Heseki’el 5:8 - NQAARIIT NE ROOG

⁸ no keene, keeke layum, mi o Yaal oxe na refkaa boo faw: Xam geleerooxan a nuun itam. Xam dalin hate es a ndeer nuun, na kid no qeet lakas ke.

Heseki’el 5:8 Referans Kwoze

Heseki’el 15:7

Xam inooxan a den. A sutoora na fiɗel le, ndaa fiɗel xan a raaɓ a den. Maaga, xan nu and ee mi refu o Yaal oxe, yaa um inooxankaa a den.

Yeremi 24:9

Neene, maat ke na adna fee fop xan a ndiid, a njaq, yaa da nga’na a den. Xan a ndef benir fo naxoor, calat fo saloor no fo mbiñ ne um pasarkaa a den fop.

Heseki’el 21:3

Fat o lay suungaan le no ɓemb-roog o ñamaak ee: Nan-gilooxi fa lay fee no Yaal oxe! Keeke o Yaal oxe na refkaa boo faw a layu: Mexe heƥandaa kam of fiɗel laa na raaɓkaa me wo ndaxar nquƥu nuu refna fo ndaxar mbeeru nuu refna. Ƈulfaan ne na aal ake ñufkee, too mukit fuu refna xan a ñaastel teen, a xotit no ɓemb-roog o ñamaak boo no janoon.

Yeremi 21:13

Mi yoo nuun oo, nuun we ngenna took ɓil fodru le garitna o saawit ole took. Cey, nuun we na layaa yee: ‹An na fudooxkaa, a songiid a in? An na rokkaa no kenand ke in?›

Yeremi 21:5

Mi fa xoox es, xam ñoxorit fa nuun o ɓay o daawu fo a naax a cegu doole, kam fuux, o say fo ngañak.

Mace 22:7

O maad oxaa a fuuxa, too a lula dag um ndax da mbarik wiin faaxeer waaga, soo a ndox teeru faa den.

Heseki’el 39:1

«Wo fee o ƥiy no kiin, jo’tanaam a Gog ee: Keeke o Yaal oxe na refkaa boo faw a layu: Xam ɓekong o ɓay, wo Gog fee o kelwaar o maak oxe Mesek fa Tubal.

Heseki’el 35:3

Fat o lay ee: Keeke o Yaal oxe na refkaa boo faw a layu: Wo o joong ole Seyiir, xam ɓekong o ɓay. Mexe letnaa o ɓay es took of too xam yungandong, fi’ong o mbiñ o mbootu.

Heseki’el 28:22

Fat o lay ee: Keeke o Yaal oxe na refkaa boo faw a layu: Xam ɓekong o ɓay, wo Sidoŋ! Xam ɓoxotel o ndam a ndeer of. Xan ta and ee mi refu o Yaal oxe, yaa um fadinkaa kate es took um soo feeñil teen o tedel es.

Heseki’el 11:9

Xam sut a nuun teeru fee, ɓoxot a nuun na xa ƥay no genar soo fadin kate es took nuun.

A ƭomatax ake 3:3

Kaa xawaxam, a xawatinaxam ñaal oo ñaal.

A ƭomatax ake 2:5

O Yaal oxe kaa reeƭu nen o pañ. A gefa a Isra’el tuƈ, a yaq pind no maad ke ten, a jiƭit saŋe ke ten, a mayƭand a Yudaa fo ƭomatax fo xa iin.

Yeremi 50:7

Fop we nqetoogna fa den, a listooga a den, too fañ we den kaa layoogu yee: ‹I mbi’ee pariƴ leng, yaam kaa tooñ o Yaal oxe, ngenand ne no cofel ole, o Yaal oxe refna yaakaar no daan den.›

A cangatin ale 29:20

Xan o Yaal oxe a xaajin fo a carind ake Isra’el fop, a doonin naqad, a reefandin na salax ake fop no ngiɓoor ne bindeena kam safe lene no kebil ke.»

Heseki’el 5:15

Xan o ref o mbiñ onqaa niwaƭareena, soo a weneel, o njapil o ƭeetoor fo kaa na diidlandaa na saax ake mbidoonga, yaa um fadinkaa took of kate es fo fuux ɗomu es fo a qaw akaa yoonna fo ngañak. Mi o Yaal oxe layun.

Heseki’el 13:8

Ten taxu keeke o Yaal oxe na refkaa boo faw a layu: Feek fa lay nuun xa koɓong xa ƥor a refu, soo peeñil ke nuun a ndef xa maaƥ xa ƥor, xam inooxan a nuun. Mi o Yaal oxe na refkaa boo faw layun.

Heseki’el 30:19

Xam fadin kate es took Misira, too xan da and ee mi refu o Yaal oxe.»

Heseki’el 34:10

Keeke layum, mi o Yaal oxe na refkaa boo faw: Xam ɓek gaynaak weene o ɓay. Xam suud paal ke mi na xa ƥay den, xaƴkatiim a den da ndef ɗooɗox, a ƭoxaa a qoox den. Xam suqit paal ke mi no don den, too ndefkatee ñaamel den.

Nahum 2:13

Njogoy ne kaa listanoogu xa ƥeem, a waranaa cogoy ƥasil ke ten. Kaa mayƭandoogu nqanq ne ten fo tame-dame, ngenand ne ten, ta yipin a tegeƴ a ƥor.

Heseki’el 16:41

Xan a ndox pind ke wo, a layoor fa wo na kid no rew mayu. Xam ñuf njaga ne wo, too me ta refna cooxitkatiro ndabid.