Heseki’el 6:6 - NQAARIIT NE ROOG

⁶ Muu nu mbaagna o ngen, teeru ke nuun xan a mbes a pec soo a ñaang a sadaxand ake nuun a luƈtel. Neene, xan xa sadaxand axe nuun a yaqel, a mbaytel, nitaal ke nuun a ngefel soo a mooc, toxir cuuraay ke nuun a nduguñel, soo ke nu njalna a sooƴ.

Heseki’el 6:6 Referans Kwoze

Sakari 13:2

O Yaal oxe Hupna fop kaa tee: «A koom xam suud no saax le pangool ke, sañ a den na yiif no wiin we boo xoo, in meen duleer maamaaɓ we fo a yiif ake nqoxna no nqoolaƭar.

Mise 1:7

Nitaal roog ke ten fop xan a nduguñel, tabid qoolaƭaru ke ten a ndoxel. Xam fiitin pangool ke ten fop ta waaƭitna tabid ke no njaga ne ten, da ndefatinik tabid njaga lakas.»

Heseki’el 5:14

Xam fi’ong o fes a pec, o mbiñ onqaa niwaƭareena a ndeer a saax ake mbidoonga, na kid no dak-a-faaf we fop.

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

Heseki’el 6:4

Xa sadaxand axe nuun xan a mbaytel, toxir cuuraay ke nuun a nduguñel, too xam maaf na nuun wiin da nqon mbaambir nitaal roog ke nuun.

A paɗax ale 26:30

Xam yaq a ñaang a sadaxand ake nuun, maaf toxir qeeñe-xeeñe ke nuun, fokat xa tal nuun took ƭaaq ke no pangool ke nuun, too xan nu mbasaam.

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Habakuk 2:18

Xar nitaal roog sexe a ɗaxu? O seesex doŋ sexun. Xar nitaal njawne a ɗaxu? Xa toonanqol um xa maaƥ oo. Nam o seesex a waagu boog o gaɗit a xoox um no ke ta sexna, na roog faa ta fi’oodna, too waagee fa lay?

Mise 5:13

Xam fuurit a ndeer nuun xa taaƴ xa lupe xe Asera nu mbaɗooxaa, yaq teeru ke nuun.

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

Hoose 10:8

A ñaang a sadaxand ake Bet-Awen, me Isra’el a bakaaditna, xan a luƈtel, tomb fo takar-ñiig xan a sax took xa sadaxand axe den. Xan wiin we a lay xa coong axe yee: «Muuryo a in!», a lay a ñaang ake yee: «Ngirdooxyo took in!»

Hoose 10:2

Xeeñ den naanaxir ƥor a fofu. Ten taxu yoo xan a ngadoox tooñ den. O Yaal oxe xan a jiƭit xa sadaxand axe den, a duguñ a ƥil ake da mbaɗooxaa.

Heseki’el 30:13

Keeke layum, mi o Yaal oxe na refkaa boo faw: Xam yaq pic nitaal pangool ke, suud kam Memfiis roog tefee ndigil ke. Jegkatee o kelwaar kam saax le Misira, too xam dalin teen diid le.

Heseki’el 16:39

Xam ɓoxotong na xa ƥay den. Xan a mbayit mbind njaga’ir ne wo, a yaq taalaand ke wo. Xan a mbolong ƭuc, a njang kelax ke wo soo a nqaƴong o ƥor, o yoq ƭuc.

Yeremi 34:22

mi o Yaal oxe, xam hebil a den da nomtooxaniid teeru fene, a songin, a njaɓin soo a ndoxin riw. Teeru ke Yudaa o mat, xam fi da ndefat a koƥ-a-ƥor maa o leng a genateerna.»

Yeremi 17:3

fo xa coong axe kam a koƥ ale. Kalal ke nuun fo o jeg nuun fop, xam ci’it a den da njaɓel, den fo a ñaang a sadaxand ake nuun, yaam pakaad ke nu mbi’na kam o fiisel ole nuun fop.

Yeremi 10:22

Nan-gilooxangyo fangax combol le na matiidaa. Yo’in maak ley a inoortiidaa no saax le no ɓemb-roog o janoon. Teeru ke Yudaa xan a suptel a koƥ-a-ƥor, a ndefat ngenand xa ƥox-a-koƥ axe.

Yeremi 9:19

Nuun rew we, nan-gilooxyo boog fa lay fee no Yaal oxe, mbet nof nuun no ke ta layaa! Aqatinyo xa ƥiy xa tew axe nuun a ƭomatax, oxuu refna a jangin o tew o kend um ƭomatax nene:

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Yeremi 2:15

Fo njogoy fo njanglax kaa ŋuuranan, a mbumbaa, a ngef saax le ten tuƈ, soo teeru ke ten a ndaaɓel, o leng genatee teen.

Esayi 64:10

Fiɗel a raaɓa Mbind tedu mosaan ne in me daan we in a simattoogoonga. Ke i mbex’ina fop a refata juum kefatin ƥor.

Esayi 27:9

Keene na refkaa a bateer tooñ ne Yakoob, too keeke a baasan tooñ um a rimkaa: A ƥil ake na xa sadaxand axe fop xan a mokandel, ne jaagal a moxoñteel, too a teex a lupe ke Asera fo toxir qeeñe-xeeñe ke ngeenooxatinkee muk.

Esayi 2:20

A koom, xan wiin we a ndeɓan a pom ake fo a ƭeem ake pangool ke da mbi’itna wurus fa xaaliis, a ngungaa mbaambir den,

Esayi 2:18

too pangool ke fop xan a ñuf.

Esayi 1:31

O yaal doole xe xan a nandat fo sirtatin xa pasaak, soo a pi um a nand fo o meldaand. Den ɗik fop xan a ndoxandoor, too jegkee o leng oxaa ñufuuna.

A kim a tedu ke 115:8

We njalna a den fa den a nandu, boo no we ƭagna yaakaar den no nitaal keene.

A paɗax ale 26:31

Xam tas teeru ke nuun, luƈit xa paɗoorand axe nuun. Haaƭkatiim a qeeñaan ale no sadax ke nuun.

1 Sami’el 5:4

No feet olaa ƥiiɓ teel, wiin waa a yokooxa, a ngarahin, a soƥ Dagon a yenahin ƭaasin mbaambir arka ne no Yaal oxe. Xoox le Dagon fo xa ƥay axe fop kaa ƭeg’u, a ndef no peg ne no don-maax ole, ta yoqɗat o fimb ole doŋ.

Heseki’el 6:7

Xan wiin nuun a yen a nqon, too xan nu and ee mi refu o Yaal oxe.

Heseki’el 12:19

Fat o lay we ngenna no saax le yee: Keeke o Yaal oxe na refkaa boo faw a layu we ngenna Yeerusaleem kam lanq ke Isra’el: ‹Xan da ñaamaa fa naqad soo a yeraa foofi fo caƭar. Xan saax le den a raad, a ñak fop yaam ngiin fo’oy ne no we ngenna teen.

Heseki’el 35:4

Xam fi teeru ke wo juum kefatin, o refat o mbiñ o mbootu, too xan o and ee mi refu o Yaal oxe.

1 Maad we 14:23

Den itam a maxana a qoox den a ñaang a sadaxand fo a ƥil a sexe fo xa taaƴ xa lupe xe Asera took ñaang jiig luu refna fo yoora ndaxar saqtu nuu refna.

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 51:18

Xa andand xa ƥor a ndefu, jale laa jalatna. Xan da mooc, yaa a qaw ale den a garkaa.