Heseki’el 7:15 - NQAARIIT NE ROOG

¹⁵ «Laƥ ne xe tafil, soo piste fo biim a ndef kam. Oxe na refkaa na koƥ ale, xan laƥ a ñaamin, oxe na refkaa kam teeru fee, xan biim fa piste a saŋkin.

Heseki’el 7:15 Referans Kwoze

Yeremi 14:18

Um sutooxangaa na koƥ alaa, waa yenitna na xire doŋ um ga’aa, um rokiid kam teeru fee, ga’aa waa na nqonaa fo nqeex. O tuleer oxe fo o saasadax oxe sax owe mbidaa kam saax le, ndaa andee xar a ngelu o mbi.»

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

A ƭomatax ake 1:20

O Yaal oxe, ga’angi naqad fee reftuuma! Laaw ke mi owe mbaƴaa, xeeñ es a nootoox taa kam es, yaam kaam siiknoor’u fa wo. Laƥ ne xe waraa xa ƥees no ped ke, soo a seel a fi’aa sabab no mbind ne.

Heseki’el 6:12

Oxe na goƭkaa xan a xon na piste, oxe na matkaa a xon na xire, oxe na yoqkaa a widel o kurul-keƥ a xon no biim. Fuux le mi xan a jeg ne ta bugna took den.

Heseki’el 6:11

Keeke layum, mi o Yaal oxe na refkaa boo faw: Foxrandi xa ƥay of, dukoox a caf of soo lay ee ‹ey›, took cednooxu soxodu ke no mbind Isra’el fop na nqonkaa na xire, no biim fo na piste.

Heseki’el 12:16

Xam fi boo a ndeer den wiin jaakeer a ndaɗ xire fee, biim le fa piste fee, ndax da mbetandoox a ndeer qeet ke da ndetkaa cednooxu ke da mbi’’ina. Neene, xan weene a and ee mi refu o Yaal oxe.»

A ƭomatax ake 4:9

We laƥ a saŋkaa moƴu o ƭaay we na nqonaa fo nqeex, na yenaa, a ŋeesoox tak, yaam ne xa qol axe a mbateerna dara.