Heseki’el 8:1 - NQAARIIT NE ROOG

¹ No hiid o ɓetuu fa lengandeer ole, no ñaal ƥetkandeer ne no nqool o ɓetuu fa lengandeer onqe, moof’aam kam mbind es, too maak we Yudaa a moof’u mbaambir es, o ɓay no Yaal oxe na refkaa boo faw a doonooxa took es.

Heseki’el 8:1 Referans Kwoze

Heseki’el 20:1

No hiid o ɓetuu ɗikandeer ole, no ñaal xarɓaxayandeer ne no nqool o ƥetkandeer onqe, goor leng-leng a ndeer no maak we Isra’el a ngara, ndax da nga’ir fo o Yaal oxe too a moofa mbaambir es.

Heseki’el 33:31

Owe ngaraa me wo, a mbi a yaj. Xeet es owe moofa mbaambir of, a nan-gilooxaa fa lay of, ndaa ndeefiran, yaam kaa mbesoortaa fa lay fa mbelu no don den, too a soƥa fop oo no xeeñ den, ke faaxna na qoox den doŋ a mbaaƭaa.

Heseki’el 14:1

Goor leng-leng a ndeer no maak we Isra’el a ngara me mi soo a moof mbaambir es,

Heseki’el 14:4

Yaaga koy, layi fa den. Fat o yegin a den ee: Keeke o Yaal oxe na refkaa boo faw a layu: O kiin no mbind Isra’el oxuu ɓekna no xeeñ um pangool ke ten, a doon mbaambir um ɓil le na tolofnooraa, a maafnooraa na bakaad, cinj kaaga, ta gar me no tuleer oxe, mi o Yaal oxe fa xoox es na doonkan, yaam pangool mayu ke ten.

A pi ake 20:33

Waaƭ’iim xaaliis mbaat wurus mbaat tikoorik no kiin o leng.

Malaki 2:7

Ke o saasadax oxe a cungteel refu ta andnoor wiin we a Roog, too no don um a cangin ale a waru o sutooraa, yaam kaa ref o tuleer no Yaal oxe Hupna fop.

Heseki’el 40:1

No hiid qarɓeen ƭik fo ɓetkandeer ole no mbaƭ naa in, no mberaandoong ne no hiid ole, no ñaal xarɓaxayandeer ne no nqool onqe, xa kiid xarɓaxay fo xa kiid xa nahaq cinj ye teeru fee a gefeena tuƈ, a koom o ɓay no Yaal oxe a doonooxa took es,

Heseki’el 37:1

O ɓay ole no Yaal oxe a doonooxa took es, soo o Yaal oxe a ɗoxtaam Yiif um, a doonaam kam a yulanq alaa mayna muut fo xa kiiƈ.

Heseki’el 32:17

No hiid xarɓaxay fo o hiid o ɗikandeer ole a cinj ye i ƥiseena took o hup doole, no ñaal xarɓaxay fo ñaal ƥetkandeer ne no nqool onqe, o Yaal oxe a daawnaxam fa lay um na xa ƭelem axene:

Heseki’el 31:1

No hiid xarɓaxay fo hiid o lengandeer ole, no ñaal eetaand ne no nqool o ndadkandeer onqe, o Yaal oxe a daawnaxam fa lay um na xa ƭelem axene:

Heseki’el 29:17

No hiid qarɓeen ƭik fo hiid o ɓetuu ɗikandeer ole a cinj ye i ƥiseena took o hup doole, no ñaal mberaand ne no nqool o eetaand onqe, o Yaal oxe a daawnaxam fa lay um na xa ƭelem axene:

Heseki’el 29:1

No hiid xarɓaxayandeer ole, no ñaal xarɓaxay fo ñaal ƭikandeer ne no nqool xarɓaxayandeer onqe, o Yaal oxe a daawnaxam fa lay um na xa ƭelem axene:

Heseki’el 26:1

No hiid xarɓaxay fo hiid o lengandeer ole, no ñaal eetaand ne no nqool onqe, o Yaal oxe a daawnaxam fa lay um na xa ƭelem axene:

Heseki’el 24:1

No hiid o ɓetuu nahkandeer ole, no nqool xarɓaxayandeer onqe, no ñaal xarɓaxayandeer ne, o Yaal oxe a daawnaxam fa lay um na xa ƭelem axene:

Heseki’el 3:22

O ɓay ole no Yaal oxe a naagaxam nuus no mbiñ onqaaga, too a layaxam ee: «Inooxi, sutoox kam a yulanq ale, too maaga xam lay fa wo.»

Heseki’el 3:14

Maaga, Yiif le a gifaxam, a ɓisaam. Retaam, kam es a fag tak, um fuux boo buɓaa, ndaa o ɓay ole no Yaal oxe a pokaxam fa katil.

Heseki’el 3:12

Maaga, Yiif le a gifaxam, too nantaam a cinj es fangax combol maak ee: «O ndam onqe no Yaal oxe a hela o simattel no ngenand um!»

2 Maad we 6:32

Eliise koy, kaa moof’u no mbind um, maak we na teeru fee a moof paam um. O maad oxe a lula o kiin maa ten, ndaa ye o tuleer oxe a helkaa fo fadiid, Eliise a laya maak waa yee: «Ndax nu nga’a yee o ƥiy o mbaawar onqene a luliida o kiin, ndax ta ɗeg xoox le mi. Mbootooxyo boog. Yaa o kiin oxeene a fadiidkaa, fat nu mbeg xa ton-maax axe boo waagkee o rok. Ndaa sax de kaa nand ee xa caf axe no yaal mbind um na naneel a cinj um!»

Heseki’el 7:27

Xan o maad a jaañoox, o kelwaar a lipoox o ñak yaakaar, xa ƥay baadoole a sendaa. Xam rabid a den ciko den, hate’it a den ne da ngate’taa. Maaga, xan da and ee mi refu o Yaal oxe.»

Heseki’el 8:2

Ɗeetaam, too ga’aam kaa na nandtaa o kiin, ke xotitna no ke nandtoogna ndet um boo a lanq a ref fiɗel, soo ke xotitna no ndet um a jof took a jeg’a nen meleƈ xanjar laa na miric-miricnaa.

Heseki’el 33:22

O ɓay ole no Yaal oxe a doonoox’a took es no kirand naa yaaga oxe mucna fadiidafulee, too o Yaal oxe a wetan’axam o don es ye ta garna me mi no nqes ne. O don es a muƥtoox’a too muum’atiim.

Heseki’el 30:20

No hiid xarɓaxay fo hiid o lengandeer ole, no ñaal ɓetuu ƭikandeer ne no nqool o eetaand onqe, o Yaal oxe a daawnaxam fa lay um na xa ƭelem axene:

Heseki’el 32:1

No hiid xarɓaxay fo hiid o ɗikandeer ole a cinj ye i ƥiseena took o hup doole, no ñaal eetaand ne no nqool xarɓaxay fo nqool o ƭikandeer onqe, o Yaal oxe a daawnaxam fa lay um na xa ƭelem axene.