Heseki’el 47:9 - NQAARIIT NE ROOG

⁹ Kuu na yo’nooxaa teen xan a ñoow muu a ƈufnand ale fadna. Xan liƥ ke a naang gañ yaam ne foofi leene a fadkaa maaga too xan poofi ke a maasat. Muu a ƈufnand ale a fadna xan o ñoow a jeg maaga.

Heseki’el 47:9 Referans Kwoze

YEGIL MBAAX NE YEESU ne Saŋ a bindtuuna 6:63

Yiif le Roog na ñoownaa, cer ƭaxee dara boo dara fag. A ƭelem ake layuuma a nuun koy, Yiif fo o ñoow a ndefu.

YEGIL MBAAX NE YEESU ne Saŋ a bindtuuna 4:14

Kaa koy, oxe na yerkaa foofi le um cooxkan, hoɗomkataand boo muk. Foofi leene um cooxkan xan a fi kam um a mbeel alaa a cur ake a nqawraa, a cooxin itam o ñoow o fagkeer ole.»

Esayi 55:1

«Heey! Nuun fop we ngoɗomeena, ngaryo no poofi ke, nu njegangee xaaliis sax oo. Ngaryo, mbaaƭan a qoox nuun kaa nu ñaamna, nqot na biiñ fee fo no fo sis ole, jegee ndabid, ci’it oo.

A kim a tedu ke 78:16

A balnita a ƈufnand no ɓil laa, a suqtit taaga poofi nen xa quluɓ.

O leetar ole Pool a bindna GIMU WE NGENNA ROM 8:2

yaam kebil ke no Yiif le Roog na ci’aa we mbogna na Kiristaa Yeesu o ñoow, a mbokta a in na fa nqon fee bakaad a ɓisiidaa.

A pi ake 2:47

a simataa a Roog, too a ngidman paam xeet fee fop. Maaga, bes fuu refna o Yaal oxe a ɓaatooga no fog ole no gimu we waa mucna.

A pi ake 2:41

We njaɓ’ina fa lay um fop a mbatiise’e, too a koom daalbe we a ƥaatoox’a ngap wiin cuni tadik.

YEGIL MBAAX NE YEESU ne Saŋ a bindtuuna 14:19

Miñkatee dara, adna fee nga’katiraam, ndaa nuun, xan nu nga’aam, yaam mexe ñoowaa, too nuun itam xan nu ñoow.

YEGIL MBAAX NE YEESU ne Saŋ a bindtuuna 14:6

Yeesu a doonaan ee: «Mi refu a ƭat ale fo ndigil ne fo o ñoow ole. O leng waagee o fad me Faap fee, too reeftee na mi.

YEGIL MBAAX NE YEESU ne Saŋ a bindtuuna 5:25

No ndigil, no ndigil, mexe layaa a nuun ee: Waxtu fee xe mbaambir, too a fadiida sax. Waxtu feene refu waxtu fee xon we a nankaa o ñuxur no Ƥeenqe Roog, too we na nankan xan a ñoow.

YEGIL MBAAX NE YEESU ne Saŋ a bindtuuna 3:16

Yaam Roog a fexa adna fee boo a ci’it o Ƥiy o leng kut onqe ta jegna, ndax oxuu gimna no ten saŋkooxkee muk, ndaa ndax ta jeg o ñoow o fagkeer ole.

Sakari 2:11

Nuun Siisiyoŋ we, ñofyo ƥostoox, sutoox teeru fee Babilon.»

Esayi 49:12

Den oo weene na mbadiidaa, koƭu a nomtoortiidu, wene no ɓemb-roog o janoon, waana no mudand, weeke no saax laa Siniim.»

Esayi 30:26

A qoolaand ale na qoor ale xan a nandat fo ale no njeeƈ ne, soo ale no njeeƈ ne a ɓaatoox a caf ɓetaa ƭaq boo nen a qoolaand ñaal ɓetuu ƭik, a koom alaa o Yaal oxe a laxaskaa kaañax ke na xeet um soo a wodand a uut ake na pad ake ta fadeena.

Esayi 12:3

Xan nu ƈeewaa fo o ɗaay na cur ake na muc ale,

A kim a tedu ke 103:3

O ten na waasantaa tooñ of fop, a wodandaa a cir of fop.

A sutax ale 15:26

Keeke mat a layu: «Nu nan-gilooxangaam, mi o Yaal oxe Roog nuun, mbi cofu mbaambir es, ngay kebil es, nanan bargal es, xawitkiim a nuun a cir ake xawtuuma Miimisira we, yaam mi refu o baawaadin nuun, mi o Yaal oxe.»

1 Korint 15:45

Keene o mat taxu ta bindel ee: «Aadama fee refna o kiin o eetaand oxe a dalfooxa o saq o laaw.» Aadama fa mbalakaand fee koy, yiif laa na ñoownaa a refu.

A pi ake 21:20

Ye da nanna kaaga, a simata a Roog. Cinj kaaga, a laya a Pool ee: «O pog in, ga’aa gimu cuni-cuni we inoorna na ƭat ale no Yaawuur we. Boo xaye kaa njaflax den fop no kebil ke Moyiis.

A pi ake 6:7

Fa lay fee Roog a moƴ’a joot, daalbe we a moƴ o may kam Yeerusaleem, too mayu no saasadax we a ngima na Yeesu.

A pi ake 5:14

Mayu a ngimoogata no Yaal oxe, goor fo rew, a ƥaatooxaa no gimu waa.

A pi ake 4:4

Na waxtu faaga, mayu no we nan’ina fa lay fee Roog a ngim’a, boo goor gimu we fop a mbadat ngap cuni ƥetik.