Heseki’el 44:7 - NQAARIIT NE ROOG

⁷ Nu ƥeka kam Mbind ne mi xa kataakoon axaa nqucooxeerna na qeeñ den, nqucooxee no cer den, ndax nu maasand Mbind ne mi. Ye nu ƥoxotaxam ñaamel es, neebam fee fo fo’oy le no sadax ke, nu ƭega ngiɓoor ne mi na pexey a pi a cednooxu ke nuun fop.

Heseki’el 44:7 Referans Kwoze

A paɗax ale 22:25

Nu njaɓankee o kenar oxe sax njegel nandu neene, ndax nu ƥoxotaam o ten nen ñaamel es, mi fee Roog nuun, yaam kaa da ngaañel, a njeg sik. Nu mbi’angaan, jaɓankinum a nuun.»

Heseki’el 44:9

Keeke layum, mi o Yaal oxe na refkaa boo faw: O gataakoon o leng olaa xucooxeerna no xeeñ, xucooxee no cer rokkee no Mbind ne mi, o leng na xa kataakoon axe ngenna a ndeer Ii-isra’el we.»

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»

A paɗax ale 26:41

Pakaad keene o mat tax’u mi itam, um siiknoor fa den soo ɗox a den no saax le no fañ den. Yaa da neewandooxkaa, a njaɓ a qaw ale no tooñ ke den,

Mberaand 17:14

O koor oxuu xucooxeerna fat a sutel xeet fee. Oxeene koor kaa ɗeg ngiɓoor es.»

A pi ake 21:28

Kaa mbuuqoogu yee: «Nuun Ii-isra’el we, ngela ƈufgiidyo a in! O kiin oxe na waare’aa muu refna oxey. Kaa maafaa xeet fee Isra’el fo kebil ke Moyiis fo o mbiñ onqeeke. A fi’aan boo a rokin waa ndefeerna Yaawuur kam Mbind Roog ne, a maasandaa o mbiñ o tedu nqene.»

A pi ake 7:51

Nuun we saƭikna a qoox, nu nqucooxee na qeeñ nuun fo no nof nuun, bes fuu refna kaa nu maafraa fo Yiif Tedu le. Safee nuun koy ee ke daan nuun a ndeeƭna rek, nu ndefu nuun itam.

A cangatin ale 10:16

Nqucooxyo na qeeñ nuun boog too mbaas o saƭik xoox.

Hebre 8:9

Nandkee koy fo ngiɓoor ne dalin’uuma fo daan den, ye pokuuma a den no ɓay, sut a den no saax laa Misira. Ne da ndamooxeerna no ngiɓoor neene, mi itam xijkiim yaam den. Keene o mat o Yaal oxe a layu.

Malaki 1:7

Ten refu yee kaa nu ƥoxotaa ñaamel qoolaƭaru no sadaxand ole mi. Kaa nu laamtahinaxam ee: «O Yaal oxe, na xar i nqoolaƭarandtang?» Ten refu, yaa nu nqalaataa yee o sadaxand ole mi, mi o Yaal oxe jaree niwel.

Heseki’el 22:26

Saasadax we ten a ƭapa kebil es, a maasand ke tedlanduuma. Mbaagee o njektirand ke tedna fo ke tedaƭarna, andnooree njektir ne no ke xoolna fo ke xoolaƭarna. Kaa muur a kid den, ndax nga’kee pes a ñootnax ke mi, too niwaƭareem a ndeer den.

Heseki’el 7:20

Kelax den kaa mbi’in ka’atinoor. A njala teen nitaal roog cakalaaru ke den, nitaal cednooxu ke den. Ten taxu xam fi ta refat na den ƭaaq.

Yeremi 31:32

Nandkee koy fo ngiɓoor ne dalin’uuma fo daan den, ye pokuuma a den no ɓay, sut a den no saax laa Misira, ngiɓoor es ne da ƭegna, ke refuuma o Yaal den fop oo. Mi o Yaal oxe layun.

Yeremi 11:10

A nomtooxa no tooñ ke no daan feraand we den mbañ’ina o nan-giloox fa lay es. Kaa ngiɓoor fo roog lakas, ndax da mbaɗoox a den. Wiin we Isra’el fo we Yudaa a ƭega ngiɓoor ne mi dalin’uuma fo daan den.»

Esayi 24:5

We ngenna no lanq ke maasandu a den, yaam kaa niwaƭar’u kebil ke, a sufaalaa bargal ke, a ƭegaa ngiɓoor ne na refkaa boo faw.

