Heseki’el 5:12 - NQAARIIT NE ROOG

¹² A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

Heseki’el 5:12 Referans Kwoze

Heseki’el 5:2

Doxi teen a qaaj a tadkandeer ale na fiɗel a ndeer ee ndeer teeru fee, yaa ñaal ke no song le a mbadnooxkaa. Xoti teen a leng na qaaj a tadak ake, xawtin laƥ ne me widna teeru fee, pasar leng na qaaj a tadak ake no nqeñ ne, too xam daabtin laƥ.

Yeremi 15:2

A laamtangaang ee: ‹Mam i njofkaa?› fat o doon a den ee: Keeke o Yaal oxe a layu: Fat oxe lafooxaneena fa nqon, a jof na fa nqon, oxe lafooxaneena laƥ, a jof no laƥ, oxe lafooxaneena biim, a jof no biim oxe lafooxaneena mbaƭ, a jof no mbaƭ.»

Heseki’el 12:14

We ndeeruuna fop koy fo yeeyetax we ten fo a yaj ake ten xam pasar a den no nqeñ ne soo daabit a den laƥ.

Yeremi 21:9

Oxuu maadna o genaa kam teeru fene, laƥ mbaat biim mbaat piste na warkan, ndaa oxuu sutooxna soo a ɓoxotoox no Kaakalde we ƥiikilna a nuun, xan a ñoow, a mucil o ñis um tan-tan.

Heseki’el 5:10

Ten taxu xan paap ke a ñaamaa xa ƥiy den a ndeer of, soo xa ƥiy axe a ñaamaa paap den. Xam dalin hate es took of soo pasar no nqeñ ne we na yoqkaa na wo.

Yeremi 44:27

Nga’angyo, xam fexeyan a nuun, ndax um doon a nuun taamaala ee baneex. Yuuyudaa we fop ndefna no saax le Misira, xan laƥ fo biim a saŋik a den boo da mooc.

Sakari 7:14

Pasaraam a den a ndeer qeet ke da and’eerna fop, da nqaƴ a cinj den saax laa wootatna, too o leng retoogatee a garaa teen. A mbi’a saax felu leene a koƥ-a-ƥor.»

Amos 9:4

A ngooknooxangaa mbaambir no fañ den, a njaɓ o ndefik faɗ ndax mbarkaand, xam hebil fañ we da lakan a den laƥ ke. Boo a kid es a ndoonooxna took den, paax taxiran, ƭomu soom taxun.»

Heseki’el 6:8

Kaa koy, yaa nu pasarkeel na saax a pogreer xam xaƴan a nuun yoqatin, waa mucitna na xire.

Heseki’el 5:17

Xam hebliid took nuun biim fo ƥaaɓaan na saŋikkaa xa ƥiy nuun boo da mbag tak. Piste fee fo fo’oy le xan a ndeef a ndeer of. Xam hebliid xire fee took of. Mi o Yaal oxe layun.»

Yeremi 42:22

Andeenoo a paax ndiiki: Xan laƥ mbaat biim mbaat piste a saŋkit a nuun me nu mbugna o ndet, ndax nu laqook maaga.»

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»

A cangatin ale 28:65

Nu njegkee jam a ndeer qeet keene, too nu njegkee sen maa nu yaadoorna. Xan o Yaal oxe a fagiɗ kam nuun, a kid nuun a niifaar, xa laaw nuun a ndalaƭar.

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

Mbeeñil 6:8

Ɗeetaam too ga’aam pis bari siindiin. Oxe ŋaayuuna, fa nqon a ne’e, soo jaaniif a reefanin. A coox’e sañ-sañ na qaaj a nahkandeer ale no lanq ke, ndax ta saŋkit wiin we laƥ fo biim fa piste fo na pexey ƥaaɓaan ke no lanq ke.

Yeremi 13:24

Mi o Yaal oxe itam, xam pasar a nuun nen boob laa a qeñ ale na koƥ-a-ƥor ale a maƥna.

