Heseki’el 47:10 - NQAARIIT NE ROOG

¹⁰ Maaga, faafaal we xan a ndef na ƥeeraamb ale. No ke xotitna En-Gedi boo En-Eglayim, xan paal ke a ndeɓeel. Liƥ keene xan a ndef xa qos liƥ axe no maag ole Mediterane, a naang gañ.

Heseki’el 47:10 Referans Kwoze

Mace 4:19

Yeesu a laya a den ee: «Ndeefaamoo, too xam fi a nuun faafaal no wiin.»

A kim a tedu ke 104:25

O maag ole ley a magin, a yaaj bo, muumeen pagkatar a ñoowaa teen, maak fo teɓ.

A lim ale 34:6

No mudand, o maag ole Mediterane na refkaa o ŋat ole nuun.

Mark 1:17

Yeesu a laya a den ee: «Ndeefaamoo, too xam fi a nuun faafaal no wiin.»

Heseki’el 48:28

No ŋat ole Gaad farna fo ɓemb-roog o ñamaak, o ŋat ole xan a xotit Tamaar boo no poofi kaa Meriba kam Kades, a joon fo a ƈufnand ale Misira, a sag farna fo o maag olaa Mediterane.

Heseki’el 47:15

Keeke na ndefkaa xa ŋat axe no saax le: Farna fo ɓemb-roog o janoon, ke xotitna no maag ole Mediterane, a joon fo a ƭat ale Hetlon boo no ndokand naa Sedad,

2 Caloori ke 20:2

O maad Yosafat a yegne yee: «A yaj no xiixire fagkatar owe songiidang, a inoor no saax o lakas ole no maag o Xanju le no saax laa Edoom, too owaay Hasason-Tamaar refna ref En-Gedi.»

Heseki’el 26:5

Xan a ref ndeer o maag ole o liiland paal, yaam mi yaƥatun. Mi o Yaal oxe na refkaa boo faw layun. Qeet ke xan a mbalit o jeg um.

Esayi 49:20

Kaa o foog’u yee ñakaa xa ƥeef, ndaa xan o nanahin a den da layraa yee: ‹Xeƈiim, riƈatooxi o ndik boog, ndax mi itam um waag o gen!›

Esayi 49:12

Den oo weene na mbadiidaa, koƭu a nomtoortiidu, wene no ɓemb-roog o janoon, waana no mudand, weeke no saax laa Siniim.»

Yosuwe 23:4

Nu nga’a ne banjangantuuma a carind ake nuun xa piisel axe no qeet ke moocanduuma boo ƴut no ke xotitna Yordaan boo no maag olaa Mediterane no mudand fo axe no qeet ke maadna o yoqaa teen.

Yosuwe 15:62

Nibsan, Iir-Hamelah fa En-Gedi. A ndeeƭa teeru ɓetuu fa leng fo caate ke da mbaxooxna.

Mberaand 14:7

Cinj kaaga, a nomtooxiida, boo a mbadiid En-Mispat refna ref Kades, soo a nqawit maaga Aa-amalek we no fiisel ole den fop fo Aa-amori we ndalna Hasason-Tamaar.

1 Sami’el 24:1

Dawid a inooxa no jegel olaaga, a laqook na xa coong axaa En-Gedi.

Esayi 19:8

Faafaal we owe ƭomatooxaa soo a naqadiloox. Fop we na njaaraa kam o xuluɓ ole Niil fo we na ndeɓaa mbaal no poofi ke xan a ngooy.

Heseki’el 26:14

Xam fi’ong ɓil laa naagna faŋ, o mbiñ onqaa paal ke a liileel. Maxatinkaandee! Mi o Yaal oxe layun. Mi o Yaal oxe na refkaa boo faw layun.

Heseki’el 47:19

No ɓemb-roog o ñamaak, o ŋat ole xan a xotit Tamaar boo no poofi kaa Meriba kam Kades, a joon fo a ƈufnand ale Misira, a sag farna fo maag olaa Mediterane. Keene na refkaa o ŋat ole no ɓemb-roog o ñamaak.