Heseki’el 47:1 - NQAARIIT NE ROOG

¹ O koor oxe a ɓisaxam farna fo ndokand ne no Mbind Roog ne. Maaga, ga’aam foofi laa sutoortoogna ɗuga peg ne no Mbind Roog ne, a sagaa no batand, yaam mbaambrand ne no Mbind Roog ne kaa faambir’u no batand. Foofi le kaa fudooxoogu ɗuga o saax o ñamaak ole no Mbind ne, a reef no ɓemb-roog o ñamaak ole no sadaxand ole.

Heseki’el 47:1 Referans Kwoze

Mbeeñil 22:1

Naaga, malaaka fee a lalaxam o xuluɓ ole no foofi le na ñoownaa. Kaa mir-mirnoogna nen galam fo jem a sutoorooga no gamb no maad le, Roog fo o Mbaal onqe a njegna,

Sakari 14:8

A koom, xan poofi kaa na ñoownaa a sutoor Yeerusaleem, kene a nqot no maag o Xanju laa, kaana no laa Mediterane. Naaga a refitkaa ndiig fo ƈiid.

Esayi 55:1

«Heey! Nuun fop we ngoɗomeena, ngaryo no poofi ke, nu njegangee xaaliis sax oo. Ngaryo, mbaaƭan a qoox nuun kaa nu ñaamna, nqot na biiñ fee fo no fo sis ole, jegee ndabid, ci’it oo.

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

A kim a tedu ke 46:4

mbaat a yag-ee-yag ake a ndititaa, a palaƈaa, a yoɗooxaa boo xa coong axe a sendaa. A maaf

Heseki’el 47:12

Na ƈufnand ale na ƥeeraamb ake ten, no saax oo saax xan taxar tiirim kuu ndefna a sax teen. A naf den leeƥkee muk too ñakkee xa tim. Xan a ndimaa o nqool oo nqool, yaam poofi ke ten xan a sutooraa no Mbind Roog ne. Xa tim axe den xan a ndef ñaamel, a naf ake den a ndef teex mbaadnoor.»

Mbeeñil 22:17

Yiif le Roog fo o Kulook oxe kaa layaa yee: «Gari!» Oxuu nanna kene fat a lay itam ee: «Gari!» Oxuu hoɗomeena fat a gar, a yer. Oxuu bugna foofi le na ñoownaa, fat a jangin! Ci’it oo!

Sakari 13:1

«A koom xan a cur foofi laa na ɓogdaa bakaad fo nqoolaƭar a suqtanel mbind Dawid fo we ngenna Yeerusaleem.»

Heseki’el 41:2

O yaajel ole no don-maax ole a reeƭa xa noonoong xarɓaxay. Fo ndabax ne ndeerna o don-maax ole a mbi’a xa noonoong xa ƥetaq no saax o leng ole fo xa noonoong xa ƥetaq no lakas ole. A liiƥa o cigdel ole no Mbiñ o tedu nqe, ta fi xa noonoong qarɓeen nahik, soo o yaajel ole a ref xa noonoong qarɓeen ƭik.

Esayi 30:25

No ñaal naa na bar a ƭomu le, yaa taax-took ke a njiƭtooxkaa, xan a jeg a qayaandiin fo a ƈufnand foofi took o joong o jigdu luu refna fo took ñaang jiig luu refna.

Esayi 2:3

Qeet mayu xan a inoox, a lay ee: «Ngaryo i ŋaay no joong ole no Yaal oxe, no Mbind ne na Roog fee Yakoob, ndax ta jangin a in a ƭat um, soo i ñaaƴ na qal um, yaam a cangin a tiindigil ale Siyoŋ a inooraa, fa lay fee no Yaal oxe a hatiidaa Yeerusaleem.»

Heseki’el 46:24

O koor oxe a layaxam ee: «Keene ndefu cawand ke no jaajaw we, me diidimle we no Mbind Roog ne a njuɗtaa a tegeƴ ake no sadax ke na xeet fee.»

Heseki’el 47:2

A suttiidaxam na ƭat ale no don-maax ole no ɓemb-roog o janoon soo a widnooraam tafil fee boo no don-maax olaa jasnoorna fo batand. Foofi le kaa xayoogu no saax o ñamaak.

Sakari 14:4

A koom, xan a dak a caf um took o joong ole no taxar Oliiw ke jasnoorna fa Yeerusaleem te no batand, too o joong ole no taxar Oliiw kaa xan a qaacoox a ndeer, a xotit no batand boo a sip no mudand, a refat a yulanq a maak, soo a seek a leng ale a riƈatoox te no ɓemb-roog o janoon, a seek a lakas ale te no ɓemb-roog o ñamaak.

A kim a tedu ke 46:5

O xuluɓ ole fo a ƈufnand um kaa ƭaayandaa teeru fee Roog, kenand tedu ke no xe Took-ee-took.

A kim a tedu ke 87:7

We na ngimaa fo we na mbecaa kaa mbalalooxaa yee: «A cur es fop owey na wo.»

Heseki’el 40:6

A reta farna fo o njibir onqaa faambir’ina no batand, a wad o toŋ-toŋ ole soo a liiƥ peg ne no njibir onqe, o tinqel ole a fodir’ina fo o siind ole ten.