Heseki’el 48:8 - NQAARIIT NE ROOG

⁸ «Denda fo o ŋat ole Yudaa, no ke xotitna no batand boo no mudand na refkaa a las ale nu mbatinkaa, o yaajel um a fi xa noonoong cuni qarɓeen ƭik fo xa noonoong cuni ƥetik, soo o cigdel ole a fodir fo leng na las ake nqotitna no batand boo no mudand, Mbind Roog ne a ref a ndeer ale.

Heseki’el 48:8 Referans Kwoze

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

Mbeeñil 22:3

A kalak Roog njegkatee. Gamb no maad le Roog fo o Mbaal onqe a njegna kam teeru fee a refkaa, too dag we Roog xan a mbaɗoox a Roog.

Mbeeñil 21:22

Ga’iim Mbind Roog leng kam teeru fee, yaam o Yaal oxe Roog fa njegu katil fee refu Mbind Roog um, ten fo o Mbaal onqe.

Mbeeñil 21:3

Nanaam o ñuxur o maak ta inoor no gamb no maad le, a lay ee: «Ndiiki koy, ngenand ne Roog oxey a ndeer no wiin we! Xan Roog a gen a ndeer den, soo wiin we a ndef xeet um. Roog fa xoox um xan a ref fa den, a ref Roog den.

Kolos 2:9

No ten o mat Roog fo o yaajel um a xawoortu, a refat o kiin.

2 Korint 6:16

Ndi nam ngenand ne Roog a waagu o yoonit fo pangool ke? Yaam in o mat ndefu ngenand Roog fa ñoow jok fee, ne Roog fa xoox um a laytuuna: «Xam gen fa den, i ñaaƴandoor. Mi na refkaa Roog den, da ndef xeet es.»

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Heseki’el 48:21

Ke na yoqkaa o kelwaar oxe na jegkan, na xa saax xa ƭaq axe na qaaj a tedu le fo no ke teeru fee a jegna, lernooxna itam xa noonoong cuni qarɓeen ƭik fo xa noonoong cuni ƥetik axe na qaaj ale watneena boo no ŋat olaa no batand, a lernoox itam xa noonoong cuni qarɓeen ƭik fo xa noonoong cuni ƥetik axe boo no ŋat olaa no mudand, fodirna fo a las ake. O kelwaar oxe na jegkan. A las a tedu le fo Mbind tedu ne Roog xan a ndef a ndeer ale.

Heseki’el 48:9

A las ale nu mbatnankaa o Yaal oxe, o cigdel um xan a ref xa noonoong cuni qarɓeen ƭik fo xa noonoong cuni ƥetik soo o yaajel um a fi xa noonoong cuni xarɓaxay.