Heseki’el 47:11 - NQAARIIT NE ROOG

¹¹ A kal ake ten fo a paas ake ten maasandkaand, xan a nqaƴanel fo jem ole.

Heseki’el 47:11 Referans Kwoze

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

Mbeeñil 22:11

Fat o paaxaƭaru xe a gen no fi’aa paaxeer, o qoolaƭaru xe a gen no fi’aa qooleer. Kaam ee fat o cofu xe a gen no fi’aa cofu, o tedu xe a gen no ñoowaa kam o tedel.»

Mbeeñil 21:8

Kaa koy, kaa farna no wiin weeke: Saɗar we fo gore’aƭaru we fo we na mbi’aa cednooxu fo waawar we fo we na seeqaa fo fan we fo juujuur we fo maamaaɓ we fop, a las den na refkaa a mbeel fiɗel alaa no nqeen saasu kaa. Keene na refkaa fa nqon fa ƭikandeer fee.»

Yeremi 17:6

Kaa nand nen ngol kam o tan, too ga’kee baneex a garaa muk. Xan a gen no fo mbiñ fo ndoxu ne na koƥ-a-ƥor ale, no lanq qanju, maa o leng a geneerna.

A kim a tedu ke 107:34

lanq qaaɗu ke, ta supit a den o tan yaam kañaan no we ngen’ina teen.

Haahate we 9:45

Abimelek a songa teeru fee no ñaal ne fop soo a jaɓin. A wara we ngenoogna taaga, a gefin tuƈ soo a sulin fo jem.

Heseki’el 47:12

Na ƈufnand ale na ƥeeraamb ake ten, no saax oo saax xan taxar tiirim kuu ndefna a sax teen. A naf den leeƥkee muk too ñakkee xa tim. Xan a ndimaa o nqool oo nqool, yaam poofi ke ten xan a sutooraa no Mbind Roog ne. Xa tim axe den xan a ndef ñaamel, a naf ake den a ndef teex mbaadnoor.»