Heseki’el 44:9 - NQAARIIT NE ROOG

⁹ Keeke layum, mi o Yaal oxe na refkaa boo faw: O gataakoon o leng olaa xucooxeerna no xeeñ, xucooxee no cer rokkee no Mbind ne mi, o leng na xa kataakoon axe ngenna a ndeer Ii-isra’el we.»

Heseki’el 44:9 Referans Kwoze

Sakari 14:21

O xuɗoox oluu refna kam Yudaa fo kam Yeerusaleem, xan a ted no Yaal oxe Hupna fop, too oxuu sadaxitna xan a waag o xot teen, a jawtikin. A koom, o leng jikooxkatee kam Mbind ne no Yaal oxe Hupna fop.

Heseki’el 44:7

Nu ƥeka kam Mbind ne mi xa kataakoon axaa nqucooxeerna na qeeñ den, nqucooxee no cer den, ndax nu maasand Mbind ne mi. Ye nu ƥoxotaxam ñaamel es, neebam fee fo fo’oy le no sadax ke, nu ƭega ngiɓoor ne mi na pexey a pi a cednooxu ke nuun fop.

Mark 16:16

Oxuu gimna, a batiise’el, xan a muc. Oxuu gimeerna koy, xan a xawel.

A kim a tedu ke 93:5

Bargal ke wo kaa mboor kaŋ. O Yaal oxe, o tedel refu mosandir mbind ne wo boo maa camaane ke a ndaykaa.

A kim a tedu ke 50:16

O soxodu xe koy, Roog kaa layan ee: «Xar a ɗaxu o dupataa dupat kebil es soo laytaa ngiɓoor es,

Mbeeñil 21:27

Kaa koy, qoolaƭaru leng mbaat o kiin oxaa na fi’aa cednooxu mbaat oxaa na maaɓaa rokkee na teeru feene. We a kon den a mbindeena no safe le no ñoow ole o Mbaal onqe a jegna rek na ndokkaa teen.

A paɗax ale 26:41

Pakaad keene o mat tax’u mi itam, um siiknoor fa den soo ɗox a den no saax le no fañ den. Yaa da neewandooxkaa, a njaɓ a qaw ale no tooñ ke den,

A sutax ale 12:48

Boo o gataakoon olaa refna no mbind of a bugaxama o roofandan a Colandax ale, o koor oxuu fogna no ƥasil um a ware o xuc. Maaga, xan a waag o matiid, a fog na toofand ale na Colandax ale, too xan a nandat fo xaa fogna na xeet fee Isra’el. O qucooxeer o mat fogkee teen.

A cangatin ale 23:4

Aa-amon we fo Moomowaab we njaɓkaand kam mbokatax ne no Yaal oxe. Xa taan axe den sax boo no suk xarɓaxayandeer naa njaɓkaand teen.

A kim a tedu ke 24:3

Ndi an na ci’keel a ŋaay no joong olaa no Yaal oxe, a geenoox no mbiñ o tedu nqe ten?