Heseki’el 8:3 - NQAARIIT NE ROOG

³ A letna kaa saxitna nen o ɓay, a pok joƥ wiil no xoox es. Yiif le a gifaxam, a yoɗaam ndeer asamaan fo lanq, soo a ɓisaam Yeerusaleem no peeñil katu na Roog, farna fo ndokand ne no don-maax kam ole faambirna fo o ɓemb-roog o janoon, me nitaal roog fa naalu fee a sipeena, ten oxe na gartaa naal ne.

Heseki’el 8:3 Referans Kwoze

A cangatin ale 32:16

A njumbandta fuux le ten roog can ke, a mbuuxnoortin a pi a cednooxu.

Heseki’el 11:1

Yiif le a gifaxam soo a ɓisaam no don-maax batand olaa no Mbind ne no Yaal oxe, no laa jasnoorna fo batand. A jeg’a no ndokand naa no don-maax ole goor qarɓeen ƭik fo goor ɓetuk. A ndeer den, ga’aam a Yaasaniya fee o ƥiy Asur fa Pelatiya fee o ƥiy Benaya, gelwaar we na xeet fee.

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.

Dañel 5:5

Na waxtu faaga, qol o ɓay no kiin a mbeeña soo a mbindaa took me ran-gineena no tabax ne no mbind no maad ne mbaambir a pagal xa lampa le. O maad oxe a ga’a o ɓay oleene bindoogna.

Heseki’el 40:2

soo ta ɓisaam maaga. No peeñax Roog, a ɓisaxam no saax laa Isra’el, soo a doonaam took o joong o jiig olaa jeg’ina no ɓemb-roog o ñamaak nandu nen maq teeru.

Heseki’el 11:24

No mbeeñil, Yiif le a gifaxam soo a nomtiidaam Kalde paam no we ƥiseena took o hup doole. Cinj kaaga, mbeeñil ne lal’eema a naaga mes.

Heseki’el 2:9

Ɗeetaam too ga’aam o ɓay olaa letneena farna fa mi, a pokoox o laxas a pind o dore.

A cangatin ale 32:21

A njumbandta naal ne mi ke refeerna Roog, a mbuuxnoortaam pangool koɓong ke den. Mi o mat oo, xam jumbandit naal den xeet faa refeerna xeet fa ndigil, fuuxnoorit a den xeet faa fofeerna o and o leng.

A cangatin ale 6:15

Nu mbi’angaan, xan fuux le no Yaal oxe a biltooxan a nuun soo ta moocand a nuun took lanq ke, yaam o Yaal oxe Roog nuun Roog fa naalu a refu a ndeer nuun.

A cangatin ale 5:9

Gungkiro mbaambir den too faɗooxkiro a den, yaam mi o Yaal oxe Roog of, Roog fa naalu refum, faa na rabdinooxaa njofaƭar ne no paap ke took xa ƥiy den boo no suk ndadkandeer mbaat nahkandeer naa no we sibaxama.

A cangatin ale 4:24

yaam o Yaal oxe Roog nuun kaa ref fiɗel laa na raaɓaa, a ref Roog fa naalu.

A sutax ale 20:5

Gungkiro mbaambir den too faɗooxkiro a den, yaam mi o Yaal oxe Roog of, Roog fa naalu refum, faa na rabdinooxaa njofaƭar ne no paap ke took xa ƥiy den boo no suk ndadkandeer mbaat no nahkandeer naa no we sibaxama.

A pi ake 8:39

Ye da sutooxna foofi laa, Yiif Tedu le a gifa a Filip. Jawdiin faa ga’atiran, ndaa a xota a ƭat um, a ɗaay bo.

Dañel 10:18

Maaga, oxe nandtoogna o kiin a duqahinaxam, a saƭakinaam.

Dañel 10:10

Maaga, o ɓay a duqaxam soo a yo’naam, um sip kuɓay es fo xa ƥay es.

Heseki’el 8:5

A layaxam ee: «Wo fee o ƥiy no kiin, yoɗi a kid of farna fo ɓemb-roog o janoon!» Yoɗaam a kid es farna fo ɓemb-roog o janoon, too no saax o janoon ole no don-maax ole na ɓisaa no sadaxand ole a jeg’a nitaal roog fa naalu.

Heseki’el 7:20

Kelax den kaa mbi’in ka’atinoor. A njala teen nitaal roog cakalaaru ke den, nitaal cednooxu ke den. Ten taxu xam fi ta refat na den ƭaaq.

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

Heseki’el 3:12

Maaga, Yiif le a gifaxam, too nantaam a cinj es fangax combol maak ee: «O ndam onqe no Yaal oxe a hela o simattel no ngenand um!»

