Heseki’el 6:7 - NQAARIIT NE ROOG

⁷ Xan wiin nuun a yen a nqon, too xan nu and ee mi refu o Yaal oxe.

Heseki’el 6:7 Referans Kwoze

Heseki’el 38:23

Xam feeñil o magnel es fo o tedel es. Xam andnoor a xoox es na kid no qeet mayu kaa na andkataa yee mi refu o Yaal oxe.»

Heseki’el 35:15

Feek kaa o felakinoox na kef ale no mbaafaap ne Isra’el, xam doonong leng kut ke. Wo o joong ole Seyiir xan o fiitnel fa Edoom fop, too xan fop a and ee mi refu o Yaal oxe.»

Heseki’el 30:26

Xam pasar Miimisira we a ndeer qeet ke, picit a den na saax a pogreer, too xan da and ee mi refu o Yaal oxe.»

Heseki’el 28:23

Xam hebliid teen piste soo ɓax fo’oy no ped ke ten. We mbareena xan a yen a ndeer um na pexey laƥ ne ta ɗaayaneena o saax oo saax too xan da and ee mi refu o Yaal oxe.»

Heseki’el 26:6

Xa ƥiy xa tew axe ten na ndefkaa na koƥ ale xan laƥ ne a ñaam a den, neene xan ta and ee mi refu o Yaal oxe.

Heseki’el 25:17

Ndabdinax es fo a qaw es xan a ƭom tigi took den, too yaa da ndalkaa a den, xan da and ee mi refu o Yaal oxe.»

Heseki’el 24:27

A koom, xan o don of a wetoox yaa oxe mucna a fadiidkaa too xan o lay, muumkatiro. Xan o ref na den o anddiloor, too xan da and ee mi refu o Yaal oxe.»

Heseki’el 24:24

Heseki’el xan a ref na nuun o anddiloor. Xan nu mbesoor deŋ ne ta fesooritna. Yaa keene a xewkaa, xan nu and ee mi refu o Yaal oxe na refkaa boo faw.› »

Heseki’el 23:49

Xan o njombe nqe nuun a sagoox a nuun, nu sufoox coono ke no pakaad ke nuun fo nitaal pangool ke nuun, neene xan nu and ee mi refu o Yaal oxe na refkaa boo faw.»

Heseki’el 20:44

Xan nu and ee mi refu o Yaal oxe, yaa um fesoorkaa fa nuun neene yaam gon es, ndaa refkee muk yaam a pesorooƭ a paaxeer nuun fo a pi a parƴu ke nuun, nuun mbind Isra’el. Mi o Yaal oxe na refkaa boo faw layun.»

Heseki’el 20:42

Xan nu and ee mi refu o Yaal oxe, yaa um nomtiidkaa a nuun no fiisel ole Isra’el, kam saax le daaɓoox’uuma fo o ɓay es took ee xam ci’in daan nuun.

Heseki’el 20:38

Xam suud na nuun we siiknoorna fa mi soo a tooñaam. Xam sut a den no saax le da ngenna, ndaa ndokkee no saax le Isra’el. Maaga, xan nu and ee mi refu o Yaal oxe.

Heseki’el 15:7

Xam inooxan a den. A sutoora na fiɗel le, ndaa fiɗel xan a raaɓ a den. Maaga, xan nu and ee mi refu o Yaal oxe, yaa um inooxankaa a den.

Heseki’el 14:8

Xam inooxan o kiin oxeene, fi ta ref o njapil o ƭeetoor fo naxoor. Xam suudin a ndeer xeet es too xan nu and ee mi refu o Yaal oxe.

Heseki’el 13:23

yaam keene, nu njegkatee peeñil naanaxir too nu maɗagkatee. Xam wat xeet es na xa ƥay nuun, too xan nu and ee mi refu o Yaal oxe.»

Heseki’el 13:21

Xam faar muurax ke nuun soo wat xeet es na xa ƥay nuun. Ndefkatee nen mbuufuɗag na xa ƥay nuun, too xan nu and ee mi refu o Yaal oxe.

Heseki’el 13:14

Xam gaak saŋe ne nu ƭuumna. Xam maafin junjang boo a per ake ten ee faŋ. Xan a yurdoox soo nu saŋkoox a ndeer den. Maaga, xan nu and ee mi refu o Yaal oxe.

Heseki’el 13:9

O ɓay es xan a dal took duleer we peeñil den a ndefna xa koɓong soo maƭak den a ndef xa maaƥ. Mbogkee no mal maak ne na xeet es, mbindkaand no mbokatax ne no mbind Isra’el, too ndokkee no fiisel ole Isra’el. Maaga, xan nu and ee mi refu o Yaal oxe na refkaa boo faw.

Heseki’el 12:15

Yaa um pasarkaa a den a ndeer qeet ke soo picit a den kam a saax a lakas ake xan da and ee mi refu o Yaal oxe.

Heseki’el 11:12

Maaga, xan nu and ee mi refu o Yaal oxe. Nu ndeefee kebil es too nu ngayee bargal es, ndax ndeefaa o mbaax onqe no qeet ke mbidna a nuun.»

