Heseki’el 48:21 - NQAARIIT NE ROOG

²¹ Ke na yoqkaa o kelwaar oxe na jegkan, na xa saax xa ƭaq axe na qaaj a tedu le fo no ke teeru fee a jegna, lernooxna itam xa noonoong cuni qarɓeen ƭik fo xa noonoong cuni ƥetik axe na qaaj ale watneena boo no ŋat olaa no batand, a lernoox itam xa noonoong cuni qarɓeen ƭik fo xa noonoong cuni ƥetik axe boo no ŋat olaa no mudand, fodirna fo a las ake. O kelwaar oxe na jegkan. A las a tedu le fo Mbind tedu ne Roog xan a ndef a ndeer ale.

Heseki’el 48:21 Referans Kwoze

Heseki’el 48:22

Ke lernooxna o jeg ole no Leelewi we fo ole na teeru fee, ke o kelwaar oxe a jegkaa xan a ref a ndeer ale, ndeer o ŋat ole Yudaa fo ole Bensame. O kelwaar oxe na jegkan.»

Heseki’el 48:10

Saasadax we na njegkaa a las a tedu lene: Xa noonoong cuni qarɓeen ƭik fo xa noonoong cuni ƥetik no ɓemb-roog o janoon, xa noonoong cuni xarɓaxay o yaajel no mudand, xa noonoong cuni xarɓaxay o yaajel no batand soo xa noonoong cuni qarɓeen ƭik fo xa noonoong cuni ƥetik o cigdel no ɓemb-roog o ñamaak, Mbind ne no Yaal oxe a ref a ndeer ale.

Heseki’el 48:8

«Denda fo o ŋat ole Yudaa, no ke xotitna no batand boo no mudand na refkaa a las ale nu mbatinkaa, o yaajel um a fi xa noonoong cuni qarɓeen ƭik fo xa noonoong cuni ƥetik, soo o cigdel ole a fodir fo leng na las ake nqotitna no batand boo no mudand, Mbind Roog ne a ref a ndeer ale.

Heseki’el 37:24

O tag es Dawid xan a ref o maad den, too xan a njegat o kaynaak o leng kut, ta ref o ten. Xan da nanan kebil es, a ngay ndax da ndeef bargal es.

Heseki’el 48:20

A las a tedu le watneena fop xan a fi xa noonoong cuni qarɓeen ƭik fo xa noonoong cuni ƥetik o saax oo saax. Fat nu mbatin teen a qaaj a nahkandeer ale ta refan teeru fee.