Heseki’el 8:16 - NQAARIIT NE ROOG

¹⁶ Maaga, a ɓisaxam farna fo o maax-kam olaa no Mbind ne no Yaal oxe. No ndokand ne no Mbind ne no Yaal oxe, ndeer o ndambalaan onqe fo o sadaxand ole, a jeg’a ngap goor qarɓeen ƭik fo goor ɓetuk waa mbes’ina Mbind ne no Yaal oxe ndiiñ, a ngung farna fo batand, a mbaambir fo njeeƈ ne.

Heseki’el 8:16 Referans Kwoze

A cangatin ale 4:19

Nu ndaxaaƴooxangaa na asamaan fee, nga njeeƈ ne fo o nqool onqe fo xa qoor axe, tig oo tig ke na asamaan fop daal, baa riñ a nuun nu ngungaa mbaambir den, mbaɗooxaa a den. O Yaal oxe Roog kaa xaƴan qeet lakas ke fop no lanq ke a pi akeene.

Yeremi 32:33

Kaa mbesaam ndiiñ, a mbañ o ƭeetaam. Ke aqatinuuma a den roog fuu feedna fop oo, nan-gilooxee, ndax da njaɓ a maƭax es.

A cangatin ale 17:3

yaa ta faɗookna roog lakas, a gungaa mbaambir den mbaat mbaambir njeeƈ ne mbaat o nqool onqe mbaat xa qoor axe na asamaan fop, ta guutatir fo ke o Yaal oxe a heblitna.

Heseki’el 11:1

Yiif le a gifaxam soo a ɓisaam no don-maax batand olaa no Mbind ne no Yaal oxe, no laa jasnoorna fo batand. A jeg’a no ndokand naa no don-maax ole goor qarɓeen ƭik fo goor ɓetuk. A ndeer den, ga’aam a Yaasaniya fee o ƥiy Asur fa Pelatiya fee o ƥiy Benaya, gelwaar we na xeet fee.

Yeremi 2:27

Kaa layaa a teex ale yee: ‹Wo refu faap es›, soo ɓil le da layin ee: ‹Wo rimaxam na adna fee!› Kaa mbesaam ndiiñ, a mbañ o ƭeetaam, mi o Yaal oxe. Kaa koy, taamaala a sagooxangaa a den, da ndamtaam ee: ‹Inooxi mucil a in!›

Yowel 2:17

Fat saasadax we na njalanaa o Yaal oxe a lool kam Mbind Roog ne ndeer begax ne fo o sadaxand ole soo a nqeɗooxin ee: «O Yaal oxe, wuusi a in, in we xeet of! Ba o ci a in gaci, boo a tax qeet lakas ke a nqaadnooxaa a in. Xar na taxkaa ta layeel a ndeer a saax ake yee: ‹Taa Roog den?› »

Heseki’el 43:5

Maaga, Yiif le a gifaxam soo a ɓisaam no maax-kam ole. Ga’aam o ndam onqe no Yaal oxe mayƭand’ina Mbind ne fop.

Heseki’el 45:19

O saasadax oxe xan a xot no fo’oy le na sadax fa mbaasnoor pakaad fee soo a ɗuumin na tayil ake fo na toodook a ƭak ake no don-maax ole no Mbind Roog ne, no kooñ nahik ke no tiƈoor ke no sadaxand ole fo na tayil ake na toodook ake na xa ton-maax axe no maax-kam ole.

Heseki’el 40:28

O koor oxe a ɓisaxam no maax-kam ole, a reefnaam no don-maax ole garitna no ɓemb-roog o ñamaak. A liiƥa o don-maax oleene, ta fodir fo xa lakas axe.

Heseki’el 10:3

Pindel yeeyetax ke kaa ngeenoox’u na ñamaak Mbind Roog ne, ye o koor oxe a fadiidna, soo eel a muur o maax-kam ole.

Yeremi 44:17

Ndaa kañ, kaa i mbug o mbadin ke i ndegitna: Xan i ndoxan a Astarte, Lingeer fee na asamaan, cuuraay soo njuuranin, ne i mbi’tuuna, in fo daan in, maad in fo kelfa in, kam teeru ke Yudaa fo no ped ke Yeerusaleem. Maaga, i njeg’a ñaamel boo ta dey, ƭaay boo wee xa kene too i and’ee taamaala.

2 Caloori ke 29:6

Daan in kaa ngore’aƭar’u, a mbi kaa faaxeerna na kid no Yaal oxe Roog in, a ndeɓin, a nquun Ngenand ne ten, a mbesin a cinj.

