Heseki’el 7:21 - NQAARIIT NE ROOG

²¹ Xam ɓoxotin na xa ƥay no genar ndax da ngefin tuƈ, na xa ƥay no we moƴna o soxod took lanq ke, ta ref cangale, soo da maasandin.

Heseki’el 7:21 Referans Kwoze

2 Maad we 24:13

Nebukadnesaar a janga halal fee no Mbind ne no Yaal oxe fa fee no mbind no maad ne. A gefa xa ƥaxañ wurus axe o maad Salomo a fi’in’ina kam Mbind ne no Yaal oxe. Neene, ke o Yaal oxe a lay’ina a fadnooxa.

A kim a tedu ke 79:1

A kim a tedu laa fogna na ke Asaf oo. Wo Roog, qeet lakas ke a mbañooxaniida saax le wo, a maasand Mbind tedu ne wo soo a mbi a Yeerusaleem juum kefatin.

2 Maad we 25:9

A doxa Mbind ne no Yaal oxe fo mbind no maad ne fo pind ke Yeerusaleem fop boo no pind ke no wiin maak we fop.

A kim a tedu ke 109:11

Fat o taarawnit a doon o ɓay no ke ta jegna fop, genar a mbuf jale um.

Yeremi 19:13

Pind ke Yeerusaleem fo ke no maad we Yudaa xan a nqoolaƭar nen a Tofet, pind ke fop andoona yee xa qoor axe na asamaan a ƥoxotane cuuraay na xa tung-took axe den, soo roog lakas ke a njuuranel teen biiñ nen sadax.»

Heseki’el 31:12

Wiin jan waa moƴna o ndef wiin fo’oy a ndeer qeet ke a ngodaan, soo a mbaasin maaga. A naaq ake ten a yena took xa coong axe fo kam a yulanq ake. Xa laag axe ten a nduguñe kam a kamb ake no saax le fop, qeet ke no lanq ke fop a ƈuf yook ne ten, soo a mbaasin.