Heseki’el 44:3 - NQAARIIT NE ROOG

³ No ke farna no kelwaar oxe koy, xan a waag o moof teen ndax ta ñaam ñaamel um mbaambir no Yaal oxe. Xan a rokit na ƭat ale no ndambalaan onqe no don-maax ole soo a sutoorit na ƭat a leng kut ale.»

Heseki’el 44:3 Referans Kwoze

Heseki’el 46:2

O kelwaar oxe xan a rokit na ƭat ale no ndambalaan onqe no don-maax tafil ole soo a geenoox na toodook ake no don-maax ole. Saasadax we xan a ƥoxot sadax fa ndoxel fee ten fo sadax camsa’oor ke ten. Xan a gung no peg ne no don-maax ole, cinj kaaga ta sutoox, too o don-maax ole wegkaand a refangeerna njeeƈ ne kaa mud.

Heseki’el 37:25

Xan da ngen kam saax le ci’uuma a Yakoob fee o tag es, too daan den a ngen’un. Xan da ngen teen boo faw, den fo xa ƥiy den fo xa taan den. Dawid fee o tag es xan a ref o kelwaar den boo kili.

Heseki’el 34:24

Mi o Yaal oxe, xam ref Roog den, soo Dawid fee o tag es a ref o kelwaar a ndeer den. Mi o Yaal oxe layun.

Mberaand 31:54

Yakoob a ɓoxotta sadax took o joong olaa, soo a xur fog we ten ndax da ñaam. A ñaama, soo a mbe took o joong olaa.

Heseki’el 40:9

o ndambalaan onqe a fi’a xa noonoong ɓetaa tadaq soo a toodook ake a mbi xa noonoong xa ƭaq. O ndambalaan onqe no don-maax ole kam fee a reeƭu.

Mbeeñil 3:20

Nan-gilooxi! Mexey no ndokand ne koŋ-koŋnaa. Oxuu nanna o ñuxur es, soo a wet begax ne, xam rok me ten, fog fo ten o roon, too ten itam xan a ñaam fa mi.

2 Caloori ke 34:31

O maad oxe kaa geenoox’u na seek um too a dalna ngiɓoor mbaambir no Yaal oxe ndax da ndeef o Yaal oxe, a ngay kebil um fo fa lay um fo ke ta dalinna na qeeñ den fop fo na xa laaw den fop soo a ngay fa lay fee no ngiɓoor neene bindeena no safe lene.

Esayi 62:9

We na saxadkaa ngaaf ne na ñaamkan, a simataxam, mi o Yaal oxe, too we na nirkaa biiñ fee xan a yerin no maax ole no Mbind tedu ne mi.»

Esayi 23:18

Kaa koy, ke ta bugko jegaa teen fo ndabid um xan a kesanel o Yaal oxe. Fokatkaand mbaat ta geekel, ndaa xan a ref ñaamel teyu fo toki mosu no we ngenna mbaambir no Yaal oxe.

2 Caloori ke 23:13

A ƴooka o maad o qas oxe ta geenoox took ndaalaand um no ndokand ne, aa-adax we fo luuluuƥ we a ngeenoox paam um. Xeet fee no saax laa fop kaa ndeeƭu no ɗaay, a luuƥaa, soo giigim we a saq pakir den a adooxan a simat ake. Maaga, Ataliya a dalfooxa faar toki um, a falaloox ee: «Hiɓaneem o ngir oo, hiɓaneem o ngir!»

A cangatin ale 12:7

Meene itam nu mbugko ñaamtaa a den mbaambir no Yaal oxe Roog nuun, soo mbelakinooxaa, nuun fo ƥasil nuun, no ke nu njalna fop, too o Yaal oxe Roog nuun a barke’tin a nuun.

Heseki’el 46:12

Boo o kelwaar oxe a ɓoxotna o Yaal oxe sadax fa ndoxel no fud o letu mbaat sadax fa njamsa’oor no fud o letu, xan a wetanel o don-maax ole faambirna no batand soo ta ɓoxot sadax fa ndoxel um fo sadax fa njamsa’oor um ne ta fi’tan na bes fee na ñootnax ale, cinj kaaga, xan a sutoox, soo o don-maax ole a wegel cinj yaa ta sutooxna.

2 Maad we 16:18

O maad oxe Asuur a tax’a ta watin kam Mbind ne no Yaal oxe ndaalaand ne no uum-maamaad le max’eena teen fo ndokand tafil ne no maad oxe.