Heseki’el 5:11 - NQAARIIT NE ROOG

¹¹ Ten taxu ne ta wooritna yee mexe ñoowaa, mi o Yaal oxe na refkaa boo faw kaam ee: Feek kaa nu nqoolaƭarandit o mbiñ o tedu nqe mi cakalaaru ke nuun fop fo cednooxu ke nuun fop, mi itam xam seeƭ a nuun too yirimkiim a nuun, wuuskiim a nuun.

Heseki’el 5:11 Referans Kwoze

Heseki’el 7:20

Kelax den kaa mbi’in ka’atinoor. A njala teen nitaal roog cakalaaru ke den, nitaal cednooxu ke den. Ten taxu xam fi ta refat na den ƭaaq.

Heseki’el 11:18

Xan a ndok teen soo a mbatin cakalaaru ke fop fo cednooxu ke fop.

Heseki’el 7:9

A ngid es yirimkirang too wuuskiroong. Xam gadnong a pesorooƭ of, cednooxu ke wo a ngen a ndeer of. Maaga, xan nu and ee mi refu o Yaal oxe, oxe na xawaa.

Heseki’el 7:4

A kid es yirimkirang too wuuskiroong, ndaa xam sufong a ƭat ake wo, cednooxu ke wo a ngen a ndeer of. Maaga, xan nu and ee mi refu o Yaal oxe.»

2 Caloori ke 36:14

Aa-adax we no saasadax we fop fa xeet faa kaa moƴ’u o ngore’aƭaraa, a ndeefaa a pi a cednooxu ke no qeet lakas ke. A nqoolaƭaranda Mbind ne no Yaal oxe kam Yeerusaleem ta tedland’ina.

Heseki’el 24:14

Mi o Yaal oxe kaam ee keene xan a xew too xam fadnin, dakooxkiim teen a cinj too yirimkiim mbaat um ricoox. Xan o hate’el na pesoorooƭ of fo na pi of. Mi o Yaal oxe na refkaa boo faw layun.»

Heseki’el 11:21

Kaa koy, we xeeñ den a saaƭooxna no cakalaaru ke fo cednooxu ke o mat, xam gadin a den a pi den. Mi o Yaal oxe na refkaa boo faw layun.»

Heseki’el 9:10

Mi itam, yirimkiim a den too wuuskiim a den. Xam gadin a den a pi den.»

Heseki’el 9:5

Cinj kaaga, nanaam ta layaa lakas we yee: «Ndeefaamoo kam teeru fee soo nqaw! Ba a kid nuun a yirim too ba nu mbuus!

Heseki’el 8:18

Mi itam xam fesoor fo fuux, a ngid es yirimkee a den too wuuskiim a den. A mbalalooxangaa no nof es, nan-gilooxkiim a den.»

Heseki’el 8:16

Maaga, a ɓisaxam farna fo o maax-kam olaa no Mbind ne no Yaal oxe. No ndokand ne no Mbind ne no Yaal oxe, ndeer o ndambalaan onqe fo o sadaxand ole, a jeg’a ngap goor qarɓeen ƭik fo goor ɓetuk waa mbes’ina Mbind ne no Yaal oxe ndiiñ, a ngung farna fo batand, a mbaambir fo njeeƈ ne.

A ƭomatax ake 2:21

Xa caaƈ axe fo nogoy we we luuñaa a lanq no ped ke. Laƥ ne a luƈta fo njaaƈ fo ndoog ne mi fo mbes ke mi. A koom ale fo fuux le wo, waraa, xiris too yirmiro dara.

Yeremi 16:18

Xam eet o rabid a den boo a caf a ƭak tooñ den fo pakaad den, yaam kaa maasandit saax le mi nitaal cakalaaru qonu ke den soo a mayƭandit mbaaxaan ne mi roog tefee ndigil cednooxu ke den.»

