Heseki’el 6:11 - NQAARIIT NE ROOG

¹¹ Keeke layum, mi o Yaal oxe na refkaa boo faw: Foxrandi xa ƥay of, dukoox a caf of soo lay ee ‹ey›, took cednooxu soxodu ke no mbind Isra’el fop na nqonkaa na xire, no biim fo na piste.

Heseki’el 6:11 Referans Kwoze

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Yowel 1:15

Cey, ndaw ñaal o njom’andaand! Ñaal ne no Yaal oxe a matiida, a ref yaq faa hatiidna no Cegu katil oxe.

Heseki’el 25:6

Keeke o Yaal oxe na refkaa boo faw a layu: «Feek kaa o fox, fecoox soo felakinoox, doon teen xeef a Isra’el tigi kam ee kam of,

Heseki’el 14:21

Keeke o Yaal oxe na refkaa boo faw a layu: «Ke ɓisiiduuma taamaala nahik maak ke mi fop oo ndefna: Xire, biim, ƥaaɓaan soxodu fa piste took Yeerusaleem, ndax um saŋik teen wiin we fo cegel ke,

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Yeremi 24:10

Xam hebliid took den xire, biim fa piste, boo yaa da moockaa no saax lene ci’uuma a den, den fo daan we den.»

Mbeeñil 18:10

Xan a mbod koƭu, yaam a saɗaraa coono ke teeru feene a gomkaa. Kaa mbugko layaa yee: «Ndaw sabab! Koo ndaw sabab! E koon Babilon fa maak, teeru fa mayu katil fee! Waxtu fa leng kut a deyaang ndax o xawel.»

Amos 5:16

Ten taxu, keeke o Yaal oxe Roog fee Hupna fop refna o Yaal es a layu: «Xan xa paɗax a njibit muu refna, a coytax a refat simnir. Xan o qooxoox sax a xurel, a geƈ helaar um, a xaaraandik, we a coytax a refna calel den a simel xa paɗax.

Yeremi 30:7

Ndaw naqad! Ñaal nene a jaaxɗandta, jegee lakas naa nandna fo ten. Jamaane naqad oo na Yakoob, ndaa xan a muc teen.»

Yeremi 16:4

Xan a nqonit no jir waawar. Nqaaraandkaand too ngaskaand. Xan a ndefik tosir lanq ke. Xan a pattel laƥ fo biim, soo xa tal den a ndef ñaamel a tud ake fo ƥaaɓaan ke.»

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 9:1

Ndi an na ci’kaxam na koƥ-a-ƥor alaa o daland no ñaañaaƴ? Yaaga xaƴkoogaam xeet es soo goƭ a den, mi o Yaal oxe, yaam den fop seeseeq a ndefu, a yaj no hoohod.

Esayi 58:1

O Yaal oxe kaa tee: «Falalooxi a maak, fañ o waas. Fat o ñuxur of a nannoox koƭu nen fangax a luuƥ. Yegni xeet es njofaƭar den, andnoor we no mbind Yakoob pakaad den.

A lim ale 24:10

Balak a fuuxana a Balam ƭomu, a foxrand xa ƥay um, a layin ee: «Um ɓisiidong mene, ndax o salooxanaam fañ es, soo o dek barke a den a caf a tadak.

Yeremi 42:22

Andeenoo a paax ndiiki: Xan laƥ mbaat biim mbaat piste a saŋkit a nuun me nu mbugna o ndet, ndax nu laqook maaga.»

Heseki’el 6:10

Ten taxu xan da and ee mi refu o Yaal oxe too xa koɓong taxee um lay a den ee xam doon a den taamaala feene.

Heseki’el 7:12

Hap fee xe garaa, bes fee a matiidaa! Baa o ciijik oxe a felakinoox, baa o ciijikax oxe a ɗomatoox, yaam fuux ɗomu le a biltooxana faan le na teeru fee.

Heseki’el 7:15

«Laƥ ne xe tafil, soo piste fo biim a ndef kam. Oxe na refkaa na koƥ ale, xan laƥ a ñaamin, oxe na refkaa kam teeru fee, xan biim fa piste a saŋkin.

Heseki’el 21:19

Wo fee o ƥiy no kiin, jo’tanaam too foxoox! Yaam laƥ ne xan a xaw a caf a ƭak boo na tadak. Laƥ naa na waraa yoo, laƥ naa na fi’aa boom, na raxaa a den.

Heseki’el 33:27

Fat o lay a den ee: Keeke o Yaal oxe na refkaa boo faw a layu: Ne ta wooritna yee mexe ñoowaa, mi o Yaal oxe, neene a woortu yee we ndefna kam kefatin ke, xan laƥ a ñaam a den, oxe refna na koƥ o njende, um ɓoxotin ƥaaɓaan ke da muudoorin, soo we ndefna na ƥil ake fo no luf ke a nqonit na piste.