Yeremi 24:10

Xam hebliid took den xire, biim fa piste, boo yaa da moockaa no saax lene ci’uuma a den, den fo daan we den.»

Heseki’el 7:15

«Laƥ ne xe tafil, soo piste fo biim a ndef kam. Oxe na refkaa na koƥ ale, xan laƥ a ñaamin, oxe na refkaa kam teeru fee, xan biim fa piste a saŋkin.

Heseki’el 14:17

Mbaat toox um ɓisiid’angaa xire took saax leene soo hebil’u laƥ ne ta wid saax le, um suud’angaa teen wiin we fo cegel ke,

Heseki’el 14:19

Mbaat toox um hebliid’angaa piste kam saax leene soo bilit fuux ɗomu le mi took um na pexey fa nqon fee, ndax um suud teen wiin we fo cegel ke,

Heseki’el 33:27

Fat o lay a den ee: Keeke o Yaal oxe na refkaa boo faw a layu: Ne ta wooritna yee mexe ñoowaa, mi o Yaal oxe, neene a woortu yee we ndefna kam kefatin ke, xan laƥ a ñaam a den, oxe refna na koƥ o njende, um ɓoxotin ƥaaɓaan ke da muudoorin, soo we ndefna na ƥil ake fo no luf ke a nqonit na piste.

Heseki’el 36:19

Pasaraam a den a ndeer qeet ke, too a picte na saax a pogreer. Hate’aam a den na pesoorooƭ den fo na pi den.

Amos 9:9

Xam hebil mbind Isra’el a pasarel ndeer qeet ke, ne kaaf a mbiɗteel, too o ngac o leng yuurkee.

Esayi 1:24

Ten taxu o Yaal oxe na refkaa boo faw Hupna fop, a ref o Cegu doole xe Isra’el, kaa tee: «Xan fuux es a jeg ne ta bugna no noon we mi, too xam rabdinoox no fañ we mi.

Yeremi 9:15

Xam pasar a den a ndeer qeet kaa da and’eerna, den oo daan den oo, soo hebil da ndaabtel laƥ boo yaa um moocandkaa a den.»

Yeremi 14:12

A ngoorangaa sax, nan-gilooxkiim a ƈufginax den. A ƥoxotangaam sadax toxel fo sadax tuufe-duufe sax, taxkee da mbelaam, yaam mi xam saŋkit a den laƥ, biim fa piste.»

Yeremi 15:9

Yaay fee rim’ina xa ƥiy xa koor ɓetaa ƭaq a ŋeesooxa, a ososaa. Njeeƈ um a muda njoloor. A seda ɓot soo a seeƈaar. We yoqna na xeet fee koy, xam ɓoxot a den da saŋkitel laƥ na kid no fañ den.» O Yaal oxe layun.

Heseki’el 7:3

Ndiiki muukandoong ne xe garaa took of. Xam hebliid fuux es took of, hate’ong na pesorooƭ of soo sufong cednooxu ke wo fop.

Heseki’el 14:21

Keeke o Yaal oxe na refkaa boo faw a layu: «Ke ɓisiiduuma taamaala nahik maak ke mi fop oo ndefna: Xire, biim, ƥaaɓaan soxodu fa piste took Yeerusaleem, ndax um saŋik teen wiin we fo cegel ke,

Heseki’el 16:42

Xam ɓoosdand fuux es took of, too xan naal es a goƭong. Xam ɓoos, fuuxkatiim.

Heseki’el 21:22

Mi o mat, xam foxaa, too xan fuux es a jeg ne ta bugna. Mi o Yaal oxe layun.»

Heseki’el 24:13

Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Heseki’el 43:8

Kaa ndoonoogu peg ne den paam peg ne mi, a toodook ake na xa ton-maax axe den paam ake na xa ton-maax axe mi, too saŋe leng kut rok’u a ndeer es fa den. Neene, a nqoolaƭarandta gon tedu le mi cednooxu ke da mbi’na. Ten taxu sooynitaam a den fuux le mi.