Heseki’el 44:12 - NQAARIIT NE ROOG

¹² Feek kaa njalanoogu xeet fee mbaambir pangool ke den soo a ndeeƭu no mbind Isra’el ɓil laa na tolofnooraa, a maafnooraa a den na bakaad, mexe daaɓooxan fa den o ɓay es took ee: Xan a ngadoox tooñ den. Mi o Yaal oxe na refkaa boo faw layun.

Heseki’el 44:12 Referans Kwoze

A kim a tedu ke 106:26

Maaga, a yoɗa o ɓay um, a daaɓoox o xaƴ a den da nqonit na koƥ-a-ƥor ale,

Heseki’el 44:10

«No ke jofna no Leelewi we mbaasaxama ye Isra’el a ruuxna a koƥ soo a fesaam ndiiñ ndax ta reef pangool ke ten, xan a ngadoox tooñ den.

Heseki’el 20:23

Kam a koƥ-a-ƥor ale, mi o mat daaɓoox’u fa den fo o ɓay es took ee xam pasar a den a ndeer qeet ke, picit a den na saax a pogreer,

Heseki’el 20:15

Kam a koƥ-a-ƥor ale, mi o mat daaɓoox’u fa den fo o ɓay es took ee ɗoxkiim a den no saax le ci’uuma a den, saax laa fo sis fo suum a ndaxritaa, le moƴna o mos na saax ake fop,

Amos 8:7

Ten taxu o Yaal oxe a daaɓoorit a xoox um ee: «Weeckiim a leng na pi ake den.

Hoose 5:1

Nuun saasadax we, nan-gilooxyo kene! Nuun mbind Isra’el, naangyo tek! Nuun mbind ne no maad oxe, ndungyo nof nuun! Nuun o mat ngel’e o layoor, yaam kaa nu ndeeƭu mbog kam Mispa, mbaal letne took o joong ole Taboor

Hoose 4:6

Xeet es owe saŋkooxaa took o ñak-o-and. Feek kaa o deɓ o and ole, xam raxong no calel no saasadax es. Ne weectoona a cangin es, mi Roog of, mi itam neene um weecitkaa xa ƥeef.

Heseki’el 44:13

Matiidkiraam ndax da mbadnanaam calel no saasadax, kaam ee matiidkatee tig oo tig tedu ke mi, tig oo tig ke mi moƴna o ted. Xan a ngadoox gaci den fo cednooxu ke da mbi’na.

Heseki’el 20:28

Ɗoxaam a den boo no saax le daaɓoox’uuma fo o ɓay es took ee xam ci’in a den. Den o mat, muu da ƈookna ñaang sadaxand mbaat ndaxar niɓu, a ƥoxot maaga sadax den, a mbuuxnoortaam maaga sadax tuufe-duufe ke den, a ƥoxot maaga sadax pelu tuñ ke den soo a njuur maaga biiñ fee den.

Heseki’el 20:6

A koom, daaɓooxaam fa den fo o ɓay es took ee xam sutit a den no saax laa Misira, ɓis a den no saax laa horooxan’uuma a den, saax laa fo sis fo suum a ndaxritaa, le moƴna o mos na saax ake fop.

Esayi 9:16

Ten taxu o Yaal oxe wuus’ee mbes ke den too yirim’ee xa baan axe den fo ñaaw we den, yaam den fop kaa njofaƭar, a soxod, too laykee jam muk. Keene fop koy taxee fuux le no Yaal oxe a ɓoos, too o ɓay um ole yoɗooxa boo fa ndiik.

Heseki’el 48:11

Saasadax we keseena ndeer xa ƥiy axe Saadok na njegkan, den we topatooxna calel es too mo’ee ye Ii-isra’el we a nduuxna a koƥ, ne Leelewi we a mo’it’ina.

Hoose 4:9

Ke na dalkaa saasadax we na dalkaa dal a xeet fee. Xam inooxan a den yaam a pesoorooƭ den soo rabid a den a pi den.