Heseki’el 45:4 - NQAARIIT NE ROOG

⁴ O mbiñ o tedu nqaa keseena no saax le yoo. Saasadax we na njegkan, den we na mbadnaa calel ke kam Mbind Roog ne, a matiidaa o Yaal oxe ndax da njalanin. Meene pind den a ndefkaa, too xan a ref maa kesaneena Mbind Roog ne.

Heseki’el 45:4 Referans Kwoze

Heseki’el 43:19

Saasadax Leelewi we ndefna xa taan Saadok too a matiidaxam ndax da njalanaam, fat o coox a den nqoox ndeɓ nen sadax fa mbaasnoor pakaad. Mi o Yaal oxe na refkaa boo faw layun.

Heseki’el 40:45

O koor oxe a layaxam ee: «A ndok aleene mbambrand ne a refna no ɓemb-roog o ñamaak, saasadax we na topatooxaa calel ke no Mbind ne njegun.

A lim ale 16:5

A laya a Koora fo a yaj um fop ee: «O feet o Yaal oxe a lay oxe ta jegna fo an tedu fo an waagun o matiid, ndax ta ɓoxotin sadax. Oxe ta jilkaa na waagkan o matiid.

Heseki’el 45:1

«Yaa nu lasirkaa saax le nen lam na pexey mbanjang ne, fat nu kesan o Yaal oxe o fiisel kam saax le, olaa o cigdel um a refna xa noonoong cuni qarɓeen ƭik fo xa noonoong cuni ƥetik, soo o yaajel ole a ref xa noonoong cuni xarɓaxay. Xan a ref o mbiñ o tedu kam a piis ale no ŋat ole ten fop.

Heseki’el 44:28

Keeke refu lam ne da njegkaa: Mi na refkaa lam den! Nu cooxkee a den kaa da njegna kam Isra’el. Mi na refkaa o jeg den.

Heseki’el 40:46

A ndok ale faambirna no ɓemb-roog o janoon, saasadax we na topatooxaa calel ke no sadaxand ole njegun. Den ndefu xa taan axe Saadok andoona yee ndeer xa taan axe Lewi kaa matiidaa o Yaal oxe ndax da njalanin.»

Heseki’el 45:3

Xan o jiriiñoor o liiƥir o leng kut ole ndax o liiƥ o cigdel olaa fi’na xa noonoong cuni qarɓeen ƭik fo xa noonoong cuni ƥetik fo o yaajel olaa fi’na xa noonoong cuni xarɓaxay maa Mbind tedu ne a refna, o Mbiñ onqe moƴna o ted.

Heseki’el 48:8

«Denda fo o ŋat ole Yudaa, no ke xotitna no batand boo no mudand na refkaa a las ale nu mbatinkaa, o yaajel um a fi xa noonoong cuni qarɓeen ƭik fo xa noonoong cuni ƥetik, soo o cigdel ole a fodir fo leng na las ake nqotitna no batand boo no mudand, Mbind Roog ne a ref a ndeer ale.