Heseki’el 6:12 - NQAARIIT NE ROOG

¹² Oxe na goƭkaa xan a xon na piste, oxe na matkaa a xon na xire, oxe na yoqkaa a widel o kurul-keƥ a xon no biim. Fuux le mi xan a jeg ne ta bugna took den.

Heseki’el 6:12 Referans Kwoze

Heseki’el 5:13

Fuux es xan a ret boo a fag tak. Xan fuux es a biltoox took den, um rabdinoox, too xan da and ee mi o Yaal oxe layu kam naal es, ret boo paang fuux es took den.

Dañel 9:7

Wo o Yaal oxe, kaa o jof. In o mat, seeƈaar in a jaga fa in, in goor we Yudaa, we ngenna Yeerusaleem fo Ii-isra’el lakas we fop, matu yoo goƭu yoo kam a saax ake rax’oona a in fop yaam ngore’aƭar in na wo.

A ƭomatax ake 4:22

Wo Siyoŋ, o ndoog onqe, rabdaa njofaƭar of boo ƴut. O Yaal oxe ɓiskatirang no mbaƭ muk. Wo Edoom, o ndoog onqe mat, xan a xaw njofaƭar of, a hulit pakaad of.

A ƭomatax ake 4:11

O Yaal oxe a ɗaxda fuux um, a bilit fuux ɗomu le ten. A heƥanda fiɗel kam Siyoŋ, ta raaɓ boo na per ake ten.

Esayi 40:2

Ƥutandyo kam Yeerusaleem, yegneenoo yee coono um a naaga tak, ta waasanel tooñ um, yaam a daawta no ɓay no Yaal oxe ndabid pakaad um boo a caf a ƭak.»

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Heseki’el 7:12

Hap fee xe garaa, bes fee a matiidaa! Baa o ciijik oxe a felakinoox, baa o ciijikax oxe a ɗomatoox, yaam fuux ɗomu le a biltooxana faan le na teeru fee.

Heseki’el 7:15

«Laƥ ne xe tafil, soo piste fo biim a ndef kam. Oxe na refkaa na koƥ ale, xan laƥ a ñaamin, oxe na refkaa kam teeru fee, xan biim fa piste a saŋkin.

Yeremi 24:10

Xam hebliid took den xire, biim fa piste, boo yaa da moockaa no saax lene ci’uuma a den, den fo daan we den.»

Yeremi 42:22

Andeenoo a paax ndiiki: Xan laƥ mbaat biim mbaat piste a saŋkit a nuun me nu mbugna o ndet, ndax nu laqook maaga.»

Heseki’el 33:27

Fat o lay a den ee: Keeke o Yaal oxe na refkaa boo faw a layu: Ne ta wooritna yee mexe ñoowaa, mi o Yaal oxe, neene a woortu yee we ndefna kam kefatin ke, xan laƥ a ñaam a den, oxe refna na koƥ o njende, um ɓoxotin ƥaaɓaan ke da muudoorin, soo we ndefna na ƥil ake fo no luf ke a nqonit na piste.