Heseki’el 7:4 - NQAARIIT NE ROOG

⁴ A kid es yirimkirang too wuuskiroong, ndaa xam sufong a ƭat ake wo, cednooxu ke wo a ngen a ndeer of. Maaga, xan nu and ee mi refu o Yaal oxe.»

Heseki’el 7:4 Referans Kwoze

Heseki’el 6:7

Xan wiin nuun a yen a nqon, too xan nu and ee mi refu o Yaal oxe.

Heseki’el 11:21

Kaa koy, we xeeñ den a saaƭooxna no cakalaaru ke fo cednooxu ke o mat, xam gadin a den a pi den. Mi o Yaal oxe na refkaa boo faw layun.»

Heseki’el 5:11

Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.

Hoose 12:2

Efrayim xa koɓong a reefaa, a daabaa nqeñ ne no batand. Ñaal oo ñaal kaa mayƭandaa xa maaƥ axe fo a pi a yednu ke. Kaa dalnaa ngiɓoor fa Asuur, soo diwliin a ɓiseel Misira.»

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

Heseki’el 16:43

Feek wetandooxiro ndeƥandoong of soo fuuxnoortaam a pi of, mi itam oo xam fudin took of a pesoorooƭ of. Mi o Yaal oxe na refkaa boo faw layun. Ndax ɓaat’iro no cakalaaru ke wo fop cednooxu keene?»

Heseki’el 9:10

Mi itam, yirimkiim a den too wuuskiim a den. Xam gadin a den a pi den.»

Heseki’el 7:27

Xan o maad a jaañoox, o kelwaar a lipoox o ñak yaakaar, xa ƥay baadoole a sendaa. Xam rabid a den ciko den, hate’it a den ne da ngate’taa. Maaga, xan da and ee mi refu o Yaal oxe.»

Heseki’el 6:14

Xam doon o ɓay es took den, fi saax le a moƴ o woot, soo a moƴ o raad, a xotit na koƥ-a-ƥor ale boo Ribla, me da ngenna teen fop. Maaga, xan da and ee mi refu o Yaal oxe.»

Hebre 10:30

yaam i anda oxe layna yee: «Mi ndabdinax a helu, too mi na rabidkaa.» A doona teen ee: «O Yaal oxe xan a hate xeet um.»

Sakari 11:6

Mi yoo yirimkatiim we ngenna na adna fee. Xam hoƥatrand a den, o kiin a gomrik fo o kend um, da yen no ɓay no maad we na toroxandaa a den. Maad weene xan a ngef adna fa muum, too a koom mucilkiim o leng na xa ƥay den. Mi o Yaal oxe layun.»

Heseki’el 24:14

Mi o Yaal oxe kaam ee keene xan a xew too xam fadnin, dakooxkiim teen a cinj too yirimkiim mbaat um ricoox. Xan o hate’el na pesoorooƭ of fo na pi of. Mi o Yaal oxe na refkaa boo faw layun.»

Heseki’el 23:49

Xan o njombe nqe nuun a sagoox a nuun, nu sufoox coono ke no pakaad ke nuun fo nitaal pangool ke nuun, neene xan nu and ee mi refu o Yaal oxe na refkaa boo faw.»

Heseki’el 23:31

Reefaa o jaf no maag of o tew, too mexe doonaa o feeƭ ole ten no ɓay of.

Heseki’el 22:31

Maaga, ɓaxaam fuux es took den, saŋkit a den fiɗel le no ngañak es. Xam nomit a den a pi den. Mi o Yaal oxe na refkaa boo faw layun.»

Heseki’el 12:20

Teeru ke ngeneena xan a mbes a pec, saax le a wootat, too xan nu and ee mi refu o Yaal oxe.› »

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

Heseki’el 7:9

A ngid es yirimkirang too wuuskiroong. Xam gadnong a pesorooƭ of, cednooxu ke wo a ngen a ndeer of. Maaga, xan nu and ee mi refu o Yaal oxe, oxe na xawaa.

Yeremi 25:14

Yaam Kaakalde we fa qoox den itam xan a ndagoox qeet cegu doole fo maad maak, too xam rabid a den a pi den fo mbef den.› »

Yeremi 16:18

Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

Yeremi 13:14

Xam duguñrand a den, faap oo o ƥiy oo. Wuuskiim, yirimkiim o leng, too o liir o leng yaqankiraam o saŋik a den.» O Yaal oxe layun.

Heseki’el 7:3

Ndiiki muukandoong ne xe garaa took of. Xam hebliid fuux es took of, hate’ong na pesorooƭ of soo sufong cednooxu ke wo fop.

Amos 7:8

Naaga, o Yaal oxe a layaxam ee: «Amos! Xar ga’o?» Um doonin ee: «O ƥaak o fodrandir.» Ta layaam ee: «Xam dalin o ƥaak o fodrandir kam Isra’el fee xeet es, too yaaga a baasan es fa den a faaf.

Heseki’el 33:29

Xan da and ee mi refu o Yaal oxe, yaa um fi’kaa saax le juum kefatin fo o mbiñ o mbootu, yaam cednooxu ke da mbi’na teen.