Heseki’el 47:12 - NQAARIIT NE ROOG

¹² Na ƈufnand ale na ƥeeraamb ake ten, no saax oo saax xan taxar tiirim kuu ndefna a sax teen. A naf den leeƥkee muk too ñakkee xa tim. Xan a ndimaa o nqool oo nqool, yaam poofi ke ten xan a sutooraa no Mbind Roog ne. Xa tim axe den xan a ndef ñaamel, a naf ake den a ndef teex mbaadnoor.»

Heseki’el 47:12 Referans Kwoze

Mbeeñil 22:2

a ɓaxooxaa a ndeer ee ndeer a qal ale na teeru fee. No saax oluu refna no xuluɓ ole koy, a jeg’a ndaxar ne no ñoow ole. Kaa ndimaa a caf xarɓaxay fo a caf a ƭak o hiid oluu refna, ta ref jaf leng o nqool onquu refna. A naf ake den koy, kaa mbaadnitoogel jiru we no qeet ke.

A kim a tedu ke 1:3

Oxeene kiin kaa ref nen ndaxar njimbe paam o ƈufnand foofi, a rimaa na waxtu um, a gen no neepaa kili. No kuu ta rokna rek, xan a ñaaƴ.

Heseki’el 47:7

Ye nomtooxiiduuma, ga’aam ee a jeg’a na ƥeeraamb ale na ƈufnand ale taxar mayu o saax oo saax.

Yeremi 17:8

Kaa nand nen ndaxar njimbe paam poofi, a joobnaa a paƴ um farna fo a ƈufnand ale. Saɗaree yaa a sumaan ale a garna, soo saqit um a gen no neepaa. No hiid o feñ sax naagee jaaxɗaa, too kaa gen no rimaa.

Mberaand 2:9

O Yaal oxe Roog a saxna maaga xa qos taxar fop, da njeg a safaan, a mbel o ñaamel, ndaxar ne no ñoow ole fo ndaxar ne na andnooraa paax fo paaxeer a ndef a ndeer ale.

A kim a tedu ke 92:12

Kaam fuudaa fañ es we maafeena, nof es a nanaa xa paɗax no soxodu we songiid’axama.

Ke bindeena no xe ne’eena YOB 8:16

Kaa ref nen ndaxar naa mayna fo goon no njeeƈ ne, a letnaa a naaq um, da yooroox a ƭing ale.

Esayi 61:3

Kaa ñaawooxaa a Siyoŋ, ndaa o jaf es refu um supit naqad den o ɗaay o jegee hap, ndaw ke na qoox den, um suptin tañalax mosu, ñaawax den, um suptin diwliin o mbelakinax, soo yiif naqadilooxu le den, um suptin ndoki simatir. Maaga, xan a nqoyeel pudaay ke no cofel ole fo a ƭing ale no Yaal oxe na feeñlaa o ndam um.

Esayi 60:21

Xeet of fop xan a ndef jofu, a njeg saax le boo kili, den we ndefna tuufe-duufe kaa na saxaa kam a ƭing es, a ndef we saktuuma xa ƥay es ndax da lalit o ndam es.

Yeremi 8:22

Ndax kaa jegatee teex ƭuumooxel kam Galaad, ndax kaa o baawaadin jegatee teen? Xar taxu boog xeet es waagee o moƴan?

Esayi 1:6

No ke xotitna no nqol mbangdir ne boo no ƭuf ne, dara teen naagee ceŋ. Fop kaañax ƥor oo fo xa tirig fo a uut a ƥañdooxu kaa o leng a laxadeerna. Laxasaand tig too ƥodaxnitaand diwliin.