Heseki’el 44:4 - NQAARIIT NE ROOG

⁴ O koor oxe a ɓisaxam farna fo o don-maax ole no ɓemb-roog o janoon mbaambir Mbind Roog ne. Ɗeetaam too ga’aam o ndam onqe no Yaal oxe mayƭand’ina Mbind ne no Yaal oxe.

Heseki’el 44:4 Referans Kwoze

Heseki’el 1:28

A qoolaand ale wid’uuna kaa nandtoogu ale na ñang-ee-ñang ale refna kam a eel ake na bes a teƥ. Kaa reeƭu a peeñax no ndam onqe no Yaal oxe. Ye ga’uuma keene, deɓooxaam a lanq gung too nanaam o ñuxur no xaa layoogna fa mi.

Mbeeñil 1:17

Ye ga’anuuma, yenaam na caf um nen kaam xon. A doona o ɓay o ñamaak um took es, too a lay ee: «Ba o diid! Mi refu o eetaand oxe fo o palakaand oxe

Heseki’el 3:23

Inooxaam soo sutoox kam a yulanq ale, too o ndam onqe no Yaal oxe a feeñooxa maaga, ne ga’it’anuuma deŋ paam o xuluɓ olaa Kebaar. Maaga, deɓooxaam a lanq gung.

Heseki’el 40:20

a liiƥa o cigdel ole fo o yaajel ole no don-maax ole faambir’ina no ɓemb-roog o janoon ole no maax-tafil ole.

Safe le no tuleer AGE 2:7

Xam noot qeet ke fop, kalal ke den fop a ngariid no Mbind nene, um mayƭandin fo o ndam. Mi o Yaal oxe Hupna fop layun.

Heseki’el 40:40

No leng na xa saax tafil axe, me ŋaaytoogeena, no ndokand ne no don-maax ole garitna no ɓemb-roog o janoon, a jeg’a a taabul a ƭak, soo no saax o lakas, farna fo ndambalaan onqe no njibir onqe, a jeg’a a taabul a ƭak.

Malaki 3:1

Mexey heblaa oxe luluuma ta adooxaam, a holtanaam a ƭat. No miñeer o Yaal oxe nu mbaaƭaa xan a rokiid ndeer ñaf fo ƭeet kam Mbind Roog ne ten, Malaaka fee no ngiɓoor ne nu cungaa oxey garaa. Keene o Yaal oxe Hupna fop a layu.

Heseki’el 10:4

O ndam onqe no Yaal oxe a yoɗoorta took mbindel yeeyetax ne, a sag no peg naa no Mbind Roog ne. Eel le a muura Mbind ne, soo o maax ole a naag dañ fo a qoolaand ale no ndam onqe no Yaal oxe.

A kim a tedu ke 89:7

O Yaal oxe, jegiro o nand meene took, too o leng no pindel ke na asamaan fodee fa wo.

Mberaand 17:3

Abram a dalfooxa o gung a lanq, soo Roog a layin ee:

Heseki’el 8:14

Cinj kaaga, a ɓisaxam farna fo ndokand naa no don-maax ole no Mbind ne no Yaal oxe, ole refna no ɓemb-roog o janoon, too a jeg’a maaga rew waa moofna, a ñaawooxaa a Tamuus.

Heseki’el 40:35

O koor oxe a ɓisaxam farna fo o don-maax ole no ɓemb-roog o janoon. A liiƥaan, ta fodir fo xa lakas axe.

Dañel 8:17

Gaburi’el a gara boo paam me reeƭuuma, too ye ta matiidaxama, diidaam soo deɓoox a lanq, gung. A layaxam ee: ‹Wo xe o kiin doŋ, andi yee mbeeñil neene kaa jagin no muukandoong adna.›