Heseki’el 5:2 - NQAARIIT NE ROOG

² Doxi teen a qaaj a tadkandeer ale na fiɗel a ndeer ee ndeer teeru fee, yaa ñaal ke no song le a mbadnooxkaa. Xoti teen a leng na qaaj a tadak ake, xawtin laƥ ne me widna teeru fee, pasar leng na qaaj a tadak ake no nqeñ ne, too xam daabtin laƥ.

Heseki’el 5:2 Referans Kwoze

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

Heseki’el 12:14

We ndeeruuna fop koy fo yeeyetax we ten fo a yaj ake ten xam pasar a den no nqeñ ne soo daabit a den laƥ.

Yeremi 15:2

A laamtangaang ee: ‹Mam i njofkaa?› fat o doon a den ee: Keeke o Yaal oxe a layu: Fat oxe lafooxaneena fa nqon, a jof na fa nqon, oxe lafooxaneena laƥ, a jof no laƥ, oxe lafooxaneena biim, a jof no biim oxe lafooxaneena mbaƭ, a jof no mbaƭ.»

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»

Yeremi 38:2

«Keeke o Yaal oxe a layu: ‹Oxe na yoqkaa kam teeru fene xan laƥ mbaat biim mbaat piste a ñaamin, ndaa oxe na sutooxkaa, ndax ta ɓoxotoox no Kaakalde we, xan a ñoow, a mucil o ñis um tan-tan!›

Yeremi 24:10

Xam hebliid took den xire, biim fa piste, boo yaa da moockaa no saax lene ci’uuma a den, den fo daan we den.»

Yeremi 13:24

Mi o Yaal oxe itam, xam pasar a nuun nen boob laa a qeñ ale na koƥ-a-ƥor ale a maƥna.

Yeremi 39:1

No hiid o ɓetuu nahkandeer ole no maat Sedekiya fee o maad Yudaa, no nqool xarɓaxayandeer onqe, Nebukadnesaar fee o maad oxe Babilon a gara fo xiixire um fop mbaambir Yeerusaleem, a mbidin o kurul-keƥ.

Yeremi 39:2

No hiid xarɓaxay fo o hiid o lengandeer ole no maat Sedekiya, no ñaal ɓetuu nahkandeer ne no nqool o nahkandeer onqe, o gur a sexe no saŋe ne na teeru fee.

Heseki’el 5:3

Xan o watin teen kaa jaakeerna, fofin no noflax ndoki of.

Heseki’el 5:10

Ten taxu xan paap ke a ñaamaa xa ƥiy den a ndeer of, soo xa ƥiy axe a ñaamaa paap den. Xam dalin hate es took of soo pasar no nqeñ ne we na yoqkaa na wo.

Heseki’el 17:21

We na yaj ake ten fop ƈufna xan laƥ a ñaam a den, soo we na yoqkaa a pasarel muu refna. Maaga, xan nu and ee mi o Yaal oxe layu.»

Sakari 13:8

Maaga, a seek a ƭak no we ngenna no saax lene xan a mbarel, boo ta yoq a seek a leng koŋ. Mi o Yaal oxe layun.

Yeremi 9:15

Xam pasar a den a ndeer qeet kaa da and’eerna, den oo daan den oo, soo hebil da ndaabtel laƥ boo yaa um moocandkaa a den.»

Amos 9:4

A ngooknooxangaa mbaambir no fañ den, a njaɓ o ndefik faɗ ndax mbarkaand, xam hebil fañ we da lakan a den laƥ ke. Boo a kid es a ndoonooxna took den, paax taxiran, ƭomu soom taxun.»