Heseki’el 7:5 - NQAARIIT NE ROOG

⁵ Keeke o Yaal oxe na refkaa boo faw a layu: «Taamaala, taamaala fa njegee nand fey a garaa.

Heseki’el 7:5 Referans Kwoze

Nahum 1:9

Xar nu nqalaataa no Yaal oxe? Ten na moocandaa fañ we! Naqad fee dalkee a nuun a caf a ƭak!

Heseki’el 5:9

Cednooxu ke fi’oona xan a tax um fi’ong kaa moseeruuma o fi too fi’katinum muk.

Mace 24:21

Yaam a koom, xan a jeg coono fa maak faa moseerna o jeg yaa adna godeena ɓaax boo ndiik, too jegkatee nandu neene boo muk.

Amos 3:2

Kaa tee: «Kaam ɗeet a nuun ndeer qeet adna, jil a nuun. Ten taxu xam xaw a nuun a qaw alaa moƴna o ɗom yaam njofaƭar nuun.»

Dañel 9:12

Fadnaa ke yegnit’oona took in fo took kelfa ke ƭoxoogna a in, ɓisiid a in taamaala fa maak kam Yeerusaleem, too fa nandu neene mosee jeg sen took lanq ke.

A cangatin ale 32:35

Mi ndabdinax a helu, too mi na rabdaa. Xa caf den xan a send, yaam ñaal ne na naqad den a matiida, ke na cungaa a den a faambnoox.

Heseki’el 7:2

«Wo fee o ƥiy no kiin, keeke o Yaal oxe na refkaa boo faw a layu lanq ke Isra’el: Muukandoong ne yoo! Muukandoong ne xey a garaa no cat nahik ke no saax le.

Heseki’el 7:12

Hap fee xe garaa, bes fee a matiidaa! Baa o ciijik oxe a felakinoox, baa o ciijikax oxe a ɗomatoox, yaam fuux ɗomu le a biltooxana faan le na teeru fee.

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Xa peƭit axe 13:21

Taamaala na ƥeedaa baabakaad we, jofu we mat a saɗgiteel baneex.

Xa peƭit axe 24:16

O cofu xe a yenangaa boo a caf ɓetaa ƭaq sax oo, xan a inooxatin, soxodu we mat kaa njimbooxaa na taamaala.

Esayi 21:12

O yeeyetax oxe a doona yee: «A feeda de, ndaa no yeng ole i maadu. A soƥangaa yee kaa nu mbug o laamit, laamityo, saktooxyo too ngar.»

Yeremi 19:3

Xan o lay ee: Nuun maad we Yudaa fo we ngenna Yeerusaleem, nan-gilooxyo fa lay fee no Yaal oxe! Keeke o Yaal oxe Roog fee Isra’el Hupna fop a layu: Xam atiid no mbiñ onqene taamaala faa na foɗaxinkaa nof no we na nankan.

Yowel 1:15

Cey, ndaw ñaal o njom’andaand! Ñaal ne no Yaal oxe a matiida, a ref yaq faa hatiidna no Cegu katil oxe.