Hebre 6:13

Ye Roog a cooxaa a Abraham a tegit ale, a yoonandit’aan a taaƥ. Ne ta jeg’eerna o lakas oxaa hupuuna, too ta war’un o daaɓoox, a daaɓoorta a xoox um.

O leetar ole Pool a bindna GIMU WE NGENNA ROM 11:21

yaam boo Roog a wuuseerna Yaawuur we ndefna a naaq ŋaƈit ake, yaaga wuuskirang wo o mat oo.

O leetar ole Pool a bindna GIMU WE NGENNA ROM 11:12

Ii, boo njom ne den a refanna adna fa muum o njiriiñ no kaa jofna na Roog, soo a neewand ale da neewandeena a refan we ndefeerna Yaawuur o njiriiñ, kaam ee nam o njiriiñ onqeene a fodkaa yaa da nomtooxna na Roog?

O leetar ole Pool a bindna GIMU WE NGENNA ROM 8:32

Roog feene wuusee o Ƥeem, ndaa a ɓoxotaan yaam in fop. Xar na taxkaa boo ci’kee a in, i njeg fop fo ten?

Malaki 3:17

O Yaal oxe Hupna fop kaa tee: Na bes fee um jagandkaa, xan da ndefat o jeg es tigi. Xam fexit a den ne faap a fextaa o ƥeem onqe na jalanan.

Sakari 11:6

Mi yoo yirimkatiim we ngenna na adna fee. Xam hoƥatrand a den, o kiin a gomrik fo o kend um, da yen no ɓay no maad we na toroxandaa a den. Maad weene xan a ngef adna fa muum, too a koom mucilkiim o leng na xa ƥay den. Mi o Yaal oxe layun.»

Amos 8:7

Ten taxu o Yaal oxe a daaɓoorit a xoox um ee: «Weeckiim a leng na pi ake den.

Heseki’el 44:7

Nu ƥeka kam Mbind ne mi xa kataakoon axaa nqucooxeerna na qeeñ den, nqucooxee no cer den, ndax nu maasand Mbind ne mi. Ye nu ƥoxotaxam ñaamel es, neebam fee fo fo’oy le no sadax ke, nu ƭega ngiɓoor ne mi na pexey a pi a cednooxu ke nuun fop.

Heseki’el 29:15

Xan a moƴ o fod maat lakas ke, too garitkatee qeet lakas ke took. Xam wañ a den ndax maadooxkatee took qeet lakas ke.

Heseki’el 23:28

Keeke o Yaal oxe na refkaa boo faw a layu: Ga’angi, xam ɓoxotong na xa ƥay no we fuuxanoona, na xa ƥay no we mbatoonga xus.

Yeremi 44:4

Kaam gen no luliidaa a nuun duleer we dag es ñaal oo ñaal, ndax da lay a nuun ee: ‹Mbaasyo a pi a cednooxu leene sibuuma!›

Yeremi 32:34

A ƥeka nitaal roog cakalaaru ke den kam Mbind ne kesaneema, ndax da nqoolaƭarandin.

Yeremi 10:24

O Yaal oxe, yaraam, ndaa fat a ref no cofel, too baa ref kam fuux of, ndik o yaqaam pic.

A kim a tedu ke 107:39

A mbañooxa soo a neewandtel taamaala fo naqad kaa ndal’ina a den.

A kim a tedu ke 95:11

Kam fuux es daaɓooxaam ee ndokkee muk me da ñootnooritkoogna fa mi.

2 Caloori ke 33:7

A ɓeka nitaal ne na fangool fee ten ta fi’in’ina kam Mbind Roog ne, me Roog a layit’ina a Dawid fa Salomo fee o ƥeem ee: «No mbind neeke fo kam teeru feeke refna Yeerusaleem fee jilooduuma a ndeer a carind ake Isra’el fop bugum gon es a gen boo kili.

2 Caloori ke 33:4

A maxa xa sadaxand xa andand no Mbind ne no Yaal oxe, me o Yaal oxe a lay’ina yee: «Yeerusaleem gon es a genkaa boo faw.»

