Heseki’el 6:13 - NQAARIIT NE ROOG

¹³ Maaga, xan nu and ee mi refu o Yaal oxe, yaa xon we a ndefkaa ndeer pangool ke den, me widna xa sadaxand axe den, took a ñaang a ciig akuu ndefna, took xa cul axe na xa coong axe fop, yoora ndaxar saqtu nuu refna, yoora ngariñ niɓu nuu refna, fo me da ƥoxottoogna pangool ke den qeeñe-xeeñe pelu tuñ sax.

Heseki’el 6:13 Referans Kwoze

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Hoose 4:13

Kaa sadaxtaa took xa cul axe na xa coong axe, a ndoxaa cuuraay took a ñaang ake, ɗuga ngariñ, poopilye fo mbudaay, yook den a ƥuuɓna yem. Ten taxu xa ƥiy xa tew axe nuun xan a njaga’ik, rew we na xa ƥiy nuun a seeqaa.

Yeremi 2:20

O Yaal oxe kaa tee: «Wo Isra’el, miñaa o ɓol kadoor ke wo, daƈit a cengir ake wo soo lay ee: ‹Dagooxkatiroong!› Kaa koy, took ñaang jiig luu refna fo yoora ndaxar saqtu nuu refna wondoortee maaga nen a caga.

1 Maad we 14:23

Den itam a maxana a qoox den a ñaang a sadaxand fo a ƥil a sexe fo xa taaƴ xa lupe xe Asera took ñaang jiig luu refna fo yoora ndaxar saqtu nuu refna.

Esayi 1:29

Xan nu naang ɓot fa gaci, yaam ne nu mbaɗooxaa pudaay tedlande, soo sed na ƭing nuun akeene nu mbodandteerna dara,

2 Maad we 16:4

A ɓoxotta sadax fa cuuraay took a ñaang a sadaxand ake fo took a pimb ake fo yoora ndaxar saqtu nuu refna.

Yeremi 3:6

Na jamaane faa no maad Yosiya, o Yaal oxe a layaxam ee: «Ndax ɗeetlooxaa ke maat ne Isra’el fa ngore’aƭaru fee a fi’na? Kaa retoogu took o joong o jiig oluu refna fo yoora ndaxar saqtu nuu refna soo a jaga’taa maaga.

Esayi 66:17

We um ne’aa mene ndefu we na tedlandooxaa, a nqoolandooxaa, ndax da ndok na ƭing pangool ake, a mbid oxe fodna a ndeer, a ñaamaa ruul mbaat a pom mbaat tiimbel lakas kuu ndefna. Weene wiin xan a moocandoor jaf leng. O Yaal oxe o mat layun,

Esayi 37:20

Ndiiki koy, wo o Yaal oxe Roog in, mucli a in no ɓay Sanxerib, ndax maat ke na adna fee fop a and ee wo o Yaal oxe, wo soom refu Roog.»

Yeremi 13:27

Ga’aam ceeq ke wo fo woƈok-woƈok of, njaga sednooxu ne wo, nitaal roog cakalaaru ke wo took a ñaang ake na koƥ ale. Sabab took of, wo Yeerusaleem! Kaa o refkaa no nqoolaƭar boo a mban?»

Heseki’el 18:6

Ñaamkee ñaamel ke ƥoxoteena pangool ke, ɗeetkee farna fo nitaal roog cakalaaru ke no mbind Isra’el, rokkee no tew no kend um, too wondooxkee fo o tew oxaa saqna tap.

Heseki’el 43:7

O Yaal oxe a layaxam ee: «Wo fee o ƥiy no kiin, meeke refu o mbiñ onqe no uum-maamaad es, o mbiñ onqe um dakkaa o jaf es. Xam gen teen boo faw a ndeer Ii-isra’el we. Mbind Isra’el fo maad we ten ndoɗganditkatee muk gon tedu le mi njaga ne den fo xa tal axe no maad we den took a ñaang a sadaxand ake den.

Sofoni 1:10

A koom, xan xa paɗax a njib no Ndokand ne no liƥ ke, a ƭomatax a nannoox na dik fa nqas fee na teeru fee soo fangax jegu doole a inoortiid na ñaang ake. Mi o Yaal oxe layun.

Heseki’el 23:41

Moofaa no njong mosu naa a taabul a sipeena mbaambir um, soo diƈ ten cuuraay fee mi fa diwliin fee mi.