Heseki’el 7:13 - NQAARIIT NE ROOG

¹³ Ha’aa, o ciijikax oxe xaaditkee ke ta jikooxna, a maadangaa o ñoowaa sax oo, yaam ke feeñleena no jeg den fop xan a fadnoox. Oxuu refna kaa saaƭoox no njofaƭar, ten taxu o leng mucilkee o ñis um.

Heseki’el 7:13 Referans Kwoze

Heseki’el 13:22

Yaam ne nu mboosɗandtaa xeeñ le no cofu xe xa maaƥ, yaa gooyɗandaneeruuma mi fa xoox es fo yaam ne nu saƭkandaa xa ƥay no soxodu xe, ndax nu yaqanin ta fes a ƭat a paaxeer um a cinj soo a ñoow,

O baawaare xe 8:8

O kiin oxe sañee o ñis um, too waagee lay bes fee ta xonkaa. Maafir neene jegee ndaɗand, too kañaan ne mucilkee teen o soxodu xe.

A kim a tedu ke 52:7

Ten taxu yoo xan Roog a luƈtong boo kili, a naagong nuus, a suqtong no ƭiif of soo a suudong no lanq ke no ñoow we. A maaf

Ke bindeena no xe ne’eena YOB 15:25

Kaa ɗaayan a Roog o kurpeeñ, a paaƈ o Cegu katil oxe.

A paɗax ale 25:31

Pind ke no caate ke njegeerna saŋe koy, fat a ƭeetel nen xa saawit axe. Xan a mbaagel o mbat, too oxuu jikna teen mbind, fat a sutooxin no Hiid o mbelakinax ole.

Esteer 8:8

Kaa koy, nu anda yee kuu bindeena no gon no maad soo a wegtel o ñaasir ole ten waagataand o sañit. Ndiiki daal, mbindyo no gon es kaa nu nqalaatna yee ten moƴu o faax no Yaawuur we, soo mbegtin o ñaasir ole mi.»

A paɗax ale 25:13

No hiid oleene, oxuu refna na nuun a waaga o nomtoox na pec um.

Heseki’el 12:25

Mi refu o Yaal oxe. Kuu layuuma xan a fadnoox too gulooxkee. Na pe ake nuun, nuun xeet fa mbaafañ fee, xam lay soo fadnin. Mi o Yaal oxe na refkaa boo faw layun.»

Heseki’el 12:28

Ten taxu layi a den ee: Keeke o Yaal oxe na refkaa boo faw a layu: Fa lay fuu layuuma, xan a ref faa na fadnooxkaa no ñofu. Mi o Yaal oxe na refkaa boo faw layun.»