2 Maad we 23:11

A watna no ndokand ne no Mbind ne no Yaal oxe pis ke, maad we Yudaa a kesan’ina njeeƈ ne, too a ndeeƭu paam a ndok ale Netan-Melek fee o caajal no maad oxe. A sareet ake no njeeƈ ne koy, Yosiya a doxa a den.

2 Maad we 23:5

Yosiya a raxa saasadax we maad we Yudaa a ndalin’ina, ndax da ndoxaa cuuraay took a ñaang a sadaxand ake kam teeru ke Yudaa fo me widna a Yeerusaleem. A raxa itam we ndoxanoogna cuuraay a Baal fo njeeƈ ne fo o nqool onqe fo xa qoor xa ƭeetir axe fo xa qoor axe na asamaan fop.

Heseki’el 23:35

Ten taxu keeke o Yaal oxe na refkaa boo faw a layu: Feek kaa o weecaam, fesaam ndiiñ, wo itam gadooxi coono ke no njombe of fo no njaga of.»

2 Caloori ke 7:7

Salomo a kesa a ndeer ale no maax ole refna mbaambir Mbind ne no Yaal oxe, yaam o sadaxand xanjar ole Salomo a fi’na kaa neew’u lool no sadax keene. Keene tax’u Salomo a jiriiñoor o maax ole, ndax ta ɓoxotit teen sadax toxel ke fo sadax tuufe-duufe ke fo neebam ke no sadax camsa’oor ke.

2 Maad we 16:14

O sadaxand xanjar ole reeƭna mbaambir no Yaal oxe koy, a watnitaan na seek um ndeer o sadaxand o xas ole fo Mbind ne no Yaal oxe soo a ɓisin paam o sadaxand o xas ole, farna fo ɓemb-roog o janoon.

1 Maad we 8:29

Ñaal fo yeng, ngela fat a kid of a ngaan no Mbind nene, no mbiñ onqe layoona yee xan gon of a gen teen. Nan-gilooxi boog a qeƭ no tag of oxe faambirna fo mbiñ onqene a xeɗaa.

Heseki’el 8:15

A layaxam ee: «Wo fee o ƥiy no kiin, ndax ga’aa? Xan o ga’ahin cednooxu maak kaa ngupna keeke.»

Heseki’el 23:39

Ye da sadaxna xa ƥiy xa koor axe den nitaal pangool ke den, a ndoka no Mbind tedu ne mi no ñaal leng kut ne, ndax da maasandin. Keene o mat a mbi’u kam Mbind ne mi.

Heseki’el 40:6

A reta farna fo o njibir onqaa faambir’ina no batand, a wad o toŋ-toŋ ole soo a liiƥ peg ne no njibir onqe, o tinqel ole a fodir’ina fo o siind ole ten.

Heseki’el 43:8

Kaa ndoonoogu peg ne den paam peg ne mi, a toodook ake na xa ton-maax axe den paam ake na xa ton-maax axe mi, too saŋe leng kut rok’u a ndeer es fa den. Neene, a nqoolaƭarandta gon tedu le mi cednooxu ke da mbi’na. Ten taxu sooynitaam a den fuux le mi.

Heseki’el 46:1

Keeke o Yaal oxe na refkaa boo faw a layu: «O don-maax ole no maax-kam ole faambirna no batand xan a wegeel no ñaal ɓetuu fa leng ke na njalteel, ndaa xan a wetel na bes fee na ñootnax ale, a wetel itam na xew fee no nqool o ndeɓ onquu refna.

2 Maad we 21:5

A maxana xa qoor axe na asamaan xa sadaxand kam xa maax xa ƭaq axe no Mbind ne no Yaal oxe.

Yeremi 7:18

Xa teɓandoong axe kaa ndaxanaa, paap ke a ngeƥandaa fiɗel le, soo rew we a nqiiwaa, ndax da mbi’an a Lingeer fee na asamaan xa kaf. Kaa njuuranaa roog can ke biiñ, ndax da mbuuxnooraam.

Yeremi 8:2

Xan a liilel no njeeƈ ne, na qoor ale fo na xa qoor axe na asamaan fop da mbex’ina, a mbaɗooxoogu a den, a ndeefoogu a den, a laamtoogu a den xa as soo a ngungoogu mbaambir den. Xa kiiƈ axeene ngiskaand mbaat da ndaknel na mboy ale, ndaa xan a ndefik tosir lanq ke.

Heseki’el 7:23

Xawi ceen yaam saax le kaa may muut fo kate yednu, teeru fee a naag tem fo a ƭom-yedar.