Heseki’el 45:1 - NQAARIIT NE ROOG

¹ «Yaa nu lasirkaa saax le nen lam na pexey mbanjang ne, fat nu kesan o Yaal oxe o fiisel kam saax le, olaa o cigdel um a refna xa noonoong cuni qarɓeen ƭik fo xa noonoong cuni ƥetik, soo o yaajel ole a ref xa noonoong cuni xarɓaxay. Xan a ref o mbiñ o tedu kam a piis ale no ŋat ole ten fop.

Heseki’el 45:1 Referans Kwoze

Heseki’el 48:29

Keene refu saax le nu nqaajrandkaa a carind ake Isra’el nen lam na pexey mbanjang ne, too keene ndefu a las den. Mi o Yaal oxe na refkaa boo faw layun.»

A lim ale 34:13

Moyiis a daawna Ii-isra’el we wargal feene, a lay ee: «Keene refu saax le nu lasritkaa mbanjang. O Yaal oxe o mat heblu ta cooxel a carind ɓetaa nahak ake fa genwal a carind ale,

Xa peƭit axe 3:9

Niwti o Yaal oxe ke jegoona fop, ɓoxotin ke eetna o foor no saxade of.

Yosuwe 14:2

A mbanjangana a carind ɓetaa nahak ake fa genwal a carind ale, ndax da coox a den lam den, ne o Yaal oxe a heblit’uuna a Moyiis.

Yosuwe 13:6

Xam rax mbaambir Ii-isra’el we Siisidoŋ we fop ngenna no jegel ole na xa coong axe, a xotit Libaŋ boo Misrefot-Mayiim. Ndiiki koy, fat o las Ii-isra’el we keene fop fo mbanjang ne, ne heblitoonga o ten.

A paɗax ale 25:23

«Lanq mbaagkaand o njikoox boo xoo, yaam mi jegu lanq ke, mi o Yaal oxe, too kaa nu ndef nen genar fo xa kataakoon me mi.

Yosuwe 13:7

Xaajrandi boog xa cegel axeene a carind ɓetaa nahak ake fa genwal fa lakas fee na carind ale Manaase.»

Yosuwe 14:3

Moyiis a coox’a a carind a ƭak fa genwal a carind a las den no batand naa Yordaan. Kaa koy, coox’ee Leelewi we lanq a ndeer den.

Heseki’el 42:16

A liiƥta o saax ole no batand o siind o liiƥir ole, ta fi fop oo fop xa siind teemeed ƥetik no siind o liiƥir ole.

Yosuwe 14:1

Keeke ndefu xa piisel axe Ii-isra’el we a ndaawna nen lam kam saax le Kanaan, too Eleyasaar fee o saasadax oxe fa Yosuwe fee o ƥiy Nun fo kelfa ke na qaw ake na carind a pogreer ake a nqaajrand’un a den.