Heseki’el 48:11 - NQAARIIT NE ROOG

¹¹ Saasadax we keseena ndeer xa ƥiy axe Saadok na njegkan, den we topatooxna calel es too mo’ee ye Ii-isra’el we a nduuxna a koƥ, ne Leelewi we a mo’it’ina.

Heseki’el 48:11 Referans Kwoze

Heseki’el 44:10

«No ke jofna no Leelewi we mbaasaxama ye Isra’el a ruuxna a koƥ soo a fesaam ndiiñ ndax ta reef pangool ke ten, xan a ngadoox tooñ den.

Heseki’el 40:46

A ndok ale faambirna no ɓemb-roog o janoon, saasadax we na topatooxaa calel ke no sadaxand ole njegun. Den ndefu xa taan axe Saadok andoona yee ndeer xa taan axe Lewi kaa matiidaa o Yaal oxe ndax da njalanin.»

Mbeeñil 2:10

Ba o diid no ke o ñagadilkeel. Nan-gilooxi: Xan o ƈiƴ oxe a ɗeetloox a nuun. Xan a ɓek leng-leng na nuun kam kaso, too xan nu toroxandel boo ñaal xarɓaxay. Fat o gore boog boo na fa nqon, too xam cooxong o ñoow ole, ta ref o ndip of.

1 Piyeer 5:4

Nu mbi’angaa keene fop, xan nu ndaaw o ndam onqe nen o ndip o yaqooxkeer, yaa o Kaynaak o maak oxe a feeñkaa.

Heseki’el 43:19

Saasadax Leelewi we ndefna xa taan Saadok too a matiidaxam ndax da njalanaam, fat o coox a den nqoox ndeɓ nen sadax fa mbaasnoor pakaad. Mi o Yaal oxe na refkaa boo faw layun.

A paɗax ale 8:35

Fat nu yoq boog no ndokand ne no Ƭiif ne boo ñaal ɓetuu ƭik, ñaal fo o yeng, too mbadin o far nuun no Yaal oxe, ndax nu nqonkee, yaam keene refu ke hebil’eema.»

Heseki’el 14:11

Neene, mbind Isra’el mo’ikkatee maa goƭaxama, too nqoolaƭaranditkatee a den tooñ. Maaga, xan da ndef xeet es soo um ref Roog den. Mi o Yaal oxe na refkaa boo faw layun.»

Heseki’el 44:12

Feek kaa njalanoogu xeet fee mbaambir pangool ke den soo a ndeeƭu no mbind Isra’el ɓil laa na tolofnooraa, a maafnooraa a den na bakaad, mexe daaɓooxan fa den o ɓay es took ee: Xan a ngadoox tooñ den. Mi o Yaal oxe na refkaa boo faw layun.

Heseki’el 45:4

O mbiñ o tedu nqaa keseena no saax le yoo. Saasadax we na njegkan, den we na mbadnaa calel ke kam Mbind Roog ne, a matiidaa o Yaal oxe ndax da njalanin. Meene pind den a ndefkaa, too xan a ref maa kesaneena Mbind Roog ne.

Heseki’el 48:12

Den na njegkan nen a las a tedu tigi laa watniteena na qaaj ale no saax le na watinkeel denda fo o ŋat ole no Leelewi we.