Heseki’el 11:10

Xan laƥ ne a maaf a nuun, yaa um hate’itkaa a nuun no fiisel ole Isra’el. Maaga, xan nu and ee mi refu o Yaal oxe.

Heseki’el 9:7

Maaga, a laya a den ee: «Nqoolaƭarandyo Mbind ne mi, soo mayƭand xa maax axe fo xa tal! Sutooxyo!» A sutooxa, a ndef no nqawaa kam teeru fee.

Heseki’el 7:9

A ngid es yirimkirang too wuuskiroong. Xam gadnong a pesorooƭ of, cednooxu ke wo a ngen a ndeer of. Maaga, xan nu and ee mi refu o Yaal oxe, oxe na xawaa.

Heseki’el 7:4

A kid es yirimkirang too wuuskiroong, ndaa xam sufong a ƭat ake wo, cednooxu ke wo a ngen a ndeer of. Maaga, xan nu and ee mi refu o Yaal oxe.»

Heseki’el 6:13

Maaga, xan nu and ee mi refu o Yaal oxe, yaa xon we a ndefkaa ndeer pangool ke den, me widna xa sadaxand axe den, took a ñaang a ciig akuu ndefna, took xa cul axe na xa coong axe fop, yoora ndaxar saqtu nuu refna, yoora ngariñ niɓu nuu refna, fo me da ƥoxottoogna pangool ke den qeeñe-xeeñe pelu tuñ sax.

A ƭomatax ake 4:9

We laƥ a saŋkaa moƴu o ƭaay we na nqonaa fo nqeex, na yenaa, a ŋeesoox tak, yaam ne xa qol axe a mbateerna dara.

Yeremi 25:33

We o Yaal oxe a warkaa a koom xan a luuñaa maaga, no cat leng boo no cat lakas no lanq ke. Nqaaraandkaand, ngiskaand too ngaskaand. Xan a ndefik tosir lanq ke.

Yeremi 18:21

Ten taxu, ɓoxoti xa ƥiy den biim le, joor a den no weel le no laƥ ne. Yaasam rew we den a nqatat, a ndefat ñaaw. Yaasam piste a ñaam goor we den, laƥ a saŋik mbes ke den na xire fee.

Yeremi 14:18

Um sutooxangaa na koƥ alaa, waa yenitna na xire doŋ um ga’aa, um rokiid kam teeru fee, ga’aa waa na nqonaa fo nqeex. O tuleer oxe fo o saasadax oxe sax owe mbidaa kam saax le, ndaa andee xar a ngelu o mbi.»

2 Maad we 19:19

Ndiiki koy, wo o Yaal oxe Roog in, mucli a in no ɓay Sanxerib, ndax maat ke na adna fee fop a and ee wo o Yaal oxe, wo soom refu Roog.»

A sutax ale 14:18

Neene, xan Miimisira we a and ee mi refu o Yaal oxe, ndax um lalit o ndam es took Firawon fee fo a sareet-xire ke ten fo ŋaaŋaay pis um.»

A sutax ale 14:4

Xam ŋajnoor a Firawon fee, ta daab a nuun. Maaga, xam saŋik a Firawon fee fo xiixire um fop, ndax um lalit o ndam es. Neene, xan Miimisira we a and ee mi refu o Yaal oxe.» Ii-isra’el we a mbi’a naaga.

A sutax ale 7:5

Yaa um letinkaa o ɓay es took Miimisira we, sut a ndeer den Ii-isra’el we, xan Miimisira we a and ee mi refu o Yaal oxe.»

Heseki’el 6:6

Muu nu mbaagna o ngen, teeru ke nuun xan a mbes a pec soo a ñaang a sadaxand ake nuun a luƈtel. Neene, xan xa sadaxand axe nuun a yaqel, a mbaytel, nitaal ke nuun a ngefel soo a mooc, toxir cuuraay ke nuun a nduguñel, soo ke nu njalna a sooƴ.

Heseki’el 6:8

Kaa koy, yaa nu pasarkeel na saax a pogreer xam xaƴan a nuun yoqatin, waa mucitna na xire.

Heseki’el 12:19

Fat o lay we ngenna no saax le yee: Keeke o Yaal oxe na refkaa boo faw a layu we ngenna Yeerusaleem kam lanq ke Isra’el: ‹Xan da ñaamaa fa naqad soo a yeraa foofi fo caƭar. Xan saax le den a raad, a ñak fop yaam ngiin fo’oy ne no we ngenna teen.

Heseki’el 20:26

Xoolaƭarandtaam a den sadax den, ye da sadaxtaa taaw ke den fop, ndax um diidland a den boo da and ee mi refu o Yaal oxe.»

Heseki’el 22:16

Laltaa njofaƭar of na pexey tooñ of na kid no qeet ke. Kaa koy, xan o and ee mi refu o Yaal oxe.»

Heseki’el 32:15

Yaa um fi’kaa saax le Misira o mbiñ o mbootu, soo ta waltel boo qac, yaa um xawkaa fop we ngenna teen, xan da and ee mi refu o Yaal oxe.