Heseki’el 5:6 - NQAARIIT NE ROOG

⁶ Kaa nanaƭaran kebil es fo kañaan naa hupna ne no qeet lakas ke, a ɗap bargal es kupu a saax ake mbiduuna, yaam we ngenna teen kaa nqeef kebil es too ndeefee bargal es.

Heseki’el 5:6 Referans Kwoze

Yeremi 11:10

A nomtooxa no tooñ ke no daan feraand we den mbañ’ina o nan-giloox fa lay es. Kaa ngiɓoor fo roog lakas, ndax da mbaɗoox a den. Wiin we Isra’el fo we Yudaa a ƭega ngiɓoor ne mi dalin’uuma fo daan den.»

Sakari 7:11

Kaa koy, a mbaña o nan-giloox, a nquun soo a sux nof den, ndax nankee.

Yeremi 8:5

Xar taxu xeet fene na Yeerusaleem a ƭap a ƭat ale, a moƴ o mudaa no ngore’aƭar? Kaa da saaƭoox no naanaxir, a mbañ o nomtooxiid me mi.

A kim a tedu ke 78:10

Ngay’ee ngiɓoor ne Roog soo a mbañ o ndeef kebil um.

Yudaa 1:4

Yaam wiin soxodu leng-leng a yoroxlooxiida kam in, waa andoona yee a qaw den a miña o yegnitel kam a Pind a Tedu ke. Kaa ngimaƭar, a softaa yirmande fee Roog caasaay, soo a nqañaa a Yeesu Kiristaa fee o Yaal in refna Kelfa fa leng kut in.

1 Korint 5:1

A jega ceeq naa um nanaa a ndeer nuun. O ñoowooƭ o nandu neene, we andeerna a Roog sax saqkiran, yaam a reta boo o leng na nuun a geekataa o tew faap um.

Heseki’el 16:51

Samari o mat fi’ee genwal no pakaad ke wo. Cednooxu ke wo moƴu o may fuuf ke ten, too cednooxu ke fi’oona fop kaa nand wee ndax xa teɓ of kaa njof.

Yeremi 9:6

Ten taxu keeke o Yaal oxe Hupna fop a layu: «Xam naayin a den nen njelem soo ɗeetloox a den, yaam xar helum o fi’an lakas a xeet es?

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

A kim a tedu ke 106:20

A softa a Roog fee o ndam den o daaƴ nqoox naa na ñaamaa daaƭ.

A sutax ale 16:28

Maaga, o Yaal oxe a laya a Moyiis ee: «Kaa nu mbugko ƭapaa kebil ke mi fo bargal ke mi boo a mban?

2 Maad we 21:9

Kaa koy, xeet fee Yudaa nananee o Yaal oxe, too Manaase a mo’noora a den bo da mbi kaa moƴna o faaxaƭar ke qeet ke o Yaal oxe a raadin’ina mbaambir Ii-isra’el we a mbi’’ina.

2 Maad we 21:11

«Feek Manaase fee o maad Yudaa a fi’a cednooxu keene, a fi kaa moƴna o faaxaƭar ke Aa-amori we a mbi’’ina yaaga fop soo a bakaadnoorit itam wiin we Yudaa pangool ke ten,

Nehemi 9:34

Maad in fo kelfa in, saasadax in fo daan in ndeefee a cangin of too nan-gilooxee kebil of fo a maƭax ake maƭooxoogoona a den.

Nehemi 9:35

Ke da ndeeƭna no maat den fop oo fo na baneex fa maak fee ci’’oona a den fo kam saax yaaju le naatna ɓoxot’oona a den, ndagooxirang too mbesee a pi a paaxeer ake den a cinj.

Heseki’el 11:12

Maaga, xan nu and ee mi refu o Yaal oxe. Nu ndeefee kebil es too nu ngayee bargal es, ndax ndeefaa o mbaax onqe no qeet ke mbidna a nuun.»

Dañel 9:5

i mbakaada, tooñ, soxod, siiknoor fa wo soo mbes a cinj kebil of fo bargal of.

Dañel 9:8

O Yaal oxe, seeƈaar in a jaga fa in, in fo maad we in fo kelfa ke in fo daan we in, yaam kaa i tooñong.

Dañel 9:15

Ndiiki koy, wo o Yaal oxe Roog in, wo fee sutitna xeet of no saax laa Misira fo o ɓay o mayu katil ole wo boo a tax gon of a layteel boo xaye, i mbakaada, tooñong.