Heseki’el 6:10 - NQAARIIT NE ROOG

¹⁰ Ten taxu xan da and ee mi refu o Yaal oxe too xa koɓong taxee um lay a den ee xam doon a den taamaala feene.

Heseki’el 6:10 Referans Kwoze

Dañel 9:12

Fadnaa ke yegnit’oona took in fo took kelfa ke ƭoxoogna a in, ɓisiid a in taamaala fa maak kam Yeerusaleem, too fa nandu neene mosee jeg sen took lanq ke.

Yeremi 44:28

Leng-leng soom na ƥostooxkaa no laƥ ne, a nomtoortiid no saax le Misira, a ndet Yudaa. Maaga, wiin weene fop yoqna no Yuuyudaa we laqooxiid’ina no saax le Misira xan a and fa lay fum na fadnooxkaa, fee mi mbaat fee den.

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

Heseki’el 6:7

Xan wiin nuun a yen a nqon, too xan nu and ee mi refu o Yaal oxe.

Heseki’el 6:9

Maaga, yoqatin weene na nuun xan a mbetandoortaam ndeer qeet ke da ƥiskeel took o hup doole, mi fee gefna xeeñ den seeseeq le fesaxama a cinj fo a kid den a seeseeq ake ngaanna no pangool ke den. Saɗkatee o mbadraa a kid yaam paaxeer ke da mbi’na fo cednooxu ke den fop.

Heseki’el 6:11

Keeke layum, mi o Yaal oxe na refkaa boo faw: Foxrandi xa ƥay of, dukoox a caf of soo lay ee ‹ey›, took cednooxu soxodu ke no mbind Isra’el fop na nqonkaa na xire, no biim fo na piste.

Heseki’el 12:25

Mi refu o Yaal oxe. Kuu layuuma xan a fadnoox too gulooxkee. Na pe ake nuun, nuun xeet fa mbaafañ fee, xam lay soo fadnin. Mi o Yaal oxe na refkaa boo faw layun.»

Heseki’el 5:13

Fuux es xan a ret boo a fag tak. Xan fuux es a biltoox took den, um rabdinoox, too xan da and ee mi o Yaal oxe layu kam naal es, ret boo paang fuux es took den.

Heseki’el 22:14

Ndax xan njambaar of a maadaa? Ndax xa ƥay of xan a saƭik a koom alaa um inooxankang? Mi o Yaal oxe layun too xam fadnin.