Yeremi 32:34

A ƥeka nitaal roog cakalaaru ke den kam Mbind ne kesaneema, ndax da nqoolaƭarandin.

Yeremi 7:30

O Yaal oxe kaa tee: «Wiin we Yudaa a mbi’a kaa faaxeerna na kid es. Kaa ƥek nitaal roog cakalaaru ke den kam Mbind ne kesaneema, ndax da nqoolaƭarandin.

A kim a tedu ke 78:58

A mbuuxnoortaan a ñaang a sadaxand ake den, a njumbandit naal um xa taaƴ axe da mbaɗooxoogna.

2 Maad we 21:7

A ɓeka nitaal sexe ne Asera ta fi’in’ina kam Mbind ne o Yaal oxe a layit’ina a Dawid fa Salomo fee o ƥeem ee: «No Mbind neeke fo na teeru feeke refna Yeerusaleem fee jilooduuma a ndeer a carind ake Isra’el fop bugum gon es a gen boo kili.

2 Maad we 16:14

O sadaxand xanjar ole reeƭna mbaambir no Yaal oxe koy, a watnitaan na seek um ndeer o sadaxand o xas ole fo Mbind ne no Yaal oxe soo a ɓisin paam o sadaxand o xas ole, farna fo ɓemb-roog o janoon.

2 Maad we 2:16

A layaan ee: «Ga’angi, a jega mene a ndeer no dag of goor qarɓeen ƥetik waa ndefna cambaar. Fat i lul a den, da mbaaƭik o yaal mbind of. Xeƈa Yiif le no Yaal oxe kaa gifin, a deɓkin no joong o leng mbaat na yulanq.» Eliise a doona a den ee: «Ba nu lul a den.»

1 Maad we 18:12

Cinj yaa um retkaa xaƴong, xan Yiif le no Yaal oxe a gifong, a ɓisong maa andeeruuma. Um retkaa koy, yegnin a Ahab, too ga’kirang soo ta waraam. Yaag oo toox de, no kaa xotitna no ndeƥandoong es boo ndiik kaam saɗar o Yaal oxe.

Yosuwe 24:19

Yosuwe a laya xeet fee yee: «Nu mbaagkee o mbaɗoox o Yaal oxe ne waritna, yaam kaa ref Roog fa tedu too a naal faa waasankeerna a nuun njofaƭar nuun fo pakaad nuun.

A sutax ale 34:14

Nu ngungkee mbaambir roog fa lakas, yaam mi o Yaal oxe, gon es refu ‹o Naalu xe›, soo um ref Roog fa naalu itam.

A sutax ale 20:4

Fi’kiro nitaal mbaat samandaal naa o faɗooxaa nen a Roog of, ta ref ke na asamaan fee mbaat took lanq ke mbaat kam poofi ke ndefna ɗuga lanq ke.

Heseki’el 1:1

No hiid qarɓeen tadkandeer ole, no ñaal ƥetkandeer ne no nqool o nahkandeer onqe, reeƭaam paam o xuluɓ olaa Kebaar, a ndeer no we ƥis’eena took o hup doole. Asamaan fee a wetooxa, too ga’aam peeñil katu na Roog.

Heseki’el 10:3

Pindel yeeyetax ke kaa ngeenoox’u na ñamaak Mbind Roog ne, ye o koor oxe a fadiidna, soo eel a muur o maax-kam ole.

Heseki’el 37:1

O ɓay ole no Yaal oxe a doonooxa took es, soo o Yaal oxe a ɗoxtaam Yiif um, a doonaam kam a yulanq alaa mayna muut fo xa kiiƈ.

Heseki’el 43:5

Maaga, Yiif le a gifaxam soo a ɓisaam no maax-kam ole. Ga’aam o ndam onqe no Yaal oxe mayƭand’ina Mbind ne fop.

Heseki’el 43:8

Kaa ndoonoogu peg ne den paam peg ne mi, a toodook ake na xa ton-maax axe den paam ake na xa ton-maax axe mi, too saŋe leng kut rok’u a ndeer es fa den. Neene, a nqoolaƭarandta gon tedu le mi cednooxu ke da mbi’na. Ten taxu sooynitaam a den fuux le mi.

Heseki’el 9:2

Maaga, ga’aam goor ɓetuu fa leng waa inoortiidoogna no don-maax took olaa jasnoorna fo ɓemb-roog o janoon, oxuu refna a pokoox ƥonax saŋkir um. A ndeer den a jeg’a o koor oxaa rokooxna njoor, a saq a pindir no qap um. A ngara soo a ngeenoox paam o sadaxand xanjar ole.