Heseki’el 5:10 - NQAARIIT NE ROOG

¹⁰ Ten taxu xan paap ke a ñaamaa xa ƥiy den a ndeer of, soo xa ƥiy axe a ñaamaa paap den. Xam dalin hate es took of soo pasar no nqeñ ne we na yoqkaa na wo.

Heseki’el 5:10 Referans Kwoze

Sakari 2:6

Laamtaanum ee: «Mam o jofaa?» A doonaxam ee: «Kaam liiƥkaa a Yeerusaleem, ndax um and ne o yaajel um fo o cigdel um a mbodkaa.»

Heseki’el 12:14

We ndeeruuna fop koy fo yeeyetax we ten fo a yaj ake ten xam pasar a den no nqeñ ne soo daabit a den laƥ.

Yeremi 19:9

Xam ñaamnoor we ngenna na teeru fee cer na xa ƥiy xa koor axe fo na xa tew axe den, too xan a ƈaxraa a ndeer den, kam naqad fee fo o ñaat ole fañ den fo we mbugna njang o ñis den a ƥekkaa a den.

A cangatin ale 28:64

soo o Yaal oxe a pasar a nuun a ndeer qeet ke fop, xotitna no cat adna boo no cat lakas. Xan nu ndagooxaa maaga roog lakas kaa nu andeerna, daan nuun and’iran, roog kaa ndefna a teex fo a ƥil.

A paɗax ale 26:29

Xan nu ñaamaa cer na xa ƥiy nuun.

Heseki’el 36:19

Pasaraam a den a ndeer qeet ke, too a picte na saax a pogreer. Hate’aam a den na pesoorooƭ den fo na pi den.

Heseki’el 5:2

Doxi teen a qaaj a tadkandeer ale na fiɗel a ndeer ee ndeer teeru fee, yaa ñaal ke no song le a mbadnooxkaa. Xoti teen a leng na qaaj a tadak ake, xawtin laƥ ne me widna teeru fee, pasar leng na qaaj a tadak ake no nqeñ ne, too xam daabtin laƥ.

A kim a tedu ke 44:11

Wo taxu i nomtoox a cinj mbaambir fañ in, soo da ñof o ƥerexiid, a mbuf o jeg in.

Sakari 7:14

Pasaraam a den a ndeer qeet ke da and’eerna fop, da nqaƴ a cinj den saax laa wootatna, too o leng retoogatee a garaa teen. A mbi’a saax felu leene a koƥ-a-ƥor.»

Amos 9:9

Xam hebil mbind Isra’el a pasarel ndeer qeet ke, ne kaaf a mbiɗteel, too o ngac o leng yuurkee.

Heseki’el 22:15

Xam pasarong a ndeer qeet ke, pictong a ndeer a saax ake soo watin qac qoolaƭaru ke a ndeer of.

Heseki’el 6:8

Kaa koy, yaa nu pasarkeel na saax a pogreer xam xaƴan a nuun yoqatin, waa mucitna na xire.

Heseki’el 5:12

A qaaj a tadkandeer ale na nuun xan a nqon na piste, mbaat biim a saŋik a nuun a ndeer teeru fee. A qaaj a tadkandeer ale na nuun xan a nqon na xire fee me widna teeru fee, soo a qaaj a tadkandeer ale na nuun um pasar a den, soo daabit a den laƥ ne.

A ƭomatax ake 4:10

Ke yaay ke a njegna o liir fop oo, a mbaƴna xa ƥiy den, da ndefat ñaamel den, ye fo njakad onqe na xeet es.

A ƭomatax ake 2:20

O Yaal oxe, ɗeetangi too ga oxe o fesoortaa neene. Rew a ndeta boo a ñaam xa ƥiy axe ngatna no laaw den, xa caaƈ axaa da njeg’ina o liir na den. Saasadax fo duleer a mbarte kam Mbind tedu ne no Yaal oxe.

Yeremi 9:16

Keeke o Yaal oxe Hupna fop a layu: «Nqalaatyo a paax ke layuuma! Nqoyyo rew we na ƭomatooxaa, da ngar! Nqoyniidyo rew waane’u we!»

A paɗax ale 26:33

Xam picit a nuun a ndeer qeet lakas ke, ɗiir a nuun fo laƥ. Xan saax le nuun a gefel boo teeru ke nuun a mbes a pec.

YEGIL MBAAX NE YEESU ne Lik a bindtuuna 21:24

Xan a mbartel laƥ, a ƥisel no mbaƭ ndeer qeet ke fop. Xan qeet ke ndefeerna Yaawuur a nduutaa a Yeerusaleem boo yaa waxtu den a fadkaa.»

