Heseki’el 6:3 - NQAARIIT NE ROOG

³ Fat o lay ee: Nuun xa coong axe Isra’el, nan-gilooxyo fa lay fee no Yaal oxe na refkaa boo faw! Keeke o Yaal oxe na refkaa boo faw a layu xa coong axe fo a ñaang ake, a kamb ake fo a yulanq ake: Mexey! Mexe hebliidaa xire fee took nuun too xam yaq a ñaang a sadaxand ake nuun.

Heseki’el 6:3 Referans Kwoze

A paɗax ale 26:30

Xam yaq a ñaang a sadaxand ake nuun, maaf toxir qeeñe-xeeñe ke nuun, fokat xa tal nuun took ƭaaq ke no pangool ke nuun, too xan nu mbasaam.

Mise 6:2

Nuun xa coong axe fo a per a saƭku ke no lanq ke, nan-gilooxyo layoor ne no Yaal oxe! O Yaal oxe kaa layooriidaa fa xeet um, a xelooriidaa fa Isra’el.

Heseki’el 36:8

Nuun xa coong axe Isra’el o mat, xan nu sax a naaq, saqan a Isra’el fee xeet es xa tim, yaam a nomtooxiid den a matiida.

Yeremi 22:29

Saax le, saax le, saax le! Nan-gilooxyo fa lay fee no Yaal oxe.

Yeremi 3:23

No ndigil, ke na hatiidaa na ñaang ake xa maaƥ xa ƥor oo, combol ɓor na fi’eel took xa coong axe. No ndigil, no Yaal oxe Roog in a muc ale Isra’el a refu.

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

Esayi 27:9

Keene na refkaa a bateer tooñ ne Yakoob, too keeke a baasan tooñ um a rimkaa: A ƥil ake na xa sadaxand axe fop xan a mokandel, ne jaagal a moxoñteel, too a teex a lupe ke Asera fo toxir qeeñe-xeeñe ke ngeenooxatinkee muk.

Esayi 30:25

No ñaal naa na bar a ƭomu le, yaa taax-took ke a njiƭtooxkaa, xan a jeg a qayaandiin fo a ƈufnand foofi took o joong o jigdu luu refna fo took ñaang jiig luu refna.

A paɗax ale 26:25

Xam ɓisiid xire kam saax nuun, ndax um xaw a nuun, yaam ne nu ƭegna ngiɓoor es. Xan nu laqooxaa kam teeru ke, ndaa yaaga yoo um fudniid piste a ndeer nuun boo nu ƥoxotoox no fañ nuun.

1 Maad we 14:23

Den itam a maxana a qoox den a ñaang a sadaxand fo a ƥil a sexe fo xa taaƴ xa lupe xe Asera took ñaang jiig luu refna fo yoora ndaxar saqtu nuu refna.

Amos 7:9

A koom koy xan a ñaang a sadaxand ake no mbind Isaak a ngefel, pind roog ke Isra’el a njiƭtel, um inooxan mbind Yerobowam fo laƥ.»

Mise 6:1

Nan-gilooxyo ke o Yaal oxe a layiidaa! O Yaal oxe, inooxi layoorel mbaambir xa coong axe, too fat a ñaang ake a nan o ñuxur of!