A cangatin ale 31:20

Xam ɓis xeet feeke kam saax le daaɓooxuuma fo daan den ee xam ci’in a den, saax le fo sis fo suum a ndaxritaa. Xan da ñaam maaga boo a naang tem, a magin, cinj kaaga da nquruloox farna fo roog lakas, a mbaɗooxaa a den. Xan a nqeefaam soo a ƭeg ngiɓoor es fa den.

A cangatin ale 31:16

O Yaal oxe a laya a Moyiis ee: «Ndiiki, xan o dab daan of, too xan xeet feeke a inoox, a ngore’aƭar na mi, a ƭeg ngiɓoor es fa den. Xan a mbaasaam, a mbaɗooxaa roog lakas ke kam saax le da ndokkaa.

A cangatin ale 30:6

Xan o Yaal oxe Roog nuun a xuc a qeeñ nuun fo ake na xa taan nuun, too xan nu mbex o Yaal oxe Roog nuun na qeeñ nuun fop fo na xa laaw nuun fop. Neene, xan nu ñoow,

A paɗax ale 26:15

nu mbasnooxangaa bargal es ke cooxtuuma, xan nu ƭeg ngiɓoor es fa nuun.

A paɗax ale 21:21

O leng na xa taan of oxaa jegna sik no cer um waree o matiid boog o sadaxand ole mi, mi o Yaal oxe, ndax ta ɓoxotaam sadax ke ndoxeena. Wariraam o ɓoxot ñaamel es yaam xaraanaq um.

A paɗax ale 21:17

ta yegin a Aaroon kene: «Ba o leng no kurcala of oxaa jegna sik no cer um a matiid o sadaxand ole, ndax ta ɓoxotaam ñaamel es.

A paɗax ale 21:8

Fat nu ƭeet o saasadax oxe nen o tedu, yaam ten na ɓoxotaxam ñaamel es, mi fee Roog nuun. Fat nu tedlandin, yaam kaam ted, mi o Yaal oxe na tedlandaa a nuun.

A paɗax ale 21:6

Fat a kesanel a mi, mi fee refna Roog den, a mbañ o niwaƭar gon es, yaam den na ƥoxotaxam sadax ke ndoxeena, ndefna ñaamel es, mi o Yaal oxe. A mbara o ngen no tedel boog.

A paɗax ale 17:11

Fo’oy na ñoownaa njer. Kaa um ci’in a nuun nu njiriiñooran took o sadaxand ole, ndax nu njofoorandel fa mi. Fo’oy le soom waagu o waasanit pakaad, yaam ten saqu o ñoow ole.

A sutax ale 12:48

Boo o gataakoon olaa refna no mbind of a bugaxama o roofandan a Colandax ale, o koor oxuu fogna no ƥasil um a ware o xuc. Maaga, xan a waag o matiid, a fog na toofand ale na Colandax ale, too xan a nandat fo xaa fogna na xeet fee Isra’el. O qucooxeer o mat fogkee teen.

A sutax ale 12:43

O Yaal oxe a laya a Moyiis fa Aaroon ee: «Keeke refu kebil ne no mbaal ne na Colandax ale: O gataakoon o leng ñaamkee teen.

Heseki’el 44:15

«Saasadax Leelewi we o mat ndefna xa taan Saadok, topatooxna calel ke no Mbind ne mi ye Ii-isra’el we a nduuxna a koƥ, a ngoƭaam, weene xan a matiidaam, a njalanaxam, a ngeenooxaa mbaambir es, ndax da ƥoxotaam neebam fee fo fo’oy le. Mi o Yaal oxe na refkaa boo faw layun.

Yeremi 9:25

ndefna Miimisira we, Yuuyudaa we, Ee-edoom we, Aa-amon we, Moomowaab we fo we ngenna na koƥ-a-ƥor ale, na nduusaa took fee na xa ƭek axe den. Qeet keene fop fo Ii-isra’el we fa qoox den nqucooxee na qeeñ den.»

Malaki 2:4

Xan nu and boog ee mi o Yaal oxe Hupna fop, kaam coox a nuun a maƭax aleene, ndax ngiɓoor ne mi fa Lewi a maadaa.

Malaki 2:8

Nuun o mat, kaa nu ƭap a ƭat ale, a cangin nuun a ruuxnoor wiin mayu a koƥ. Kaa nu ƭeg ngiɓoor ne hiɓ’uuma fa Lewi, mi o Yaal oxe Hupna fop.