Heseki’el 6:4 - NQAARIIT NE ROOG

⁴ Xa sadaxand axe nuun xan a mbaytel, toxir cuuraay ke nuun a nduguñel, too xam maaf na nuun wiin da nqon mbaambir nitaal roog ke nuun.

Heseki’el 6:4 Referans Kwoze

2 Caloori ke 14:5

Na xa kiid axaaga fop o leng xire’ee fo ten, yaam o Yaal oxe kaa ci’’un a ñootnax. Ten taxu teeru mayu kam Yudaa a ñofa o maxan a den saŋe, na jamaane fee saax le a refna no yaadax.

A paɗax ale 26:30

Xam yaq a ñaang a sadaxand ake nuun, maaf toxir qeeñe-xeeñe ke nuun, fokat xa tal nuun took ƭaaq ke no pangool ke nuun, too xan nu mbasaam.

Heseki’el 6:13

Maaga, xan nu and ee mi refu o Yaal oxe, yaa xon we a ndefkaa ndeer pangool ke den, me widna xa sadaxand axe den, took a ñaang a ciig akuu ndefna, took xa cul axe na xa coong axe fop, yoora ndaxar saqtu nuu refna, yoora ngariñ niɓu nuu refna, fo me da ƥoxottoogna pangool ke den qeeñe-xeeñe pelu tuñ sax.

Yeremi 43:13

Xan a gef a toodook a ƥil a tedlande ke Bet-Semes no saax le Misira, a dox pind roog ke Misira.»

2 Maad we 23:14

Yosiya a gefa a ƥil a sexe ke, a seɓ xa taaƴ xa lupe xe Asera, soo fo mbiñ neene fop, ta mayƭand a den fo xa kiiƈ no wiin.

1 Maad we 13:2

A falalooxa o sadaxand ole, ne o Yaal oxe a simit’uuna o ten ee: «O sadaxand ole, o sadaxand ole, keeke o Yaal oxe a layu: ‹Xan o ƥiy o ngoor a rimel no mbind Dawid, too Yosiya a ne’keel. Xan a sadaxit took of saasadax we na ñaang a sadaxand ake na ndoxaa cuuraay took of, too xan xa kiiƈ no wiin sax a ndoxtel took of!› »

1 Sami’el 5:4

No feet olaa ƥiiɓ teel, wiin waa a yokooxa, a ngarahin, a soƥ Dagon a yenahin ƭaasin mbaambir arka ne no Yaal oxe. Xoox le Dagon fo xa ƥay axe fop kaa ƭeg’u, a ndef no peg ne no don-maax ole, ta yoqɗat o fimb ole doŋ.

Esayi 27:9

Keene na refkaa a bateer tooñ ne Yakoob, too keeke a baasan tooñ um a rimkaa: A ƥil ake na xa sadaxand axe fop xan a mokandel, ne jaagal a moxoñteel, too a teex a lupe ke Asera fo toxir qeeñe-xeeñe ke ngeenooxatinkee muk.

Yeremi 7:32

Ten taxu o Yaal oxe a laya yee: «Ñaal key a ngaraa kaa o leng a layitkateerna a Tofet mbaat a yulanq ale Ben-Hinom, ndaa xan a xoyateel a yulanq ale na bar ale. Xon we xan a ngasateel Tofet, yaam o gasand jegkatee sen.