Heseki’el 8:11 - NQAARIIT NE ROOG

¹¹ Maak qarɓeen ɓetuu ɗik no mbind Isra’el kaa mbod’u mbaambir den, soo Yaasaniya fee o ƥiy Safan a fod a ndeer den. Oxuu refna kaa deegoox’u no ɓay um o njaq cuuraay soo eel yelefu a yoɗooxaa.

Heseki’el 8:11 Referans Kwoze

A lim ale 16:35

Fiɗel a hatiida maa no Yaal oxe too a doxa riw wiin teemeed ƭik fo qarɓeen ƥetik waa ƥoxotoogna cuuraay faa.

A lim ale 16:17

Fat oxuu refna no yoon of a xot o njaq um, a yip teen cuuraay soo a ɓisiidin mbaambir no Yaal oxe. Neene, xan a jeg fo njaq teemeed ƭik fo qarɓeen ƥetik. Wo fa Aaroon itam, fat oxuu refna na nuun a xot o njaq um.»

A lim ale 11:16

O Yaal oxe a laya a Moyiis ee: «Fokatanaam goor qarɓeen ɓetuu ɗik no maak we Isra’el, no we andoona da ndef maak too a njeg sañ-sañ na xeet fee. Ɓisi a den no Ƭiif ne um xetteel, mi o Yaal oxe, too fat a ndef maaga fa wo.

Yeremi 19:1

O Yaal oxe a hebla a Yeremi yee: «Reti, o jikit o jalag ƭok maa no maamax xa calag. Cinj kaaga, yooni fo leng-leng no maak we na xeet fee fo maak we no saasadax we.

A lim ale 11:25

O Yaal oxe a fudoorta kam eel le soo a lay fa Moyiis. A xota no Yiif le reeƭna took Moyiis soo a doonin took maak qarɓeen ɓetuu ɗik we. Ndak fo ndak, yaa Yiif le a fudooxna took den, a ndalfooxa o njo’tanan. Taa mbaambir naa koy, kaaga xew’atee na den.

A sutax ale 24:1

O Yaal oxe a laya a Moyiis ee: «Ŋaayiidi me mi took o joong ole, yooniid fa Aaroon fa Nadab fa Abiihu fo maak qarɓeen ɓetuu ƭik no maak we na xeet fee Isra’el. Nu ngarangaa boo ndangand, ngungyo a lanq.

Dañel 9:8

O Yaal oxe, seeƈaar in a jaga fa in, in fo maad we in fo kelfa ke in fo daan we in, yaam kaa i tooñong.

Yeremi 36:10

Maaga, Baruk a janga kam Mbind ne no Yaal oxe mbaambir xeet fee fop fa lay fee Yeremi bindeena no laxas safe le. Oxe geenoox’a na ndok ale Gemarya fee o ƥiy Safan, o piibind oxe, no maax took olaa, paam ndokand nqas ne no Mbind ne no Yaal oxe.

Yeremi 29:3

Yeremi a ɓoxotaan na xa ƥay Elasa fee o ƥiy Safan fa Gemarya fee o ƥiy Hilkiya, den we Sedekiya fee o maad Yudaa a lul’ina Babilon maa Nebukadnesaar fee o maad oxe Babilon. O leetar ole kaa lay’u yee:

Yeremi 26:24

Yeremi o mat, Ahikam fee o ƥiy Safan saytoox’un. Ten taxu Yeremi ɓoxot’aand na xa ƥay xeet fee, ndax ta warel.

Yeremi 7:9

Mee ndax kaa nu nguuɗaa, mbaraa, seeqaa, ndaaɓooxaa na xa maaƥ, ndoxanaa a Baal cuuraay, ngiɓoor fo roog can kaa nu andeerna ñaal o yeng a jalan.

Yeremi 5:5

Xam xot boog farna fo wiin maak we, lay fa den, yaam den o mat a anda a ƭat no Yaal oxe, ke Roog den a simitna.» Kaa koy, den itam, a ƥola kadoor ke, a ƭeg a cengir ake.

2 Caloori ke 34:20

A xoyna a Hilkiya fa Ahikam fee o ƥiy Safan fa Abdon fee o ƥiy Mika fa Safan fee o piibind oxe fa Asaya fee o leng no dag we ten, a lay a den ee:

2 Caloori ke 26:19

Usiya fee deegoox’ina o njaq cuuraay a dalfooxa o fuux boo a buɓaa. Ne ta fuuxan’ina saasadax we, a tik-a-maak a feelaan bo ta feeñ na tagid um ndak fo ndak mbaambir saasadax we kam Mbind ne no Yaal oxe, paam o sadaxand cuuraay ole.

