Heseki’el 6:9 - NQAARIIT NE ROOG

⁹ Maaga, yoqatin weene na nuun xan a mbetandoortaam ndeer qeet ke da ƥiskeel took o hup doole, mi fee gefna xeeñ den seeseeq le fesaxama a cinj fo a kid den a seeseeq ake ngaanna no pangool ke den. Saɗkatee o mbadraa a kid yaam paaxeer ke da mbi’na fo cednooxu ke den fop.

Heseki’el 6:9 Referans Kwoze

Heseki’el 20:43

Maaga, xan nu mbetandoox a pesoorooƭ nuun fo a pi ake nu ndoɗganditna a qoox nuun fop. Nu saɗkatee o mbadir a kid, yaam a pi a paaxeer ake nu mbi’na fop.

Esayi 7:13

Maaga, Esayi a layaan ee: «Nuun mbind Dawid, nan-gilooxyo boog. Ndax ke nu mboosɗandaa wiin we deyee dey a nuun boo nu mbug o mboosɗandahin a Roog es?

A kim a tedu ke 78:40

A caf a mayu, a siiknoora fo ten na koƥ-a-ƥor alaa, a ngooyandan no fo mbiñ ne naangna halit.

Ke bindeena no xe ne’eena YOB 42:6

Ten taxu um naag ɓot no ke layuuma fop, ricooxaa tigi, moof no fo ut fo kam ndaw.

Sakari 10:9

Pasaraam a den a ndeer qeet ke, ndaa xan a mbetandoortaam na saax a koƭu keene, a ñoowaa, den fo xa ƥiy den, too xan a nomtooxiid.

Heseki’el 20:7

Layaam a den ee: Fat oxuu refna na nuun a deɓ nitaal roog cakalaaru ke yulna a kid um. Ba nu nqoolaƭarandit a qoox nuun pangool ke Misira. Mi refu o Yaal oxe Roog nuun.

Esayi 43:24

Jikaniraamo qeeñe-xeeñe seeru, too giñnoortiraamo neebam fee no sadax cegel ke wo, ndaa kaa o ñaatlandtaam pakaad of, xijlandtaam tooñ of.

Heseki’el 20:24

yaam ndeef’ee bargal es, a ndeɓ kebil es, a maasand pes a ñootnax es soo a maad o ngaan no pangool ke no daan den.

Yeremi 51:50

Nuun we ƥostooxna laƥ ne ten, ndetyo, ba nu ngeenoox! Ke nu ngoƭna fop oo, mbetandooxyo o Yaal oxe, too fat Yeerusaleem a ref na qeeñ nuun.

2 Piyeer 2:14

Kaa mbaaƭaa maa da seeqitna soom, too mbaagee o nqij na bakaad muk. Kaa naxaa we xa laaw den a neewna doole. Xeeñ den, no yaawaa xaaliis a genu kili. Ten taxu a qaw ale Roog oxey cay took den.

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Heseki’el 16:63

ndax o wetandoox ke faafna, soo sed ɓot, ndax yaƥatkatiro o don of yaam gaci of yaa um waasankang fop ke fi’oona. Mi o Yaal oxe na refkaa boo faw layun.»

Heseki’el 16:43

Feek wetandooxiro ndeƥandoong of soo fuuxnoortaam a pi of, mi itam oo xam fudin took of a pesoorooƭ of. Mi o Yaal oxe na refkaa boo faw layun. Ndax ɓaat’iro no cakalaaru ke wo fop cednooxu keene?»

Amos 2:13

Ten taxu xam duguñ a nuun boo nu mok rip nen oxaa a sareet alaa sufna boo a qiicaa, a dakna.

A lim ale 15:39

Boo nu ƭeetaa a tup akeene, xan nu mbetandooran kebil es fop, mi o Yaal oxe, ndeef a den. Neene, nu ndeefkee ke xeeñ nuun a yuxmaa fo ke yulna a kid nuun, too nu njimbooxkee no ngore’aƭar.

Heseki’el 12:16

Xam fi boo a ndeer den wiin jaakeer a ndaɗ xire fee, biim le fa piste fee, ndax da mbetandoox a ndeer qeet ke da ndetkaa cednooxu ke da mbi’’ina. Neene, xan weene a and ee mi refu o Yaal oxe.»

Heseki’el 7:16

We mucna na den xan a ƥostoox, a ndet took xa coong axe, nen a qoɗoxoñ akaa na ŋuuraa kam a yulanq ake.

Heseki’el 5:13

Fuux es xan a ret boo a fag tak. Xan fuux es a biltoox took den, um rabdinoox, too xan da and ee mi o Yaal oxe layu kam naal es, ret boo paang fuux es took den.

Yeremi 3:13

Anddilooxi tooñ of rek, jaɓ ee siiknooraa fo o Yaal oxe Roog of. Kaa o siipanoogu muu refna, me no roog can ke, yoora ndaxar nquƥu nuu refna, too nan-gilooxiraamo.› » O Yaal oxe layun.

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Esayi 64:6

Jegatee o leng oxaa na ƴufginooraa gon of mbaat oxaa yokooxna no damoox na wo, yaam kaa o sing a in mukit of soo xaƴ a in i mudaa na saŋkax yaam tooñ in.

Esayi 63:10

Kaa koy, kaa nanaƭar’u, a ngooyand Yiif Tedu le ten, ta geleeroox, a refat o pañ den. O ten o mat ñoxoru fa den.

A kim a tedu ke 137:1

Kaa i moofoogu paam xa quluɓ axe Babilon, loolaa, yaam a yiif in a ngomaa a Siyoŋ.

2 Maad we 16:10

O maad Ahas a reta Damaas, a xetik maaga fa Tiglat-Pileseer fee o maad oxe Asuur. Ye ta ga’na o sadaxand ole reeƭna Damaas, a lulta a Uriya fee o saasadax nitaal ne fo samandaal naa yoqteerna dara no sadaxand ole.

Heseki’el 6:10

Ten taxu xan da and ee mi refu o Yaal oxe too xa koɓong taxee um lay a den ee xam doon a den taamaala feene.

Heseki’el 16:61

Xan o wetandoox a pesoorooƭ of, too xan o sed teen, yaa o daawatinkaa maag of fo xa teɓ of rew. Xam cooxong a den nen xa ƥeef xa tew, ndaa ngiɓoor of fa mi taxkiran.

Heseki’el 23:30

na ngarkaa fo keene yaam kaa o jaga fo qeet keene, soo xoolaƭarandoorit nitaal pangool ke den.

Hoose 11:8

«Wo Efrayim, nam waagoong o xaƴit? Kaam ee wo Isra’el, ndax xam ɓoxotong moos? Nam waagoong o doonit ke doonuuma a Adma, fi’ong ke fi’uuma a Seboyiim? Kam es neegiran, um may muut fa yirmande.

Mise 5:13

Xam fuurit a ndeer nuun xa taaƴ xa lupe xe Asera nu mbaɗooxaa, yaq teeru ke nuun.