Heseki’el 8:10 - NQAARIIT NE ROOG

¹⁰ Rokaam, ɗeet too ga’aam nitaal xa qos ƥood axuu ndefna fo muumeen tiimbel kuu ndefna. Nitaal roog keene no mbind Isra’el fop kaa samandaalel took tabax ke, me widuuna fop.

Heseki’el 8:10 Referans Kwoze

O leetar ole Pool a bindna GIMU WE NGENNA ROM 1:23

O ndam onqe helna a Roog fa mbaafkeer fee kaa ƥoxotan nitaal o kiin mbaat ndiiƭ mbaat muumeen mbaat ƥood ndefna kaa na sooƴaa.

A sutax ale 20:4

Fi’kiro nitaal mbaat samandaal naa o faɗooxaa nen a Roog of, ta ref ke na asamaan fee mbaat took lanq ke mbaat kam poofi ke ndefna ɗuga lanq ke.

Yeremi 16:18

Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

Yeremi 3:9

Na pexey a pi a qoƈu ke ten Isra’el a xoolaƭaranda saax le, a faɗooxaa roog a ƥil ke fo ke na teex ake, a gore’aƭar na mi.

A cangatin ale 14:3

«Nu mbaree o ñaam dara kaa o Yaal oxe a ɗeetna nen cednooxu.

A cangatin ale 4:18

o mem ƥood nuu ta waagna ref took lanq ke mbaat o mem liƥ nuu ta waagna ref no poofi ke.

Esayi 44:13

O taadaaƴ oxe kaa letnaa o ƥaak o liiƥir um, a fi samandaal ne no mbangool ne fo gaagaañ, a xeeƈin fo o roomir, a samandaaltin a teex goɓi, a jalin ta nand fo o kiin, a saq mukit no kiin o ñoow jok, soo ta gen kam mbind.

Yeremi 44:4

Kaam gen no luliidaa a nuun duleer we dag es ñaal oo ñaal, ndax da lay a nuun ee: ‹Mbaasyo a pi a cednooxu leene sibuuma!›

Yeremi 44:21

«Cuuraay fee nu ndoxna kam teeru ke Yudaa fo no ped ke Yeerusaleem, nuun fo daan nuun, maad nuun, kelfa nuun fa xeet fee fop, ndax o Yaal oxe wetandooxiran, ndax damiran no xeeñ um?

Heseki’el 8:9

A layaxam ee: «Roki too ga qoolaƭaru paaxeer ke da mbi’aa mene!»

Heseki’el 8:11

Maak qarɓeen ɓetuu ɗik no mbind Isra’el kaa mbod’u mbaambir den, soo Yaasaniya fee o ƥiy Safan a fod a ndeer den. Oxuu refna kaa deegoox’u no ɓay um o njaq cuuraay soo eel yelefu a yoɗooxaa.

Heseki’el 11:12

Maaga, xan nu and ee mi refu o Yaal oxe. Nu ndeefee kebil es too nu ngayee bargal es, ndax ndeefaa o mbaax onqe no qeet ke mbidna a nuun.»

Heseki’el 23:14

A ɓaata kene sax no njaga ne ten: Ye ta ga’na goor waa samandaaleena took tabax ne, nitaal no Kaakalde waa samandaalteena haŋik fa yeeq,

A cangatin ale 4:16

Ba nu yaq a qoox nuun tee kaa nu mbi’aa nitaal mbaat samandaal naa nu mbaɗooxaa nen a Roog, ta saq o mem no koor mbaat o tew,

A cangatin ale 4:23

Fat nu mbootoox a paax boog, yaam ndik nu mbeecit ngiɓoor ne o Yaal oxe Roog nuun a dalinna fa nuun, soo mbi nitaal roog, ta jeg o mem no fop ke ta xañitna a nuun,

A cangatin ale 4:25

Yaa nu ndokkaa no saax le regteena boo miñ teen, njeg teen xa ƥiy fo xa taan, ba nu yen na bakaad tee kaa nu mbi’anaa a qoox nuun nitaal roog kaa njegna o mem no kuu ta waagna waag o ref. Nu mbi’angaan kaa nu mbi’aa kaa faaxeerna na kid no Yaal oxe Roog nuun, mbuuxnooran.