Heseki’el 7:9 - NQAARIIT NE ROOG

⁹ A ngid es yirimkirang too wuuskiroong. Xam gadnong a pesorooƭ of, cednooxu ke wo a ngen a ndeer of. Maaga, xan nu and ee mi refu o Yaal oxe, oxe na xawaa.

Heseki’el 7:9 Referans Kwoze

Mbeeñil 20:13

O maag ole a ɓoxota xon we ndeeƭna no ten, fa nqon fa jaaniif a ƥoxot xon we ndeeƭna na den. Den fop a ngate’e, oxuu refna na pi um.

Galati 6:7

No kene koy, ba nu nax a qoox nuun: Roog naagee o ŋasteel, too itam ke o kiin a duufna, ten a saxadkaa.

Mise 6:9

O Yaal oxe kaa falalooxaa a Yeerusaleem. O saɗar gon um o jeg-yiif oo. «Nan-gilooxyo, nuun a carind ale Yudaa, nuun fop we na mbokatooriidaa kam teeru fee!

Esayi 9:13

Ten taxu o Yaal oxe a ɗega xoox le fo a las ale Isra’el, ngeec oo xeet oo, no ñaal leng kut.

Yeremi 21:7

Cinj kaaga, xam ɓoxot a Sedekiya fee o maad Yudaa fo dag um fo we na xeet fee na muckaa na piste fee, no laƥ ne fo no biim le na xa ƥay Nebukadnesaar fee o maad oxe Babilon, na xa ƥay no fañ den fo na xa ƥay no we mbugna njang o ñis den. Xan Nebukadnesaar a xawit a den laƥ too wuuskee a den, yirimkee a den mbaat ta jeg o liir na den. Mi o Yaal oxe layun.

A ƭomatax ake 2:17

O Yaal oxe a fi’a ke ta yuuɓ’ina. A fadna ke ta lay’ina, ke ta fosoox’ina, yaa o leng a andeerna: A yaqa too yirmee dara. A fi’a boo o pañ of a ɗaay, a ci ñaañagadil of o ndam.

Heseki’el 7:8

Ndiiki koy, miñkatee dara xam ɓax fuux es took of. Fuux le mi xan a jeg ne ta bugna na wo. Xam hate’ong na pesorooƭ of, soo gadnong cednooxu ke wo fop.

Heseki’el 7:10

Ñaal ne xey! Oxey a garaa! Wo yoqte. Kañaan ne a fiɗa, o nga’atinax onqe xe gañ.

Heseki’el 23:49

Xan o njombe nqe nuun a sagoox a nuun, nu sufoox coono ke no pakaad ke nuun fo nitaal pangool ke nuun, neene xan nu and ee mi refu o Yaal oxe na refkaa boo faw.»

Yeremi 13:14

Xam duguñrand a den, faap oo o ƥiy oo. Wuuskiim, yirimkiim o leng, too o liir o leng yaqankiraam o saŋik a den.» O Yaal oxe layun.

Yeremi 36:31

Xam xawong, wo fo xa taan of fo dag of yaam tooñ nuun too xam ɓisiid took nuun, took we ngenna Yeerusaleem fo took wiin we Yudaa taamaala fee regdinooxuuma a nuun fop, too nu nan-gilooxiraam.»

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.

Heseki’el 22:22

Ne xaaliis a naayniteel a ndeer ndoxand, neene nu naaynitkeel a ndeer fuux le mi kam Yeerusaleem, too xan nu and ee mi refu o Yaal oxe, na ɓaxaa fuux es took nuun.»