Heseki’el 44:5 - NQAARIIT NE ROOG

⁵ Maaga, yenaam, gung a lanq. O Yaal oxe a layaxam ee: «Wo fee o ƥiy no kiin, horooxi too ɗeet a paax, wet nof of! Nan-gilooxi fop ke um laykang ta jagin no bargal ke fop no Mbind ne no Yaal oxe fo no kebil ke ten fop. Fat tokand ke no Mbind ne Roog fo xa sutoorand axe fop a ngaalong.»

Heseki’el 44:5 Referans Kwoze

Heseki’el 40:4

O koor oxeene a layaxam ee: «Wo fee o ƥiy no kiin, ɗeeti a paax, wet nof of! Horooxi a paax fop ke um lalkang, yaam kaa o ɓisiidel mene, ndax o ɗeet a paax. Fat o lay mbind Isra’el fop ke o ga’kaa!»

A cangatin ale 32:46

a laya a den ee: «Fa lay fee daawnuuma a nuun xaye, fat nu ƥektin yiif, soo ngebil xa ƥiy nuun, da ngay ndax da ndeef fa lay fee no kebil kene fop.

A pi ake 8:36

Ye da maadna o ndetaa koy, a ndaawa o mbiñ onqaa jegna foofi, too jawdiin faa a layaan ee: «Mee ndax keeke foofi yoo, xar yaqanu o batiise’aam?» [

Mace 28:20

too njangin a den da ngay ke hebluuma fop. Mexey fa nuun bes fuu refna boo maa adna fee a daykaa.»

Dañel 10:12

A doona teen ee: ‹Dañel, koo ba o diid, yaam fa lay of a nane no ke xotitna no ñaal mberaand ne neewandooxoona mbaambir Roog ndax o jeem o and, too fa lay of feene sax sax taxu um gar.

Xa peƭit axe 24:32

Horooxaanum a paax, ɓek teen yiif es, xotit a cangin no ke ga’uuma.

A kim a tedu ke 119:4

Dalnaa bargal ke wo, ndax da ndeefel a paax.

2 Caloori ke 11:16

Wiin we na carind ake no ɓemb-roog o janoon fop ngeboox’ina na qeeñ den o mbaɗoox o Yaal oxe Roog fee Isra’el, a ndeefana Leelewi we a ndet Yeerusaleem, ndax da mbaag o ƥoxotaa o Yaal oxe Roog fee no daan den sadax.

1 Caloori ke 22:19

Ndiiki koy, aqatooxyo o mbaaƭ o Yaal oxe Roog nuun na qeeñ nuun fop fo na xa laaw nuun fop. Inooxyo maxan o Yaal oxe Roog Mbind, ndax arka ne no ngiɓoor ne no Yaal oxe fo tig oo tig tedu ke Roog a ƥekel no Mbind ne na maxkeel no gon le no Yaal oxe.»

A sutax ale 9:21

ndaa we a ƭat den a yong’eerna na fa lay fee no Yaal oxe, a nqaƴa surga den fo xa siir den na xa qol axaa.

Heseki’el 42:9

Na lanq-ee-lanq ale no tok keene ndokand ne no batand a reeƭu, yaa inoortiid’oona no maax-tafil ole.

Heseki’el 46:19

Cinj kaaga, o koor oxe a reefnaxam no ndokand ne refna denda fo o don-maax ole, a ɓisaam no tok tedu ke mbaambirna no ɓemb-roog o janoon, too a kesan’el saasadax we. A lalaxam maaga o mbiñ o yaaju kam ee kam fee no saax ole no mudand.

Heseki’el 47:6

A layaxam ee: «Wo fee o ƥiy no kiin, ndax woxey ga’aa?» O koor oxe a ɓisaxam boo maa liitooxna, soo a nomtiidaam na ƥeeraamb ale na ƈufnand ale.

A kim a tedu ke 24:3

Ndi an na ci’keel a ŋaay no joong olaa no Yaal oxe, a geenoox no mbiñ o tedu nqe ten?