Heseki’el 20:23

Kam a koƥ-a-ƥor ale, mi o mat daaɓoox’u fa den fo o ɓay es took ee xam pasar a den a ndeer qeet ke, picit a den na saax a pogreer,

Yeremi 50:17

Isra’el kaa reeƭu mbaal mo’u, cogoy ke a ndaxan. O maad oxe Asuur eetun o lisit, soo oxe falakna o duguñaa xa kiiƈ um a ref Nebukadnesaar fee o maad oxe Babilon.

Yeremi 44:12

Xam dam we yoqna na Yudaa mbosooxna o ndet no saax laa Misira, ndax da laqook maaga. Misira a saŋkoorkaa den fop. Xan laƥ mbaat biim a ñaam a den, a xotit no xe moƴna o neew boo no xe moƴna o maak. Kaam ee, xan laƥ mbaat biim a war a den, da ndef saloor, o njaq, qeefel fo cednooxu.

Esayi 49:26

Xam ñaamnoor we na ñagadilang cer a qoox den, da mbay nep fo fo’oy a qoox den ne biiñ fa nqas a waynitaa. Maaga, mbindeef nuu na ñoowaa xan a and ee mi o Yaal oxe, mi refu o Muumucil of fo o baawat of, mi o Cegu doole xe Yakoob.»

Esayi 9:20

Xan a carind ale Manaase a listaa ale Efrayim, a carind ale Efrayim oo a listaa ale Manaase, soo den ɗik fop da tapoor, a song a Yudaa. Kaa koy, keene fop taxkee fuux le no Yaal oxe a ɓoos, too o ɓay um ole yoɗooxa boo fa ndiik.

Nehemi 1:8

Wetandooxi fa lay feeke hebloona a Moyiis fee o tag of, ta daawnitin: ‹Nu ngore’aƭarangaa, xam pasar a nuun a ndeer qeet ke.

2 Maad we 6:29

Maaga, i njawa o ƥees soo ñaamin. No feet olaa koy, ye layanuuma yee: ‹Ɓisiidi o ƥeef, ndax i ñaamin›, a ɗasnaan.»

A cangatin ale 32:26

Waag’aam o maƥit a den haaƭ leng, moocand betandoor den a ndeer no wiin we,

A cangatin ale 4:27

Xan o Yaal oxe a pasar a nuun a ndeer qeet ke, nu ndefat o yoqatin o ndutuuñ na saax ake o Yaal oxe a ɓiskaa a nuun.

Yeremi 13:14

Xam duguñrand a den, faap oo o ƥiy oo. Wuuskiim, yirimkiim o leng, too o liir o leng yaqankiraam o saŋik a den.» O Yaal oxe layun.

Yeremi 49:32

Keeleemb den xan a ngindrel, xa siir xa mayaan axe den a lasrel. Xam feesit a den qeñ ke fop, den we na nduusaa took fee na xa ƭek axe den. Xam ɓisiid taamaala took den, ta inoor o saax oo saax. Mi o Yaal oxe layun.

Yeremi 49:36

Xam ɓisiid took Elam qeñ nahik, da ngatiid no cat nahik ke na asamaan. Xam feesit a den qeñ keene fop. Jegkee xeet fa leng faa ga’keerna we ƈufitna Elam a ndokiidaa me ten.

A ƭomatax ake 4:3

Xa ƥox-a-koƥ axe sax kaa cooxtaa fo ɗeen, a numnaa xa ƥiy den, ndaa rew we na xeet es o mat kaa soxodat boo a ƈaxooxaa na xa ƥiy den, nen a ba ake na koƥ-a-ƥor ale.

Heseki’el 17:21

We na yaj ake ten fop ƈufna xan laƥ a ñaam a den, soo we na yoqkaa a pasarel muu refna. Maaga, xan nu and ee mi o Yaal oxe layu.»

A ƭomatax ake 4:16

O Yaal oxe fa xoox um a pasara a den kam fuux um too bugatee o doon a den a ngid. Saasadax we ci’ataand cer, ne’atiim maak we a niwel.

Heseki’el 12:15

Yaa um pasarkaa a den a ndeer qeet ke soo picit a den kam a saax a lakas ake xan da and ee mi refu o Yaal oxe.

Dañel 9:7

Wo o Yaal oxe, kaa o jof. In o mat, seeƈaar in a jaga fa in, in goor we Yudaa, we ngenna Yeerusaleem fo Ii-isra’el lakas we fop, matu yoo goƭu yoo kam a saax ake rax’oona a in fop yaam ngore’aƭar in na wo.