Heseki’el 7:8 - NQAARIIT NE ROOG

⁸ Ndiiki koy, miñkatee dara xam ɓax fuux es took of. Fuux le mi xan a jeg ne ta bugna na wo. Xam hate’ong na pesorooƭ of, soo gadnong cednooxu ke wo fop.

Heseki’el 7:8 Referans Kwoze

Heseki’el 14:19

Mbaat toox um hebliid’angaa piste kam saax leene soo bilit fuux ɗomu le mi took um na pexey fa nqon fee, ndax um suud teen wiin we fo cegel ke,

Heseki’el 9:8

Ye da nqawaa, too um yoq’u koƭong, yenaam, gung a lanq, soo falaloox ee: «Ey, o Yaal oxe na refkaa boo faw, ndax xan o saŋik yoqatin we Isra’el, yaa o ɓaxaa fuux of took Yeerusaleem?»

Nahum 1:6

Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

Heseki’el 20:21

Kaa koy, xa taan axe a siiknoora fa mi. Ndeefee bargal es, ngayee too mbadnee kebil es ke o kiin oxe a warna o fadin ndax ta ñoowit na den. A maasanda pes a ñootnax ke mi. Xalaataam o sayan a den, fagiɗ fuux es tak took den kam a koƥ-a-ƥor ale.

Heseki’el 20:8

A siiknoora fa mi, a mbañ o nan-gilooxaam. O leng na den deɓee cakalaaru ke yul’ina a ngid um, too mbaasee pangool ke Misira. Maaga, xalaataam o sayan a den, fagiɗ fuux es tak took den a ndeer saax le Misira.

Esayi 42:25

Ten taxu o Yaal oxe a fudin took xeet um fuux ɗomu le ten fa xire fa ƭomu. Ƈulfaan kaa mbidin muu refna, ndaa taxee ta and, o dox ole a daawin, ndaa haaliran.

Heseki’el 20:33

Ne ta wooritna yee mexe ñoowaa, mi o Yaal oxe na refkaa boo faw layun, xam maadoox took nuun fo o ɓay o jegu doole fo a naax a cegu katil soo picit fuux es.

Heseki’el 20:13

Kaa koy, mbind Isra’el a siiknoora fa mi kam a koƥ-a-ƥor ale. Ndeefee bargal es, too a ndeɓa kebil es ke o kiin oxe a warna o fadin, ndax ta ñoowit na den. A maasanda pes a ñootnax ke mi, a mbañ o mbaas. Xalaataam o sayan a den kam a koƥ-a-ƥor ale, ndax um saŋik a den.

Mbeeñil 14:10

oxaaga kiin xan a yer na biiñ fee no fuux le Roog. Biiñ feene koy julaand tus, too Roog kaa yipan no feeƭ ole saqna fuux le ten. We na mbesooraa neene koy, xan a toroxandel kam fiɗel laa fo nqeen kaa mbaambir malaaka tedu ke fo mbaambir no Mbaal onqe.

Hoose 5:10

Kelfa ke Yudaa kaa nand fo we na ndiƈataa a tet. Xam ɓax took den fuux le mi nen a ƈufnand.

Dañel 9:27

Na xa kiid ɓetaa ƭaq xa palakaand axe, xan a gadin wiin mayu cerit ƭomu. Xa kiid axeene a ndokangaa a ndeer koy, xan a xañit sadax muumeen ke fo sadax tuufe-duufe ke sax. Cakalaaru ke sibdeena xan a sipel me moƴna goƭ took no Mbind Roog ne, boo yaa o yaayaq oxe sipuuna maaga a gefkeel tuƈ, ne Roog a dalnit’uuna no ten.› »

Dañel 9:11

Ii-isra’el we fop ne da mbodeena a ƭapa kebil of, a nduux a koƥ, a mbañ o nan-giloox o ñuxur of. Kaa i tooñong boo a tax a salax ake mbindeena no kebil ke Moyiis fee o tag of a yen took in.

Heseki’el 30:15

Xam ɓax fuux es took Siin refna saŋe ne Misira soo moocand wiin mayu we Teeb.

Heseki’el 22:31

Maaga, ɓaxaam fuux es took den, saŋkit a den fiɗel le no ngañak es. Xam nomit a den a pi den. Mi o Yaal oxe na refkaa boo faw layun.»

