maa wondoortaandee’oona. Kaa o moofoogu na ƭat ake, cungaa a den, nen o molaan kam a koƥ-a-ƥor, na cungaa kaa ta damna. Xoolaƭarandtaa saax le njaga of fo a pesoorooƭ of a paaxeer.

Yeremi 32:34

A ƥeka nitaal roog cakalaaru ke den kam Mbind ne kesaneema, ndax da nqoolaƭarandin.

A kim a tedu ke 78:58

A mbuuxnoortaan a ñaang a sadaxand ake den, a njumbandit naal um xa taaƴ axe da mbaɗooxoogna.

A kim a tedu ke 48:2

O Yaal oxe a magna, Roog in jombee o simatel, ten fee refna kam teeru fee ta jegna. O joong o tedu le ten

Yeremi 7:30

O Yaal oxe kaa tee: «Wiin we Yudaa a mbi’a kaa faaxeerna na kid es. Kaa ƥek nitaal roog cakalaaru ke den kam Mbind ne kesaneema, ndax da nqoolaƭarandin.

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.