2 Caloori ke 26:16

Kaa koy, o jeg doole le ten a ɓekaan na magnandax, boo a rim no ten kasaara yaam ta gore’aƭarat no Yaal oxe Roog um. Bes, a roka kam Mbind ne no Yaal oxe ndax ta doxan a xoox um cuuraay no sadaxand cuuraay ole.

2 Maad we 25:22

Nebukadnesaar fee o maad oxe Babilon a dalna a Gedaliya fee o ƥiy Ahikam, too a ref o ndaan Safan, ta ref gofornoor no wiin we ta xaƴ’ina kam saax laa Yudaa.

2 Maad we 22:14

Hilkiya fee o saasadax oxe fa Ahikam fa Akboor fa Safan fa Asaya a ndeta maa Hulda fee o tuleer o tew oxe gen’ina no sinjaan qas ke Yeerusaleem. O kor um Saalum a ne’’e, a ref o ƥiy Tikwa fo o ndaan Harhas too a topatooxoogu toki tedu ke no Mbind Roog ne. A njangtooxa o tew oxe ke xew’ina.

2 Maad we 22:12

A xoyna a Hilkiya fee o saasadax oxe fa Ahikam fee o ƥiy Safan fa Akboor fee o ƥiy Mikaya fa Safan fee o piibind oxe fa Asaya fee o leng no dag we ten, a lay a den ee:

2 Maad we 22:8

Ye Safan a ɓisiidna nduleer ne no maad oxe me Hilkiya fee o saasadax o maak oxe, oxeene a layaan ee a ga’ta no Mbind ne no Yaal oxe safe le no kebil ke, soo a cooxin o ten. Safan a jangaan bo ta xet.

2 Maad we 22:3

No hiid xarɓaxay fo hiid o ɓetuu dadkandeer ole no maat Yosiya, a lula no Mbind naa no Yaal oxe a Safan fee o piibind oxe refna o ƥiy Asaliya fo o ndaan Mesulam, a layin ee:

A sutax ale 24:9

Cinj kaaga, Moyiis a ŋaaya took o joong olaa, a yoon fa Aaroon fa Nadab fa Abiihu fo maak qarɓeen ɓetuu ƭik no maak we na xeet fee Isra’el.

YEGIL MBAAX NE YEESU ne Lik a bindtuuna 10:1

Cinj kaaga, o Yaal oxe a jila daalbe qarɓeen ɓetuu ɗik [fo daalbe ɗik], soo a lul a den ɗik-ɗik, da adookin no teeru ke fo fop me ta narna o ret ten fa xoox um.

Esayi 44:13

O taadaaƴ oxe kaa letnaa o ƥaak o liiƥir um, a fi samandaal ne no mbangool ne fo gaagaañ, a xeeƈin fo o roomir, a samandaaltin a teex goɓi, a jalin ta nand fo o kiin, a saq mukit no kiin o ñoow jok, soo ta gen kam mbind.

Yeremi 44:21

«Cuuraay fee nu ndoxna kam teeru ke Yudaa fo no ped ke Yeerusaleem, nuun fo daan nuun, maad nuun, kelfa nuun fa xeet fee fop, ndax o Yaal oxe wetandooxiran, ndax damiran no xeeñ um?

Yeremi 52:27

O maad oxe Babilon a xawnoora a den soo a warnoorit a den Ribla no saax laa Hamat. Neene, xeet fee Yudaa a ƥise gilaa saax took o hup doole maa goƭna mbaafaap den.

Heseki’el 8:10

Rokaam, ɗeet too ga’aam nitaal xa qos ƥood axuu ndefna fo muumeen tiimbel kuu ndefna. Nitaal roog keene no mbind Isra’el fop kaa samandaalel took tabax ke, me widuuna fop.

Heseki’el 20:1

No hiid o ɓetuu ɗikandeer ole, no ñaal xarɓaxayandeer ne no nqool o ƥetkandeer onqe, goor leng-leng a ndeer no maak we Isra’el a ngara, ndax da nga’ir fo o Yaal oxe too a moofa mbaambir es.

Yeremi 19:4

Yaam we Yudaa a mbaasaxam. A maasanda o mbiñ onqene, a ƥoxot teen cuuraay roog can kaa andoona yee den fa qoox den, daan den fo maad we Yudaa and’ee a den, too a mayƭandta o mbiñ onqene fo’oy no caambuur.

Yeremi 26:22

Kaa koy, o maad Yoyakim a lula a Elnatan fee o ƥiy Akboor Misira, ta yoon fo goor leng-leng.

Heseki’el 9:6

Nogoy we, mbes ke, mboƥ ndoog ne, xa caaƈ axe fo rew we, mbaryo a den, saŋik a den, ndaa oxuu saqna o ñaas ole ba nu nduqin. Nqotityo no Mbind ne mi.» A mberta no goor we, maak weene ndeeƭna mbaambir Mbind Roog ne.