Heseki’el 6:12

Oxe na goƭkaa xan a xon na piste, oxe na matkaa a xon na xire, oxe na yoqkaa a widel o kurul-keƥ a xon no biim. Fuux le mi xan a jeg ne ta bugna took den.

A ƭomatax ake 4:11

O Yaal oxe a ɗaxda fuux um, a bilit fuux ɗomu le ten. A heƥanda fiɗel kam Siyoŋ, ta raaɓ boo na per ake ten.

A ƭomatax ake 2:4

A ɗaaya a qali um nen o pañ, a ñamaak um ee pec, a waajaa o xaƴ. A wara fop we mbel’ina o nga’el, a bilit fuux um nen fiɗel took ƭiif ke Siyoŋ, o ndoog onqe.

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

A kim a tedu ke 79:6

Naagi fuux le wo wumbang took qeet ke andeeroonga, took maat ke ƈufginooritkeerna gon of,

2 Caloori ke 34:21

«Ndetyo laamtankaam o Yaal oxe, mi fo yoqatin we Isra’el fo we Yudaa no kaa farna no ke layeena no safe lene sogna o ga’eel, yaam fuux le no Yaal oxe a yena took in. Daan in ngayee fa lay fee no Yaal oxe too ndeefee fop ke bindeena no safe lene.»

A ƭomatax ake 2:17

O Yaal oxe a fi’a ke ta yuuɓ’ina. A fadna ke ta lay’ina, ke ta fosoox’ina, yaa o leng a andeerna: A yaqa too yirmee dara. A fi’a boo o pañ of a ɗaay, a ci ñaañagadil of o ndam.

Heseki’el 7:9

A ngid es yirimkirang too wuuskiroong. Xam gadnong a pesorooƭ of, cednooxu ke wo a ngen a ndeer of. Maaga, xan nu and ee mi refu o Yaal oxe, oxe na xawaa.

Heseki’el 33:20

Kaa nu layaa yee: ‹A ƭat ale no Yaal oxe jofee.› Xam hate a nuun toox de, oxuu refna na pesoorooƭ um, nuun mbind Isra’el.»

Yeremi 36:31

Xam xawong, wo fo xa taan of fo dag of yaam tooñ nuun too xam ɓisiid took nuun, took we ngenna Yeerusaleem fo took wiin we Yudaa taamaala fee regdinooxuuma a nuun fop, too nu nan-gilooxiraam.»

Heseki’el 7:27

Xan o maad a jaañoox, o kelwaar a lipoox o ñak yaakaar, xa ƥay baadoole a sendaa. Xam rabid a den ciko den, hate’it a den ne da ngate’taa. Maaga, xan da and ee mi refu o Yaal oxe.»

Heseki’el 9:10

Mi itam, yirimkiim a den too wuuskiim a den. Xam gadin a den a pi den.»

Heseki’el 11:21

Kaa koy, we xeeñ den a saaƭooxna no cakalaaru ke fo cednooxu ke o mat, xam gadin a den a pi den. Mi o Yaal oxe na refkaa boo faw layun.»

Heseki’el 16:43

Feek wetandooxiro ndeƥandoong of soo fuuxnoortaam a pi of, mi itam oo xam fudin took of a pesoorooƭ of. Mi o Yaal oxe na refkaa boo faw layun. Ndax ɓaat’iro no cakalaaru ke wo fop cednooxu keene?»

Heseki’el 16:59

Keeke o Yaal oxe na refkaa boo faw a layu: Xam fesoor fa wo ne fesoortoona, wo fee xeefna a taaƥ ale ye ɗegoona ngiɓoor ne in.

Heseki’el 18:30

Ten taxu xam hate a nuun, nuun mbind Isra’el, oxuu refna na pi um. Mi o Yaal oxe na refkaa boo faw layun. Nomtooxiidyo too mbes a cinj a pi a paaxeer ake nuun, ndax a panq akaa na mbakaadnooraa a nuun njegkatee.

Heseki’el 24:14

Mi o Yaal oxe kaam ee keene xan a xew too xam fadnin, dakooxkiim teen a cinj too yirimkiim mbaat um ricoox. Xan o hate’el na pesoorooƭ of fo na pi of. Mi o Yaal oxe na refkaa boo faw layun.»

Hoose 12:3

O Yaal oxe xe layooraa fa Yudaa, a xawaa a Yakoob yaam a pesoorooƭ um, a rabdan a pi um.