2 Maad we 23:12

O maad oxe a gefa xa sadaxand axe ndeeƭna took bomb le na ndok-took ale Ahas, too maad we Yudaa a mbi’’u a den. A gefa itam xa sadaxand axe Manaase a fi’in’ina kam xa maax xa ƭaq axe no Mbind ne no Yaal oxe. Cinj ye ta duguñna a den, a bufa kefatin ke fop, a ɓaxik a den na yulanq alaa Kederon.

2 Maad we 21:7

A ɓeka nitaal sexe ne Asera ta fi’in’ina kam Mbind ne o Yaal oxe a layit’ina a Dawid fa Salomo fee o ƥeem ee: «No Mbind neeke fo na teeru feeke refna Yeerusaleem fee jilooduuma a ndeer a carind ake Isra’el fop bugum gon es a gen boo kili.

2 Maad we 21:4

A maxa xa sadaxand xa andand no Mbind ne no Yaal oxe, me o Yaal oxe a lay’ina yee: «Yeerusaleem gon es a genkaa.»

A cangatin ale 29:20

Xan o Yaal oxe a xaajin fo a carind ake Isra’el fop, a doonin naqad, a reefandin na salax ake fop no ngiɓoor ne bindeena kam safe lene no kebil ke.»

A paɗax ale 15:31

Neene, fat nu maƭoox Ii-isra’el we da ngoƭatir fo ke waagna o xoolaƭarand a den, yaam ndik da nqon, yaa da nqoolaƭarandna Ngenand es ne refna a ndeer den.»

Ke bindeena no xe ne’eena YOB 27:22

A yena took um too yirmiran, ta jeemaa o god o joor, ndax ta woñin.

A ƭomatax ake 2:17

O Yaal oxe a fi’a ke ta yuuɓ’ina. A fadna ke ta lay’ina, ke ta fosoox’ina, yaa o leng a andeerna: A yaqa too yirmee dara. A fi’a boo o pañ of a ɗaay, a ci ñaañagadil of o ndam.

Heseki’el 23:38

Keeke a mbi’ahinaxam: A nqoolaƭaranda Mbind tedu ne mi no ñaal leng kut ne, a maasand pes a ñootnax ke mi.

Heseki’el 33:11

Layi a den ee: Ne ta wooritna yee mexe ñoowaa, mi o Yaal oxe na refkaa boo faw layun: O soxodu xe a saŋkoox moƴaniraam, ke buguuma kañ refu yee ta supit a pesoorooƭ soo a muc. Nomtooxiidyo, kaam ee nu nqaƴ a ƭat a paaxeer ake nuun. Ndi xar taxu nu mbug o nqon, nuun mbind Isra’el?

Heseki’el 5:7

Ten taxu keeke layum, mi o Yaal oxe na refkaa boo faw: Feek kaa nu moƴ o siiknoorel ee qeet ke mbidna a nuun, yaam ne nu ñaaƴeerna no bargal es too nu mbadnee kebil es, a pesoorooƭ no qeet ke mbidna a nuun sax moƴu ake nuun,

Heseki’el 8:15

A layaxam ee: «Wo fee o ƥiy no kiin, ndax ga’aa? Xan o ga’ahin cednooxu maak kaa ngupna keeke.»

Heseki’el 23:39

Ye da sadaxna xa ƥiy xa koor axe den nitaal pangool ke den, a ndoka no Mbind tedu ne mi no ñaal leng kut ne, ndax da maasandin. Keene o mat a mbi’u kam Mbind ne mi.

Heseki’el 43:8

Kaa ndoonoogu peg ne den paam peg ne mi, a toodook ake na xa ton-maax axe den paam ake na xa ton-maax axe mi, too saŋe leng kut rok’u a ndeer es fa den. Neene, a nqoolaƭarandta gon tedu le mi cednooxu ke da mbi’na. Ten taxu sooynitaam a den fuux le mi.