Heseki’el 6:8 - NQAARIIT NE ROOG

⁸ Kaa koy, yaa nu pasarkeel na saax a pogreer xam xaƴan a nuun yoqatin, waa mucitna na xire.

Heseki’el 6:8 Referans Kwoze

Heseki’el 14:22

xan a yoq teen yoqatin waa suteena, xa ƥiy xa koor fo xa tew. Den oo weene na sutooxiidaa a njagin me nuun. Xan nu nga a pesoorooƭ den fo a pi den, too xan nu yaaloox na taamaala fee ɓisiiduuma took Yeerusaleem, no fop ke fi’uuma took um.

Heseki’el 12:16

Xam fi boo a ndeer den wiin jaakeer a ndaɗ xire fee, biim le fa piste fee, ndax da mbetandoox a ndeer qeet ke da ndetkaa cednooxu ke da mbi’’ina. Neene, xan weene a and ee mi refu o Yaal oxe.»

Yeremi 44:28

Leng-leng soom na ƥostooxkaa no laƥ ne, a nomtoortiid no saax le Misira, a ndet Yudaa. Maaga, wiin weene fop yoqna no Yuuyudaa we laqooxiid’ina no saax le Misira xan a and fa lay fum na fadnooxkaa, fee mi mbaat fee den.

Yeremi 44:14

O leng no we yoqna na Yudaa too a laqooxiid mene, no saax le Misira, ɓostooxkee mbaat ta daɗ. O leng na den nomtooxkee no saax le Yudaa, da ndiilooxaa o ngenatinik, a refangee leng-leng waa na ƥostooxkaa.»

Esayi 6:13

A yoqahinangaa teen a qaaj xarɓaxayandeer no wiin we, weene yoo xan a mbuuɓel. Kaa koy, ne ngariñ mbaat ndaxar maak lakas a yoqtaa fanq, yaa ta fuuɓeena, neene a yoqitkaa fanq, too teen o fog ole no tedu we a saxitkaa.»

Yeremi 30:11

Yaam mexey fa wo, ndax um muclong. Mi o Yaal oxe layun. Xam moocand qeet ke pasar’oonga fop, ndaa wo o mat, moocandkiroong. Kaa koy, xam xawtong o cofel, waagiroong o ɗeet nen a jaambuur.»

Heseki’el 7:16

We mucna na den xan a ƥostoox, a ndet took xa coong axe, nen a qoɗoxoñ akaa na ŋuuraa kam a yulanq ake.

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Heseki’el 5:2

Doxi teen a qaaj a tadkandeer ale na fiɗel a ndeer ee ndeer teeru fee, yaa ñaal ke no song le a mbadnooxkaa. Xoti teen a leng na qaaj a tadak ake, xawtin laƥ ne me widna teeru fee, pasar leng na qaaj a tadak ake no nqeñ ne, too xam daabtin laƥ.

Yeremi 46:28

Wo Yakoob fee o tag es, ba o saɗar, yaam mexey fa wo. Xam moocand qeet ke pasar’oonga fop, ndaa wo o mat, moocandkiroong. Xam xawtong o cofel, waagiroong o ɗeet nen a jaambuur. Mi o Yaal oxe layun.»

O leetar ole Pool a bindna GIMU WE NGENNA ROM 9:27

A jega kaa Esayi a lambin’ina na xeet fee Isra’el, kaa tee: «Boo andoona sax ee Ii-isra’el we kaa mayit’u nen pep lanq na ƥeeraamb o maag, o yoqatin o ndutuuñ soom na mucilkeel,

Heseki’el 5:10

Ten taxu xan paap ke a ñaamaa xa ƥiy den a ndeer of, soo xa ƥiy axe a ñaamaa paap den. Xam dalin hate es took of soo pasar no nqeñ ne we na yoqkaa na wo.

Heseki’el 6:7

Xan wiin nuun a yen a nqon, too xan nu and ee mi refu o Yaal oxe.

Nehemi 1:8

Wetandooxi fa lay feeke hebloona a Moyiis fee o tag of, ta daawnitin: ‹Nu ngore’aƭarangaa, xam pasar a nuun a ndeer qeet ke.

Sofoni 3:12

Xam xaƴ me wo xeet fa neewandooxu fa ñaku doole, faa na bugko jaɓnooraa gon es, mi o Yaal oxe.