Heseki’el 47:2 - NQAARIIT NE ROOG

² A suttiidaxam na ƭat ale no don-maax ole no ɓemb-roog o janoon soo a widnooraam tafil fee boo no don-maax olaa jasnoorna fo batand. Foofi le kaa xayoogu no saax o ñamaak.

Heseki’el 47:2 Referans Kwoze

Heseki’el 44:4

O koor oxe a ɓisaxam farna fo o don-maax ole no ɓemb-roog o janoon mbaambir Mbind Roog ne. Ɗeetaam too ga’aam o ndam onqe no Yaal oxe mayƭand’ina Mbind ne no Yaal oxe.

Heseki’el 44:2

O Yaal oxe a layaxam ee: «O don-maax olene xan a wegel, wetooxkee too o leng reefkee teen, yaam mi o Yaal oxe Roog fee Isra’el teen roktum. Xan a gen no wegel.

Heseki’el 40:35

O koor oxe a ɓisaxam farna fo o don-maax ole no ɓemb-roog o janoon. A liiƥaan, ta fodir fo xa lakas axe.

Heseki’el 47:1

O koor oxe a ɓisaxam farna fo ndokand ne no Mbind Roog ne. Maaga, ga’aam foofi laa sutoortoogna ɗuga peg ne no Mbind Roog ne, a sagaa no batand, yaam mbaambrand ne no Mbind Roog ne kaa faambir’u no batand. Foofi le kaa fudooxoogu ɗuga o saax o ñamaak ole no Mbind ne, a reef no ɓemb-roog o ñamaak ole no sadaxand ole.

Heseki’el 47:3

Ye o koor oxe a sutooxna farna fo batand, a saq’a no ɓay um o ƥaak o liiƥir, too a liiƥa xa noonoong juni. A jootnooraxam foofi le, too foofi le a garaxam na xa pem.